«Փաստաբանների նոր հայտարարությունը Անդրիաս Ղուկասյանի քրեական գործի և կալանքի վերաբերյալ»
28.10.2016
12:00
Հոկտեմբերի 28-ին Մեդիա կենտրոնում տեղի ունեցավ մամլո ասուլիս Անդրիաս Ղուկասյանի քրեական գործի ընթացքի և կալանքի վերաբերյալ:

Ւնչպես հայտնի է, Անդրիաս Ղուկասյանը մեղադրվում է այս տարվա հուլիսին Սարի թաղում զանգվածային անկարգություններ կազմակերպելու մեջ ՀՀ Քրեական օրենսգրքի 225-րդ հոդվածի 1-ին մասով:

Անդրիաս Ղուկասյանի պաշտպան Կարեն Մեժլումյանը, ով մասնակցում էր Մեդիա կենտրոնի ասուլիսին, ասում է, որ արդեն 3 ամիս է` քրեական գործը քննվում է և այս ընթացքում նախաքննական մարմինը տիրապետում է այն ծավալի արդյունքների, որոնցով միանաշանակ պետք է քրեական հետապնդումը դադարեցվեր ինչպես Անդրիաս Ղուկասյանի, այնպես էլ Արմեն Մարտիրոսյանի, Դավիթ Սանասարյանի և մյուս մեղադրյալների նկատմամբ:

«Մենք գտնում ենք, որ այս գործի քննությունը պետք է ուղարկվի Հատուկ քննչական ծառայություն, որովհետև ակնհայտ է դարձել, որ ինչ-որ կատարվել է, և եթե դա ըստ նախաքննության մարմնի, զանգվածային անկարգություն է, իրականացվել են Ոստիկանության և Ոստիկանության հետ համագործակցող սադրիչների կողմից: Այս ընթացքում, սակայն, նման ապացույցների պայմաններում, որը մանրամասն մեր կողմից ներկայացվել է վարույթն իրականացնող մարմին, օնլայն ռեժիմով այդ իրադարձությունները ցույց են տրվել, ինչպես Ազատության հրապարակում հավաքը, այնպես էլ երթը դեպի Սարի Թաղ և Սարի թաղում տեղի ունեցած իրադարձությունները»,-ասաց Մեժլումյանը:

Նա ընդգծում է, որ իրենք ամբողջ հեռարձակվածը սղագրել են և այդ կայքերի հղումներով, տեսագրություններով միջնորդել են վարույթ իրականացնող մարմին` գլխավոր դատախազին, որպեսզի քրեական հետապնդումը դադարեցվի. «Որովհետև այդ ամենով պարզ երևում է, որ ընդհանրապես զանգվածային ոչ կոչեր, ոչ գործողություններ, ոչ դրա հետ առնչվող արարքներ Անդրիաս Ղուկասյանը և մյուս մեղադրյալները չեն կատարել»:

«Նույն այդ տեսագրություններով երևում է, թե ինչպես են այդ սարդրիչները` 10-15 հոգի, փորձում ժողովրդին իջեցնել դեպի ՊՊԾ գունդի տարածք, երբ որ մի քանիսը իջնում են նրանց հետևից, նրանք սկսում են շրջվել, քարերով ու մահակներով ժողովրդի հետից ընկնում, և ժողովուրդը փախնում է»,-հավելում է Մեժլումյանը:

Անդրիաս Ղուկասյանի մյուս պաշտպան Ինեսսա Պետրոսյանն ասում է, որ Ոստիկանության աշխատակիցների «շինծու ցուցմունքների» հիման վրա առաջադրվեցին այդ անհիմն և ապօրինի մեղադրանքները:

«Ու, այնուամենայնիվ, նրանք գնացին նրան, որ շուրջ 3 ամիս է Անդրիաս Ղուկասյանին պահում են անազատության մեջ, իսկ ՀՀ դատարանները, գտնվելով այդ քաղաքական պատվերի տակ, չեն բավարարում պաշտպանական կողմի ներկայացրած նույնիսկ գրավի միջնորդությունները: Մեր պաշտպանյալ Անդրիաս Ղուկասյանը պետք է վաղուց լիներ ազատության մեջ: Ակնհայտ է դառնում, որ կոնկրետ Անդրիաս Ղուկասյանի մասով կա հստակ հետապնդում, նրա քաղաքական հայացքների հետ կապված»,-ասում է Պետրոսյանը:

Անդրիաս Ղուկասյանի կինը՝ ճարտարապետ Անահիտ Թարխանյանը, ով նույնպես մասնակցում էր ասուլիսին, ասում է, որ իր համար զարմանալի է ու անընդունելի, որ նախագահի թեկնածուին կարող են ձերբակալել և անազատության մեջ պահել, մերժել միջնորդությունները:

«Բոլոր քաղաքական գործիչները արտահայտվել են եւ ստորագրել են՝ ի օգուտ Անդրիասի և երաշխավորել են, եթե փոխվի խափանման միջոցը, ինքը չի խոչընդոտի, ինքը պատշաճ անձնավորություն է: Ամեն պատգամավորի հետեւում կանգնած է մի մեծ ընտրական խումբ, կանգնած են հազարավոր մարդիկ, ոչ թե հազարավոր, այլ տասնյակ, հարյուր հազարավոր մարդկանց մասին է խոսքը, որոնք երաշխավորում են Անդրիասի համար»,-հավելեց Թարխանյանը:                               

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին

Տեսանյութ
Print Friendly and PDF
Այլ մամլո հաղորդագրություններ
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Հայաստանում ամուսնական զույգերը պլանավորում են շատ, բայց ունենում քիչ երեխաներ. ՄԱԿ 2017թ. ուսումնասիրություն
11.07.2018
12:00
Հուլիսի 11-ին Բնակչության համաշխարհային օրը Մեդիա կենտրոնում ներկայացվեց ՄԱԿ-ի Բնակչության հիմնադրամի կողմից իրականացված ՀՀ բնակչության վերարտադրողական վարքագծի ուսումնասիրության արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ