Թուրքիան և ԼՂ հարցի կարգավորման գործընթացը. նոր մարտահրավերներ
20.10.2016
11:00
Ռուսաստանը հայտնվել է խորը տնտեսական ճգնաժամի նախաշեմին և քաղաքական մեկուսացման մեջ, հետևաբար ամեն ինչ անում է, որ Թուրքիայի հետ հարաբերությունները բարելավի, դա իր համար արտաքին քաղաքական ճեղքում է. այս մասին այսօր «Մեդիա կենտրոնում» հրավիրված քննարկմանը հայտարարեց «Մոդուս Վիվենդի» վերլուծական կենտրոնի ղեկավար, դիվանագետ Արա Պապյանը:

«Թուրքիան և ԼՂ հարցի կարգավորման գործընթացը. նոր մարտահրավերներ» թեմայով քննարկմանը մասնակցում էին նաև ՀԱԿ-ի արտաքին կապերի պատասխանատու Վլադիմիր Կարապետյանը  և Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանը:

Անդրադառնալով հոկտեմբերի 14-ին Երևանում ՌԴ արտգործանախարար Սերգեյ Լավրովի հայտարարությանը, որ «Թուրքիան կարող է դրական դեր խաղալ ԼՂ հարցի կարգավորումը արգելափակումից դուրս բերելու առումով»՝ Արա Պապյանը ընդգծեց, որ Թուրքիան իրականացնում է նույն քաղաքականությունը, ինչ որ Խորհրդային Ռուսաստանը արել է 1920-ականներին:

«Սա տակտիկական մերձեցում է, որովհետև ստրատեգիական առումով Թուրքիան վտանգավոր երկիր է Ռուսաստանի համար: Բայց Ռուսաստանը Թուրքիայի հետ հարաբերությունները բարելավում է մեր հաշվին, սա քաղաքական սիրաշահման քայլ էր: Վերջիվերջո Թուրքիան Միսնկի խմբի անդամ երկիր է, բայց եռանախաագահությունից միշտ պահվել է որոշակի հեռավորության վրա, որովհետ Թուրքիան միշտ կողմնակալ է եղել»,-ասում է Պապյանը:

Նա ընդգծում է, որ Հայաստանը պետք է պաշտոնական բողոք ներակայացներ Միսնկի խմբին Թուրքիայի դիրքորոշման վերաբերյալ, քանի որ միակ երկիրն է, որ միակողմանի հայտարարություն արեց ու «բռնեց Ադրբեջանի պոչը»:

«Մեզ համար սա վտանգավոր միտում է, քանի որ սա ցույց է տալիս Թուրքիայի ազդեցության ուժեղացումը ՌԴ արտաքին քաղաքականության վրա: Մեզ դժվար ժամանակներ են սպավում, և մենք դիվանագիտական լուրջ հմտություններ պետք է ցուցաբերենք, որպեսզի կարողանանք հակակշռել այս բացասական միտումները քաղաքականության մեջ»,-հավելեց Պապյանը:

Մանվել Սարգսյանն ասում է, որ նոր փուլ է սկսվել միջազգային հարաբերություններում:

«Ամիսներ շարունակ Թուրքիայի հետ ունենալով բարդ հարաբերություններ՝ Ռուսաստանը փորձում է նոր հարաբերություններ ստեղծել:  Թուրքիան նոր խնդիրներ ունեցավ արևմտյան երկրների հետ և բնական է, որ անհնար է այդ հարաբերությունները ստեղծել՝ շրջանցելով հայկական խնդիրները: Ռուսաստանը փորձում է իր դիրքորոշումները համապատասխանեցնել Թուրքիայի դիրքորոշումներին, դրանով ուրիշ խնդիրների դեպքում պարտադրելով իր դիրքորոշումը Թուրքիային»,-ասում է Սարգսյանը:

Ըստ նրա՝ Ռուսաստանը շատ խորը գնաց, քանի որ տարիներ շարունակ գերտերությունները և Մինսկի խմբի համանախագահող երկրները պաշտպանել են Հայաստանի այն տեսակետը, որ հայ-թուրքական հարաբերությունները առանց նախապայմանների պետք է լուծվեն:

«Միայն Թուրքիան և Ադրբեջանն էին այն կապում ԼՂ խնդրի հետ: Հիմա Լավրովը իր վերջին հայտարարությամբ ընդունեց Թուրքիայի այդ դիրքորոշումը: Դա համաձայնություն է, որը կարող է ուժեղացնել Թուրքիայի դիրքերը Ղարաբաղյան խնդրում,  բայց կարող ենք ասել նաև, որ դրանով Թուրքիան ինչ որ մի պատնեշ է դրել  հայ-թուրքական հարաբերությունների զարգացմանը՝ հասկանալով, որ երբեք Հայաստանը չի համաձայնվի դրա հետ»,-հավելեց Սարգսյանը:

Վլադիմիր Կարապետյանը նույնպես կիսեց իր մտահոգությունները մյուս բանախոսների հետ և ընդգծեց, որ առկա է մարտահրավեր:

«Նախևառաջ Լավրովի հայտարարությունը կկապեմ օրեր առաջ Թուրքիայի արտագործանախարարի՝ Եվրոպայի խորհրդում արված հայտարարության հետ, որտեղ խոսում է Ռուսաստանի հետ ձեռք բերված պայմանավորվածության մասին և համատեղ ջանքերով ձեռնամուղ լինելու ԼՂ հարցի կագավորման գործընթացին: Ավելի կոնկրետ ասում է, որ Ռուսաստանը առաջարկությամբ է հանդես եկել: Ինձ հաճելի կլիներ լսել Ռուսաստանի արտգործանախարի հերքումը, որ չի եղել առաջարկ,  բայց մենք տեսնում ենք հաստատումը այդ ամենի»,-ընդգծեց Կարապետյանը և հավելեց, որ հաշվի առնելով Հայաստանում առկա վերաբերմունքը այդ ամենին, ճիշտ կլիներ Ռուսաստանը  ավելի ճշգրիտ հայտարարություններ աներ հրապարակային դաշտում:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին

 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ