Կառավարության ծրագիրը եւ տնտեսական մարտահրավերները. դեկլատատիվ դրույթնե՞ր, թե՞ կոնկրետ քայլեր. քննարկում
25.10.2016
12:00
Հայաստանի կառավարության ծրագրիը, վերջերս ընդունված հարկային օրենսգիրքը, ընդհանուր վարչարարությունն ու տնտեսության իրական պահանջները չեն համապատասխանում իրար: Տնտեսությունը պահանջում է ոչ ստանդարտ մոտեցումներ, հստակ քայլեր, կառավարությունն այն որոշակիորեն ամրագում է իր ծրագրում, սակայն կադրային փոփոխություններն ու պլանային հարկային քաղաքականությունն այդ խնդրի լուծմանը չեն նպաստում: Այս մասին «Մեդիա կենտրոնում» հոկտեմբերի 25-ին կայացած քննարկմանը հայտարարեց տնտեսագետ Աշոտ Խուրշուդյանը:

Հայաստանում, նշում է տնտեսագետը, կառավարման համակարգի ընդհանուր մոտիվացիան այլ է, տնտեսության պահանջներն՝ այլ: «Մեր կառավարման համակարգում դրանք իրար չեն համապատասխանում: Կա վստահության մեծ պակաս ու պլանային հարկահավաքության սկզբունքն է կիրառվում, որից պետք է հրաժարվել», - հայտարարեց փորձագետը՝ հավելելով, որ Հայաստանի տնտեսական ու հարկային քաղաքականությունների մեջ հակասություններ կա: «Նոր հարկային օրենսգրքին ընդունվեց, որտեղ դրված է որքան հնարավոր է այս պայմաններում հարկ հավաքելու ու բյուջեն կատարելու սկզբունքը: Կարծում եմ, որ եթե հարկային օրենսգիրքն այսօրվա ուղերձներով եւ այսօրվա կառավարության ծրագրին համահունչ մշակվեր, ապա այն այլ կլիներ, որովհետև ես տեսնում եմ հակասություններ ուղերձների մեջ», - ասաց նա:

«Մեդիա կենտրոոնում» Աշոտ Խուրշուդյանի, «ՓՄՁ համագործակցության ասոցիացիայի» ղեկավար Հակոբ Ավագյանի եւ տնտեսագետ, «Այլընտրանք» հետազոտական կենտրոնի ղեկավար Թաթուլ Մանասերյանի մասնակցությամբ հոկտեմբերի 25-ին տեղի ունեցավ «Կառավարության ծրագիրը եւ ՀՀ տնտեսության մարտահրավերները. դեկլատատիվ դրույթնե՞ր, թե՞ կոնկրետ քայլեր» թեմայով քննարկում: 

Հակոբ Ավագյանն իր խոսքում կարեւորեց հատկապես ինստիտուտների հիմնումը, որպեսզի հստակ աշխատեն նույն կոռուպցիայի մակարդակի նվազմանն ուղղված մեխանիզմները: Նա այս կերպ անդրադարձավ նաեւ վարչապետ Կարեն Կարապետյանի վերջերս մի քանի հեռուստաընկերություններին տված հարցազրույցին, որտեղ նա հայտարարել էր, թե այսուհետ ցանկացած ոք կարող է անխոչընդոտ ապրանք ներկրել Հայաստան: Խոչընդոտներ հարուցելու դեպքում նա հորդորել էր անձամբ զանգել իրեն: «Չեմ ուզում տեսնել վարչապետ, որը բիզնես-օմբուդսմենի դերակատարում է ստանձնում: Վերջապես պետք է կարողանանք ստեղծել ինստիտուտ որպես այդպիսին, այլ ոչ թե ունենանք անձնավորված վարչապետ, որն ավելի հասանելի է հեռախոսին», - ասաց ՓՄՁ համագործակցության ասոցիացիայի» ղեկավար Հակոբ Ավագյանը:

Կառավարության ծրագրում, նշում է բանախոսը, ընդգրկված է կետ առ այն, որ 2017 թ.-ին կառավարությունը կփորձի վերլուծություն անել եւ 2018-ին ներդնել, այնպիսի մեխանիզմներ, որոնք կաջակցեն փոքր ու միջին բիզնեսին: «Սա խոսում է այն մասին, որ այդպես էլ չենք կարողացել ապահովել հանձնում-ընդունումը նախորդ կառավարությանը: Այդ վերլուծություններն արդեն իսկ արվել են, դրանք կան, ուղղակի պետք է կիրառել: Մասնավորապես այդ հարցի շուրջ Եվրոպական բանկի փորձագետների բազմաթիվ վերլուծություններ կան», - հիշեցրեց Հակոբ Ավագյանը:

Կառավարության փոփոխությունից հետո նա ակնկալում է նոր ծրագրով կադրային փոփոխություններ հատկապես մաքսային ոլորտում: «Համակարգում աշխատող մաքսավորը սովոր էր այն կանոններով աշխատելուն եւ չի կարող ապրել ցածր աշխատավարձով», - ասաց նա:

Կառավարության ծրագիրը դրական լույսի ներքո գնահատեց քննարկման մյուս մասնակից Թաթուլ Մանասերյանը: Սկզբից նա անդրադարձավ ծրագրի մշակման գործընթացին եւ դրական գնահատեց այն, որ փաստաթղթի մշակման եւ ներկայացման փուլում նոր մշակույթ է ձեւավորվել, քանի որ քաղաքացիական հասարակության մասնագիտացված շերտին մասնակից են դարձնում ինչպես մշակմանը, այնպես էլ որոշումների կայացմանը: Թեպետ Կարեն Կարապետյանի գլխավորած կառավարությունը գործելու է մինչեւ 2017 թ.-ի առաջին կեսին սպասվող խորհրդարանական ընտրությունները, իսկ դրանց մնացել է 6 ամիս, նա վստահություն հայտնեց, որ այդ ժամկետում հնարավոր է ծրագիրը կյանքի կոչել:

Նա դրական համարեց նաեւ այն, որ կառավարության ծրագրում առաջին անգամ խոսվեց տնտեսության «դիագնոստիկայի մասին» եւ կատարվեցին ծախսերի խնայողություններ: «Եթե հստակ դիագնոստիկա չի արվում, եթե հաշվառում տեղի չի ունենում, ցանկացած ծրագիր առոչինչ է: Մյուս կողմից խնդիրներից լրջագույնը պորտաբույծների բանակից հրաժարվելն է: Դա վերաբերում է և կադրերին, և այն մարդկանց, ովքեր ցմահ դիտորդ են: Նրանք միայն կարող են քննադատել ու ոչինչ չանել», - ասաց Մանասերյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Բռնությունը ՄԻԱՎ-ով ապրող կանանց նկատմամբ» հետազոտության արդյունքները
24.12.2018
11:00
Դեկտեմբերի 21-ին «Մեդիա կենտրոնում» տեղի ունեցավ մամուլի ասուլիս, որի ընթացքում ներկայացվեց «Բռնությունը ՄԻԱՎ-ով ապրող կանանց նկատմամբ» հետազոտության արդյունքները:
«Սոցիալական քաղաքականություն. աղքատությու՞ն, թե՞ արդարություն. ի՞նչ ճանապարհ կընտրի Հայաստանը»
21.12.2018
12:00
Մեդիա կենտրոնում, դեկտեմբերի 21-ին տեղի ունեցավ քննարկում՝ «Սոցիալական քաղաքականություն. աղքատությու՞ն, թե՞ արդարություն. ի՞նչ ճանապարհ կընտրի Հայաստանը» թեմայով:
Բարձր մակարդակով ստացվում է խոսել Ռուսաստանի հետ, սակայն ավելի ցածր մակարդակում բարդություններ կան
21.12.2018
11:00
Չեմ կասկածում, երբ Նիկոլ Փաշինյանն ասում է, որ մենք ՌԴ-ի հետ որևէ խնդիր չունենք, սակայն սա, ասես, իր անձնական ուղիղ կապի մակարդակն է, մնացած բոլոր դաշտերում, երևի թե, կան բացթողումներ, որոնք տարբեր հարցադրումների հիմք են հանդիսանում։
«Մշակութային ոլորտի խնդիրներն ու ակնկալվող բարեփոխումները. 2018թ. ամփոփում»
20.12.2018
12:00
Դեկտեմբերի 20-ին Մեդիա կենտրոնում տեղի ունեցավ քննարկում՝ «Մշակութային ոլորտի խնդիրներն ու ակնկալվող բարեփոխումները. 2018թ. ամփոփում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ