Հասարակական վերաբերմունքը կտրուկ փոխվել է դեպի ԵԱՏՄ անդամակցությունը
01.09.2016
12:00
Համաձայն «Դեպի Հյուսի՞ս, թե՞ Արևմուտք դիրքորոշումներ. հասարակական կարծիքի ուսումնասիրության» արդյունքների՝ Հայաստանում հասարակական տրամադրություններն ու կարծիքները ԵԱՏՄ անդամակցության վերաբերյալ ամբողջովին փոխվել են:

Այս մասին «Մեդիա կենտրոնում» հրավիրված ասուլիսի ժամանակ ներկայացրեցին Վանաձորի ՀՔԱ գրասենյակի ղեկավար Արթուր Սաքունցը և հետազոտության փորձագետ, սոցիոլոգ Ռուբեն Սարգսյանը:

Հելսինկյան Քաղաքացիական Ասամբլեայի Վանաձորի գրասենյակի կողմից իրականացված հետազոտությունը ներկայացնում էր 2014, 2015 և 2016 թթ-ին իրականացրած հարցումների համեմատական թվերը:

«Ուսումնասիրության նպատակն է, որպեսզի մենք հետևենք և տեսնենք հանրային տրամադրությունների փոփոխությունը ԵԱՏՄ-ի և ԵՄ-ի՝ այս երկու հիմնական վեկտորների վերաբերյալ»,-ասաց Սաքունցը:

Հարցումներն իրականացվել են Հայաստանի բոլոր մազերում և Երևանում: Երեք տարիների ընթացքում էլ հարցման անցկացման ձևաչափը և ժամանակահատվածը եղել է նույնը:

«Այն հարցին, թե Հայաստանը պետք է անդամակցի ԵՄ-ի՞ն, թե՞ ԵԱՏՄ-ին, 2016-ին հարցվողների մեծամասնությունը պատասխանել են, որ ԵՄ-ին: Իրավիճակը փոխվել է, եթե նախկինում գերակշռում էր ԵԱՏՄ-ի կողմնակիցների թիվը, ապա ներկայումս կտրուկ նվազել է: Ամենաբարձրը՝ 41 տոկոսը,  նախապատվություն են տվել եվրոպական կառույցների անդամակցությանը իսկ հարցվածների 25 տոկոսը նախապատվությունը տվել է ԵԱՏՄ-ին:Մինչդեռ 2014-ին ԵՄ-ի կողմնակիցները կազմել էին 25 տոկոս, 2015-ին 24 տոկոս, իսկ 2016-ին աճել է: ԵԱՏՄ-ի կողմնակիցները կազմել են 38 տոկոս 2014-ին և 36 տոկոս 2015-ին, այսնինք մենք նկատում ենք նվազման տենդենցը»,-ասում է Սարգսյանը:

Նա հավելում է, որ ակնհայտ նվազում է արձանագրվել նաև երկուսին անդամակցել ցանկացողների թվում: Ըստ փորձագետի՝ բոլոր մարզերում եղել է աճ դեպի ԵՄ անդամակացությունը, և նվազում դեպի ԵԱՏՄ-ն:

«Թե արական, թե իգական սեռի մոտ աճել է նախապատվությունը դեպի ԵՄ և նվազել դեպի ԵԱՏՄ: Իսկ նախկինում ըստ հետազոտությունների, հիմնականում արական սեռի ներկայացուցիչները ԵԱՏՄ-ի կողմնակից էին, իսկ կանայք՝ ԵՄ-ի»,-հավելում է Սարգսյանը:

Արթուր Սաքունցը ընդգծում է, որ այստեղ մարզային առանձնահտկություններ չկան և ընդհանուր առմամբ բնակչությնա մոտ համաչափ է այդ կողմնորոշումների և կարծիքների փոփոխությունը:

«Այսինքն  սա ոչ թե բնակության վայրի կամ մարզային առանձնահատկություն է, այլ ընդհանուր տենդենց է: Ակնհայտ է որ ԵԱՏՄ-ի անդամագրման փաստը և այն հիմնավորումները, որոնք ներկայացնում էին հանրությանը, ըստ էության չեն իրականացվել, չեն ապահովվել, և հանրությունը իր վերաբերմունքով խոսում է այն մասին, որ ակնկալիքները բավարար չի համարում ԵԱՏՄ-ի անդամակացության հետ կապված»,-նշում է Սաքունցը:

Նա ընդգծում է, որ  այստեղ խզում և լուրջ հակասություն կա պաշտոնական քաղաքականության և հանրային տրամադրությունների միջև, և ըստ նրա, քաղաքական վերնախավը պետք է հաշվի առնեն հանրային տրամադրությունների այս փոփոխությունը:

«Վերաբերմունքի և դիրքորոշման փոփոխության պատճառները պարզ են. տնտեսական ակնկալիքները բավարարված չեն, էնէրգետիկ ակնկալիքնեը բավարաված չեն, անվտանգության գործոնների հետ կապված ակնկալիքները նույնպես բավարարված չեն: Այսնիքն որևէ խոստում, կամ որևէ հիմնավորում, որ ներկայացնում էին այս 3 տարվա ընթացքում, չի իրականացվել և հանրությունը հստակ օբյեկտիվ ներկայացնում է իր վերաբերմունքը»,-հավելեց Սաքունցը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
«2019 թ. պետական բյուջեն ազնիվ, կոնսերվատիվ և իրավիճակային բյուջե է». տնտեսագետներ
09.10.2018
13:00
Հոկտեմբերի 9-ին «Մեդիա կենտրոնում» տեղի ունեցավ քննարկում «Պետական բյուջե-2019. մարտահրավերներ և հնարավորություններ» թեմայով։
«Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները»
05.10.2018
12:00
Հոկտեմբերի 5-ին Գյումրիում, Շիրակի պետական համալսարանի մեծ դահլճում (Հասցե: Պ.Սևակ 4, Գյումրի) տեղի ունեցավ հանրային քննարկում «Խորհրդարանի ցրման ու արտահերթ ընտրությունների անցկացման հնարավոր տարբերականներն ու մեխանիզմները» թեմայով։
ՅՈՒՆԻՍԵՖ-ի 2018թ. զեկույցի ներկայացում. «Հայաստանում երեխաներին ուղղված հանրային ծախսերի գնահատում»
05.10.2018
12:00
Հոկտեմբերի 5-ին «Մեդիա կենտրոնում» ՄԱԿ-ի Մանկական հիմնադրամը (ՅՈՒՆԻՍԵՖ-ը) ներկայացրեց 2018թ. իրականացրած «Հայաստանում երեխաներին ուղղված հանրային ծախսերի գնահատում» թեմայով զեկույցի արդյունքները, ըստ որի երեխաներին ուղղված հանրային ծախսերը նվազել են թե՛ ընդհանուր ծախսերի և թե՛ սոցիալական ծախսերի համեմատ:
«ԱԺ արտահերթ ընտրությունների անցկացման հնարավոր մեխանիզմները»
04.10.2018
11:00
Հոկտեմբերի 4-ին «Մեդիա կենտրոնում» տեղի ունեցավ քննարկում «ԱԺ արտահերթ ընտրությունների անցկացման հնարավոր մեխանիզմները» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ