Հուլիսյան իրադարձություններին կալանավորված անձանց իրավունքների խախտումները
30.09.2016
12:00
Պատերազմի և խաղաղության լուսաբանման ինստիտուտի հայաստանյան գրասենյակը Հանրային լրագրության ակումբի հետ համատեղ սեպտեմբերի 30-ին «Մեդիա կենտրոն»-ում անցկացրեց քննարկում՝ «Հուլիսյան իրադարձություններին կալանավորված անձանց իրավունքների խախտումները» թեմայով:

Միջոցառման նպատակն էր փորձագետների և պաշտոնյաների մասնակցությամբ քննարկել հուլիսի 17-ից սկսած խաղաղ ցույցերի ժամանակ բերման ենթարկված և որոշ դեպքերում մինչ օրս կալանավայրերում պահվող անձանց նկատմամբ իրավապահ մարմինների և դատական համակարգի պահվածքի օրինաչափությունը։ 

Քաղաքացիական հավաքներն ու երթերը մեկնարկեցին հուլիսի 17-ից, երբ տեղեկություն տրածվեց, որ զինված խմբավորումը, որոնց շարքերում են նաև Արցախյան շարժման ակտիվ մասնակիցներ, գրավել է Էրեբունի թաղամասում առկա Ոստիկանության ՊՊԾ գունդը։ Հավաքների մասնակիցները իրենց զորակցությունն էին հայտնում գունդը գրաված զինված խմբին և պահանջում էին իրավապահ մարմիններից չդիմել կտրուկ գործողությունների զինված խմբի նկատմամբ: Մինչ դեռ հուլիսի 29-ին, երբ ոստիկանությունը հատուկ միջոցների կիրառմամբ ցրեց բողոքի երթ իրականացնող ցուցարարներին՝ բերման ենթարկելով հարյուրավորների և մարմնական վնասվացքներ պատճառելով տասնյակ քաղաքացիների՝ այդ թվում լրագրողների:

Այդ օրվանից անցել է գրեթե երկու ամիս, սակայն մինչ օրս կալանավայրերում եմ գտնվում քաղաքացիներ, որոնց նկատմամբ հարուցված են քրեական գործեր՝ անկարգություններ հրահրելու մեղադրանքով։ Մի քանիսի պարագայում դատարանը որոշում է ընդունել երկարացնելու կալանավայրում մնալու ժամկետը ևս երկու ամսով գործի քննությունը շարունակելու անհրաժեշտությամբ։         

ՊԽԼԻ հայաստանյան գրասենյակն հուլիսյան ճգնաժամի վերաբերյալ հոդվածաշար է հրապարակել, որի անգլերեն տարբերակը հասանելի է այստեղ՝ Making Sense of Armenia's Crisis https://goo.gl/uwpJzK: Այս միջոցառումը ուղված է իրազեկելու հանրությանը խնդրի կարևորության և հրատապության վերաբերյալ։

Քննարկման բանախոսներն էին` 

Գիորգի Գոգիա  Human Rigths Watch-ի Հարավային Կովկասի տնօրեն (Վրաստան)

Արայիկ Պապիկյան, Հելսինկյան Ասոցիացիայի ներկայացուցիչ, փաստաբան

Դանիել Իոաննիսյան, «Իրազեկ քաղաքացիների միավորում» ՀԿ-ի ծրագրերի համակարգող         

Հայկուհի Հարությունյան, «Իրավունքների պաշտպանություն առանց սահմանների» ՀԿ-ի ղեկավար

Հավելյալ տեղեկությունների համար կարող եք զանգահարել Պատերազմի և խաղաղության լուսաբանման ինստիտուտի հայաստանյան գրասենյակ` + 374 10 58 48 99 կամՀանրայինլրագրությանակումբ, +37460 505 898 հեռախոսահամարներով:

Միջոցառումն իրականացվում էր IWPR-ի`Հարավային Կովկասում ներուժի հզորացմանըբաժանարար գծերի վերացմանը և լարվածության նվազեցմանն ուղղված նախագծի շրջանակներումորն իրականացվում է Նորվեգիայի արտաքին գործերի նախարարության ֆինանսական աջակցությամբԱյն իրականացվում է Հանրային լրագրության ակումբ ՀԿ-ի «Մեդիակենտրոն» ծրագրի հետ համագործակցությամբ:

Պատերազմի և խաղաղության լուսաբանման ինստիտուտը նպաստում է հակամարտությունների և զարգացումների կիզակետում գործող տեղական լրատվամիջոցների ամրապնդմանը`գործելով աշխարհի 2 տասնյակ երկրներում և շրջաններում: Կազմակերպության գործառույթների շարքում է տեղական անկախ լրատվամիջոցների ստեղծումը, տեղացի լրագրողների, խմբագիրների վերապատրաստումը, աջակցությունը մարդու իրավունքների, առողջ կառավարման և այլ ուշագրավ թեմաների համապարփակ լուսաբանմանը, պրոֆեսիոնալ լրագրության տարածումը զարգացող երկրներում և միջազգային ասպարեզում, մարդու իրավունքների, միջազգային արդարադատության և կանանց իրավունքների տեղական կազմակերպությունների հաղորդակցման ներուժի ամրապնդումը:

Տեսանյութ
Print Friendly and PDF
Այլ մամլո հաղորդագրություններ
«Հանրակրթության չափորոշիչներ․ որտե՞ղ է մանիպուլյացիան, որտեղ՝ իրականությունը»
06.07.2020
14:00
Հուլիսի 6-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպեց քննարկում «Հանրակրթության չափորոշիչներ․ որտե՞ղ է մանիպուլյացիան, որտեղ՝ իրականությունը» թեմայով:

«COVID-19. հոգեբանական աջակցության անհրաժեշտություն ունենք բոլորս»
06.07.2020
12:00
Հուլիսի 6-ին, ժամը 12:00-ին, Մեդիա կենտրոնն անցկացրեց առցանց քննարկում «COVID-19. հոգեբանական աջակցության անհրաժեշտություն ունենք բոլորս» թեմայով:

Քարահունջը պետք է պահպանել, բայց ումի՞ց
03.07.2020
14:30
Հուլիսի 3-ին՝ ժամը 14։00-ին, «Մեդիա կենտրոն»-ը տեսակապի միջոցով կազմակերպեց քննարկում «Քարահունջը պետք է պահպանել, բայց ումի՞ց» թեմայով:

Գույքահարկ․ տագնապի հաշվիչը մեկնարկել է
02.07.2020
16:30
Հուլիսի 2-ին՝ ժամը 16:30-ին, «Մեդիա կենտրոնի» նախաձեռնությամբ «Ա1 պլյուսի» ուղիղ հեռարձակմամբ անցկացվեց առցանց հեռուստաբանավեճ «Գույքահարկ․ տագնապի հաշվիչը մեկնարկել է» թեմայով։

«Ավելորդը. ԿԳՄՍ-ի որոշմամբ՝ կասեցվել է «Հայ գրականությունը թարգմանություններում» դրամաշնորհային ծրագիրը»
02.07.2020
12:00
Հուլիսի 2-ին, ժամը 12:00-ին, Մեդիա կենտրոնը կազմակերպեց առցանց քննարկում «Ավելորդը. ԿԳՄՍ-ի որոշմամբ՝ կասեցվել է «Հայ գրականությունը թարգմանություններում» դրամաշնորհային ծրագիրը» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ