Ի՞նչ սպասել նոր կառավարությունից. քննարկում
04.10.2016
12:00
Երեկ «Մեդիա կենտրոնում» անցկացվեց քննարկում «Ի՞նչ սպասել նոր կառավարությունից» թեմայով, որին մասնակցում էին «Մոդուս Վիվենդի» վերլուծական կենտրոնի ղեկավար, դիվանագետ Արա Պապյանը, Հայաստանի Հելսինկյան կոմիտեի նախագահ Ավետիք Իշխանյանը, քաղաքական վերլուծաբան Արմեն Բաղդասարյանն ու քաղաքական տեխնոլոգ Արմեն Բադալյանը:

Անդրադառնալով կառավարության փոփոխություններին և նորանշանակ վարչապետին՝ Ավետիք Իշխանյանն ասաց, որ Կարեն Կարապետյանը բավականին համակրելի մարդ է թվում:

«Բայց Հայաստանում ընդհանրապես իրավիճակը փոխելու համար պետք է ինչ-որ նպատակ ունեցող էնտուզիաստների թիմ, նվիրյալների թիմ, որոնք կգնան ինքազոհողությունների անգամ:  Արդյո՞ք Կարեն Կարապետյանը այդ անձնավորությունն է, արդյո՞ք նա այդ տեսլականը ունի: Մենք գոնե պետք է լսած լինեինք նրա մտահոգությունների ու տեսլականի մասին, թե ինչպես կարող են իրավիճակը փոխել: Միգուցե նա լավ տեխնոլոգ է, բայց դա բավարար չէ այդ թռիչքը ունենալու համար: Արդյոք Կարեն Կարապետյանը ազա՞տ է իր որոշումների կայացման մեջ,  արդյոք նրան տրվա՞ծ է այդ քարտ բլանշը, արդյոք նա ունի՞ իր այդ համախոհները և արդյոք նա այդ համախոհներով կառուցեց այդ թիմը: Կամ արդյոք նա ունի հենարան Ազգային ժողովում, որ ձգտում ունի ինչ որ բան փոխելու: Սրանք հարցեր են, որոնք բաց են մնում»,-ասաց Իշխանյանը:

Քաղաքական վերլուծաբան Արմեն Բաղդասարյանն ասում է, որ  Հայաստանի տնտեսության առջև կանգնած բոլոր խնդիրները ունեն քաղաքական պատճառներ. շրջափակում, մենաշնորհներ, կոռուպցիա և այլն:

«Քաղաքական խնդիրները կարող է լուծել միայն քաղաքական թիմը: Նոր կառավարությունում տեխնոկրատներ, լավ մենջերներներ են, բայց քաղաքական թիմ չէ, իսկ ոչ քաղաքական թիմը չի կարող լուծել քաղաքական խնդիրներ: Կարեն Կարապետյանը լավ շոումեն է, բայց դրանից տնտեսությունը ավել չի զարգանա: Եթե խնդիրները քաղաքական են, հետևաբար քաղաքական թիմը պետք է փոխվի, իսկ նրանք իրենց շոուներով հասարակությանը շեղում են»,-ասում է Բաղդասարյանը:

Ըստ նրա՝ Հայաստանում տնտեսական վիճակը կբարելավի միայն այն դեպքում, երբ հասարակությունը կհասկանա, որ պետք են քաղաքական փոփոխություններ, իսկ այս կառավարությունը «հասարակությանը հույսեր է տալիս և երկարաձգում է այդ գործընթացը»:

«Մենք այս պրոցեսը ուշացնում ենք նոր կառավարության շոուների պատճառով: Սա քաղաքական թիմ չէ, սա տարբեր շահեր ունեցող մարդկանց խմբավորում է: Կարեն Կարապտեյանը Հովիկ Աբրահմայնաի համեմատ ավելի լավ է պատրաստված, ավելի գիտակ մարդ է, ավել բարեկիրթ ու լավ կվարի նիստերը, բայց եթե երկրի քաղաքական ուղղվածությունը մնում է նույնը , հակադրվում ենք Արևմուտքին, ապա ոչինչ չի փոխվի: Կարեն Կարապետյանի նշանակումը Արևմուտքի կողմից լավ չընդունվեց և ընկալվեց, որպես Ռուսաստանի կողմից ճնշում, վերահսկողություն Հայաստանի վրա: Կարեն Կարապետյանը ընկալվեց որպես Ռուսաստանի կողմից բերված մարդ, որ Հայաստանում վիճակը վերցնի իր ձեռքը»,-ընդգծեց Բաղդասարյանը:

Արմեն Բադալյանը կարծիք հայտնեց, որ նոր կառավարության ձևավորման սկզբունքը նման է բաց բաժնետիրական ընկերության ղեկավար մարմնի տնօրենների խորհրդի ձևավորման սկզբունքին և ով մեծ բաժնետոմսեր ունի, նա էլ նշանակում է:

«Հայաստանի բաժնետոմսերի մեծ մասն ունի Ռուսաստանը,  նա էլ նշանակում է տնօրենների խորհրդի նախագահին՝ վարչապետին   և արտգործանախարարին, որովհետև Ռուսատանը թույլ չէր տալու արտաքին քաղաքականությունն ինքնուրույն լինի: Դրա համար նա ներկայացրեց իր տնօրենին, իսկ վարչապետն էլ տնտեսական բլոկի նախարարներին նշանակեց: Այսինքն սա գնաց ռուսական բաժնետոմսերի նշանակմամբ: Արևմուտքը նույնպես բաժնետոմսեր ստացավ՝ պաշտպանության նախարարի թեկնածուին, ով Արևմուտքի համար ավելի ցանկալի թեկնածու է: ԱՄՆ-ում կրթություն ունի, որոշակի շփումներ ունի»,-ասաց Բադալյանը:

Նա ընդգծեց, որ բացի արտաքինից,  կան նաև ներքին խոշոր բաժնետերեր. «Նախկին վարչապետը կարողացավ իր մարդկանց նշանակել Արփինե Հովհաննիսյանին,  Դավիթ Հարությունյանին:  Նախկին ԲՀԿ առաջնորդը մեկ թեկնածուի նշանակեց, նաև Հրանուշ Հակոբյանը հանրապետական կուսակցությունից մնաց: Ով ինչ բաժնետոմսերի քանակ ուներ, այդպես էլ նշանակեց: Սկզբունքը ընդհանուր այդպիսին էր»:

ԱրաՊապյանն էլ անդրադառնալով Էդուարդ Նալբանդյանի նշանակմանը, ընդգծեց, որ դա տեղի է ունեցել արտաքին ճնշման հետևանքով, քանի որ նա սպասարկում է ուղղակիորեն Ռուսաստանի շահերը:

«Այստեղի ց էլ ՊՆ նախարաի փոփոխությունը եղավ և Վիգեն Սարգսյանը նշանակվեց: ԱԳՆ-ն թիվ մեկ քաղաքական նախարարությունն է,  նա է նախագահին առաջարկում տարբերակներ,  ինքն է խորհուրդներ տալիս: Ինչ վերաբերում է Պաշտպանության նախարարությանը, արդեն ՊՆ-ն իր վրա էր վերցրել որոշակի դիվանագիտական առաքելություն ԱԳՆ-ի պասիվության պարագայում և որոշակի գործունեություն է ծավալում ոչ միայն զինվորական կցորդների, այլև տարբեր դեսպանների հրավիրելու առումով: Վիգեն Սարգսյանի նշանակումը  Պաշտպանության նախարարությունում կմեծացնի նաև այդ  դիվանագիտական բաղադրիչը»,-հավելեց Պապյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին

 

Տեսանյութ
Print Friendly and PDF
Այլ մամլո հաղորդագրություններ
ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները
09.11.2018
12:00
Նոյեմբերի 9-ին «Մեդիա կենտրոնում» Երևանի մամուլի ակումբը ներկայացրեց ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները։
«Ինչպե՞ս բարձրացնել գիտության արդյունավետությունը»
09.11.2018
11:00
Նոյեմբերի 9-ին, ժամը 11:00-ին, Մեդիա կենտրոնում տեղի կունեն քնարկում՝ «Ինչպե՞ս բարձրացնել գիտության արդյունավետությունը» թեմայով:
«ՊԵԿ-ի նոր օրինագիծը. ՀԿ-ների ֆինանսական հաշվետվությունը պետք է ամբողջությամբ տեսանելի լինի»
08.11.2018
11:00
Նոյեմբերի 8-ին «Մեդիա կենտրոնում» տեղի ունեցավ քննարկում՝ «ՊԵԿ-ի նոր օրինագիծը. ՀԿ-ների ֆինանսական հաշվետվությունը պետք է ամբողջությամբ տեսանելի լինի» թեմայով:
«Նախկին դատապարտյալների վերաինտեգրման խնդիրները Հայաստանում»
07.11.2018
12:00
Նախկին դատապարտյալների վերաինտեգրման գործընթացը սկսվում է հենց այն պահից, երբ ազատազրկված անձը մուտք է գործում քրեակատարողական հիմնարկ։
«Արամի 23 շենքը չի քանդվի, սակայն ինչպե՞ս պահպանել, որ չփլուզվի»
07.11.2018
11:00
Նոյեմբերի 7-ին Մեդիա կենտրոնում տեղի ունեցավ քննարկում «Արամի 23 շենքը չի քանդվի, սակայն ինչպե՞ս պահպանել, որ չփլուզվի» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ