Մեկնարկում է Եվրոպական երիտասարդական պառլամենտի Հայաստանի միջազգային ֆորում 2016-ը
01.07.2016
12:00
Այս տարվա հուլիսի 3-9-ը Եվրոպական Երիտասարդական Պառլամենտ (ԵԵՊ) Հայաստանի 2016 միջազգային ֆորումին մասնակցելու համար Երևան են ժամանել շուրջ 200 երիտասարդ առաջնորդներ ավելի քան 20 եվրոպական երկրներից:

«Մեդիա կենտրոնում» հրավիրված ասուլիսի ժամանակ ֆորումի,գլխավոր կազմակերպիչ Արման Գասպարյանը ասաց, որ արդեն երրորդ անգամն է նման ֆորում կազմակերպվում Հայաստանում:

«Ֆորումը բաղկացած է երեք մասից, որոնցից առաջինը մշակութային հատվածն է, որը տեղի կունենա հուլիսի 5-ին, որի ժամանակ Եվրոպայից ժամանած և հայաստանյան պատվիրակությունները հնարավորություն կունեն ծանոթանալու Երևանի ճարտարապետությանը և մշակութային միջոցառումներին, որոնք այդ օրը տեղի կունենան Երևանում: Հուլիսի 3-ը համատեղելու ենք Վարդավառի տոնակատարությունների հետ Թումանյանի այգում և հետո յուրաքանչյուր երկրից ժամանած պատգամավորները և մասնակիցները, հյուրերը և տեղացիները հնարավորություն կունենան ներկայացնելու իրենց երկրի մշակույթը, սնունդը և այդ ամենը կհամատեղենք Վարդավառի հետ: Իսկ հուլիսի 5-ի միջոցառումը կհամատեղվի Սահմանադրության օրվա հետ»,-ասաց Գասպարյանը:

Նրա խոսքով՝ հետագայում տեղի կունենա աշխատանք հանձնաժողովներում, որի ժամանակ պատգամավորները իրենց հանձնաժողովների նախագահների հետ միասին կփորձեն աշխատել այն բանաձևերի շուրջ և այն խնդիրների վերաբերյալ, որոնք ունեն:

«Դրանց վերաբերյալ կգրեն բանաձևեր, որոնք էլ հուլիսի 7-ին և 8-ին տեղի ունենալիք Գլխավոր ասմաբլեայի ժամանակ կներկայացնեն, դրա շուրջ կբանավիճեն և պարզ քվեարկությամբ հայտնի կդառնա արդյոք իրենց գրած բանաձևը անցե՞լ է, թե՞ ոչ: Անցնելու դեպքում կախված նրանից, թե ում է վերաբերում այդ բանաձևը, այն կուղարկվի Եվրոպական երիտասարդական պառլամենտի կենտրոնական գրասենյակ, որը գտնվում է Բեռլինում»,-նշեց Գասպարյանը:

Այս անգամ ֆորումի շրջանակում լինելու է տասը հանձնաժողով: Ըստ Գասպարյանի՝ թեմաները միշտ ընտրում են այնպես, որ հետաքրքրի հայաստանյան հանրությանը և Եվրամիությանը և հնարավորինս ժամանակին համապատասխան լինի:

Այս տարվա ընտրված թեմաներից են, օրինակ՝ կոռոպուցիան, օֆշորային կազմակերպությունները, հարկերից խուսափման խնդիրները:

«Կփորձենք նոր ձևաչափ առաջարկել համագործակցության և առավել արդյունավետ դարձնել երևույթը կոռուպցիայի դեմ պայքարի և խնդիրների լուծման ուղղությամբ»,-հավելեց Գասպարյանը:

Բնապահպանական հարցերով հանձնաժողովի ղեկավար Ֆանյա Քրիստոդուլիդեսը, ով նույնպես մասնակցում էր մամլո ասուլիսն, ասաց, որ իրենց նպատակն է փորձել հասկանալ ինչպես կարելի է հասնել համաշխարհային բնության աղտոտման կրճատման մեխանիզին, որը ներկայումս գործում է Եվրամիությունում:

«Ինչպես կարելի է դրա վրա հիմնելով համաշխարհային ձևաչափ ստանալ: Ներկայումս կարևոր հարց է բնության աղտոտման դեմ պայքարը, քանի որ մթնոլորտի աղտոտումը հանգեցնում է նաև օզոնային շերտի քայքայմանը, ինչը մեկ այլ բնապահպանական խնդիր է հանդիսանում»,-նշեց Քրիստոդուլիդեսը:

Ասուլիսի մյուս մասնակից ԵԵՊ Հայաստանի գործադիր տնօրեն Արմինե Խամոյանն ասում է, որԵԵՊ-ն ստեղծվել է 1989-ին Ֆրանսիայում՝ որպես դպրոցական նախագիծ, որպեսզի հետաքրքրություն առաջացնի երիտասարդության մոտ դեպի հիմնահարցերը, որոնք վերաբերում են իրենց և այն սոցիումում, որտեղ իրենք գտնվում են:

«Հետագայում այնպիսի տարածում է գտել, որ ներառում է այժմ 40 երկիր, և ներկայացնում աշխարհում ամենամեծ եվրոպական երիտասարդական կազմակերպությունը: Ամբողջ կազմակերպչական անձնակազմը երիտասարդներ են, աշխատանքը կազմակերպում են Հայաստանում, որպեսզի երիտասարդները տեղյակ լինեն, թե ինչ խնդիրներով լի աշխարհում են իրենք բնակվում և ինչ խնդիրներ են լինում Հայաստանի ներսում, որպեսզի կարողանան ավելի լավ պատկերացնել, թե ինչպիսի լուծումներ կարող են տալ նրանք այդ խնդիրներին և մասնակից դառնան այդ խնդիրների լուծումներին հայաստանյան իրականության մեջ»,-հավելեց Խամոյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am հասցեին: 

 

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ