«Լուսավոր Հայաստան» կուսակցությունը պայքարելու է համայնքներում իշխանությունը վերցնելու համար
29.08.2016
11:00
«Լուսավոր Հայաստան» կուսակցությունը ակտիվորեն մասնակցելու է սեպետմբերի 18-ին և հոկտեմբերի 2-ին նախատեսվող ՏԻՄ ընտրություններին և ընդհանուր թվով 53 թեկնածու է առաջադրել՝ փոքր և մեծ համայնքներում մրցակցություն ապահովելու համար:

Այսօր այս մասին «Մեդիա կենտրոնում» հայտարարեց «Լուսավոր Հայաստան» կուսակցության Խորհրդի նախագահ Էդմոն Մարուքյանը:

«Մենք շատ ենք կարևորում ՏԻՄ ընտրությունները: Հայտնի խոսք կա, որ ժողովրդավարությունը սկսում է տեղերից, մեզանում եղել են մոտեցումներ, որ պետք է վերևից գնալ և  վերևից փոխելով իջնել ներքև, մենք գտնում ենք որ ներքևից վերև փոխելու հնարավորությունները ավելի ժողովրդավարական են, ավելի իրական են և ավելի շատ քաղաքացիական հասարակության ներգրավվածություն կարող են ապահովել, քան վերևից՝ մի մարդու կողմից դեպի ներքև փոփոխություններ իրականացնելը, ինչը ես գտնում եմ ոչ այդքան էլ ժողովրդավարական: Որտեղ որ մենք ունենք համայնքի ղեկավարի թեկնածու, այդ թեկնածուները չեն առաջադրվել, որ մասնակցեն ընտրություններին, նրանք հաղթելու լրջագույն շանսեր ունեցող թեկնածուներ են, և մենք պայքարում ենք այդ համայնքներում իշխանությունը վերցնելու համար»,-ասաց Մարուքյանը:

Համայնքի ղեկավարի համար «Լուսավոր Հայաստանը» ներկայացրել է թեկնածուներ Վանաձորում, Սիսիանում, Նոյեմբերյանում և Ջրառատում:

«Իսկ մնացած համայնքներում, որտեղ ունենք ավագանու թեկնածուներ, ավագանիներով փորձելու ենք տեղական ժողովրդավարության մշակույթը ձևավորել, բյուջեի նկատմամբ վերահսկողություն սահմանել և փորձել ավագանու աշխատանքը այնքան լավ կազմակերպել, որ սպասվող 2017-ի խորհրդարանական ընտրություններում թե «Լուսավոր Հայաստանի» բրենդը, թե ավագանու կողմից իրականացված աշխատանքը բերի նրան, որ մենք լրջագույն ձայներ կարողանանք ստանալ նշված համայնքներում»,-ընդգծեց Մարուքյանը:

Վանաձորում «Լուսավոր Հայաստան» կուսակցության ավագանու ցուցակը արդեն հաստատված է, այն կազմված է 35 անդամից: Այն գլխավորում է Քրիստ Մարուքյանը՝  Վանաձոր համայնքի քաղաքապետի թեկնածուն:

«Վանաձորում մինանշանակ է, որ ոչ թե հաղթելու շանսեր ունենք, այլ հենց մենք էլ հաղթելու ենք: Որովհետև բոլոր մեր ուսումնասիրությունները և այլ կուսակցությունների ուսումնասիրությունները ցույց են տալիս, որ այնտեղ հանրապետական կուսակցությունը պարտվելուէ  և հաղթելու շանսը պատկանում «Լուսավոր Հայաստան» կուսակցությանը»,-վստահորեն նշեց Մարուքյանը:

Անդրադառնալով Գյումրիի ՏԻՄ ընտրություններին՝ Մարուքյանը ընդգծեց, որ իրենք համագործակցում են ԳԱԼԱ կուսակցության հետ:

«Գյումրիում իրավիճակն այլ է. մանրամասն ուսումնասիրություններ ենք իրականացրել. երկու արտակարգ հնարավորություն ենք ունեցել առանձին ցուցակով մասնակցելու, ուժեղ թեկնածույով հանդես գալու, բայց մեր հաշվարկներով դա բերելու էր նրան, որ լավագույն դեպքում ունենալու էինք խմբակցություն Գյումրի համայնքում: Գյումրիում համագործակցում ենք ԳԱԼԱ կուսակցության հետ, «Լուսավոր Հայաստանը» միակն է, որը ԳԱԼԱ-ի ընտրական ցուցակում ունի ավագանու թեկնածուներ: Կարևոր է, որ ԳԱԼԱ կուսակցությունը հաղթի Գյումրիի ՏԻՄ ընտրություններում: Գյումրի խնդիրները ԳԱԼԱ-ն ավելի լավ է պատկերացնում, քան մենք՝ որպես նորաստեղծ կուսակցություն»,-պարզաբանեց Մարուքյանը:

«Լուսավոր Հայաստան» կուսակցության Խորհրդի քարտուղար Մանե Թանդիլյանն ասաց, որ «Լուսավոր Հայաստանը» գալիք ՏԻՄ ընտրություններում ներկայացվել է ՀՀ 5 մարզերում՝ Սյունիքում, Տավուշում, Արմավիրում, Լոռիում և Շիրակում:

«Ընդհանուր համայնքի ղեկավարի 7 թեկնածու ունենք. Սյունիքի Սիսիան քաղաքում, Տավուշի Նոյմեբերյան, Այրում և Ճոճկան համայնքներում, իսկ Արմավիրում և Ջրառատում մեկական թեկնածուներ»,-նշեց Թանդիլյանը

Կուսակցության ավագանու ցուցակը բաղկացած է 53 անդամից, որոնց մեծ մասը՝ 35-ը Վանաձորի ցուցակում են: 18 ավագանու անդամներն այլ ընտրատեղամասերում են՝ Լոռիում, Տավուշում և Գյումրիում:

«Ջրառատում երկար տարիներ հաղթում է իշխանական թեկնածու, և մենք այսօր իսկապես ունենք լուրջ թեկնածու՝ Արման Ղուկասյանը,  ով բոլոր հնարավորություններն ու պոտենցիալը ունի այնտեղ հաղթելու: Հաջորդ շեշտադրումը, որ ուզում եմ անել Սիսիանի քաղաքապետի առաջադրումն է,  ով միակ կին թեկնածուն է, որ այսօր առաջադրվում է որպես համայնքի ղեկավար»,- հավելեց Թանդիլյանը:

Լիլիթ Առաքելյան, «Մեդիակենտրոն» ծրագրի խմբագիր/համակարգող:

Հեղինակի հետ կապվելո ւհամար գրեք Lilitarakelyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ