Զինված հարձակում Երևանում․առցանց մեդիան եռում էր, հեռուստաընկերությունները՝ լռում
19.07.2016
13:00
Հռուստաընկերությունների կողմից Երեւանում զինված հարձակման ոչ բավարար ու օպերատիվ լուսաբանումը հանգեցրեց մի կողմից հասարակության ու իշխանության միջեւ անջրպետի խորացմանը, մյուս կողմից՝ լրատվությամբ հետաքրքրված ակտիվ լսարանի տեղափոխմանը դեպի առցանց մեդիա դաշտ։ Այս մասին «Մեդիա կենտրոնում» հուլիսի 19-ին «Ինչպե՞ս լուսաբանեց հայաստանյան մեդիան զինված հարձակումը Երևանում» խորագրով քննարկմանը հայտարարեց Երևանի մամուլի ակումբի (ԵՄԱ) նախագահ Բորիս Նավասարդյանը։

Բանախոսի դիտարկմամբ, ՊՊԾ գնդի վրա հարձակման օրը հեռուսաըներությունները այդպես էլ չփոխեցին իրենց ծրագրային քաղաքականությունը եւ առաջին ժամերին չտվեցին այդ միջադեպի մասին տեղեկատվություն։ «Թեպետ լրատվության եւ լուսաբանման սուր կարիք կար։ Հեռուստաընկերությունները կողմնորոշված էին դեպի հեռուստացույցի դեմ պասիվ ժամանակ անցկացնող լսարանը, որոնց առաջին հերթին հետաքրքրում է ժամանցային հաղորդումներ ու սերիալներ։ Ուստի նրանք չփոխեցին իրենց ծրագրային քաղաքականությունը, թեպետ իրադարձության վերաբերյալ հրատապ ու խորը լրատվության սուր կարիք կար», - ասաց բանախոսը՝ հավելելով, որ անպայման չէր ողջ եթերը լցնել այդ իրադարձության վերաբերյալ նյութերով, կարելի էր թեկուզ սահմանափակվել կարճ պաշտոնական հաղորդագրությունների տրամադրմամբ։

Հենց այդ պատճառով, նշում է Նավասարդյանը, տեղեկատվության կարիք ունեցող ակտիվ լսարանը տեղափոխվեց առցանց մեդիա դաշտ, ինչը լուրջ մարտահարավեր է Հայաստանի մեդիա արտադրության ոլորտի համար։  

Լրագրող Պետրոս Ղազարյանի կարծիքով, հեռուստաընկերությունների գործելաոճի մի քանի պատճառներ կան, իսկ առաջին օրվա հեռուստաընկերությունների զգուշավորությունը նա համարեց արդարացված։ «Նախ, հեռուստաընկերությունները չէին կարող կայքերի նման օպերատիվ լինել։ Բացի այդ կիրակի օր էր, այնպես չէ, որ կայքի նման մի աշխատակիցը բավարար է դեպքի վայրից լուրեր հաղորդելու համար։ Հեռուստաընկերության պարագայում պետք է մի ամբողջ համակարգի աշխատանքի կանչել», - ասաց նա՝ հավելելով, որ հեռուստաընկերությունների պասիվությունը պայմանավորված էր նաեւ արտակագ իրավիճակում սխալներից ապահովվագրվելու ցանկությամբ, քանի որ գրավողները ապաստամբության կոչ էին անում։ Այս միտքը քննարկման մյուս բանախոս Խոսքի ազատության պաշտպանության կոմիտեի նախագահ Աշոտ Մելիքյանը գնահատեց որպես ինքնագրաքննություն, ինչն անըդունելի է խոսքի ազատության տեսանկյունից։

Այժմ, երբ չկա արտակարգ դրություն, ըստ Ղազարյանի, մամուլը պետք է գործի ազատ ու լուսաբանի իրադարձություններն այնպես, ինչպես որ կա։ «ՊՊԾ գնդի գրավման օրը սոցիալական ցանցերում այնպիսի մի աղմուկ էր տիրում, կարծես Հայաստանում հեղափոխություն է իրականացվել, իսկ հեռուստաեթերը տպավորություն էր ստեղծում, որ երկիրն ամառային հանգստի մեջ է։ Իրականությունը, կարծում եմ, այդ երկուսի մեջտեղում է», - հավելեց նա։

Մյուս կողմից անգամ այժմ, ըստ բանախոսի, մեծ տեղեկատվական հոսքեր չկան։ «Խնդիրն այն է, որ իրադարձության մասին չեն ցանկանում խոսել ոչ իշխանության, ոչ էլ ընդդիմության կողմնակիցները։ Ըննդիմությունը հասկանում է, որ տեղի է ունեցել դատապարտելի իրադարձություն, սակայն չի ցանկանում այն դատապարտել հրապարակավ, քանի որ վախենում է հանրության արձագանքից», - ասաց նա։ Հարցին՝ թե ինչու հեռուստաընկերությունները չեն ներկայացնում հակառակ կողմի, օրինակ՝ նույն «Հիմանդիր խորհրդարանի» մամուլի խոսնակ, զինված խմբի անդամ Վարուժան Ավետիսյանի կարծիքը, նա պատասխանեց․«Լրագրողներս պետք է չեզոք լինենք, բայց երբ խոսքը սահմանադրական կարգի խախտմանը, տապալման կոչերին, սպանությանն է վերաբերում, ես անձամբ չեմ պատրաստվում հակասահմանադրական կոչով հանդես եկող մարդու կարծիքը հեռարձակել, դա աղերսներ չունի խոսքի ազատության հետ»։

Քննարկմանը մասնակից Խոսքի ազատության պաշտպանության կոմիտեի նախագահ Աշոտ Մելիքյանը նշեց, որ իշխանությունն այժմ իրադարձություններին արձագանքում է անուղղակի՝ այսպես ասաց «տրոլների» միջոցով, որոնք ներկայացնում են իշխանությանը հաճող գաղափարներ։ «Խնդիրն այն է, որ մենք գործ ունենք մի իրավիճակի հետ, երբ այդ մարդկանց ահաբեկիչ համարելը բարդ է: Ահաբեկչությունը հայրենիք չունի, իսկ այս մարդկանց դժվար է ասել, որ իրենք հայրենասեր չեն: Ես սա համարում եմ հուսահատ քայլ, ոչ թե ահաբեկչություն», - ասաց նա՝ հավելելով, որ հեռուստաընկերությունների եթերում շատ էին մանիպուլյացիաները, տեղեկատվությունը չէր թարմացվում արագ։ 

Աշոտ Մելիքյանը նաեւ քննադատեց լրագրողների աշխատանքի խոչընդոտման դեպքերը, որն ըստ բանախոսի, արդեն «քրոնիկ հիվանդության» է վերածվել։ Նրա խոեսքով, ցանկացած էքստրեմալ իրավիճակում իրավապահները սկսում են ակտիվիստների հետ համատեղ ոտնատակ գցել նաև լրագրողներին: «Սա անընդունելի է: Այդ արհամարհական վերաբերմունքը վիրավորական է, էլ ավելի վիրավորական է, որ թույլ չեն տալիս նրանց աշխատել, սա արդեն քրոնիկ հիվանդություն է դարձել», - եզրափակեց Մելիքյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր 

Հեղինակի հետ կապվելու համար գրեք arshaluismghdesyan@pjc.am հասցեին:

Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ