Տավուշի մարզում երիտասարդների զբաղվածության խնդիրը բավականին սուր է
01.07.2016
11:00
Թեպետ Տավուշի մարզում գործում են միջին մասնագիտական ուսումնական հաստատություն, որոնցից վեցը պետական քոլեջներն են, մեկն արհեստագործական գործարան, իսկ այդ հաստատություններում ուսանողների թիվը կազում է շուրջ 950, սակայն մարզի երիտասարդության շրջանում մասնագիտական կողմնորոշման ու զբավածության խնդիրը բավականին սուր է: Նաեւ այդ պատճառով մարզի Տավուշի մարզի երիտասարդների մոտ 30 տոկոսը գործազուրկ է: Այս մասին «Մեդիա կենտրոնում» հունիսի 1-ին կայացած քննարկմանը նշեցին ոլոտրով զբաղվորղ պետական պաշտոնյաները եւ մասնագետները:

Որպես զբաղվածության տեսակներ մարզում, ըստ ՀՀ Կրթության եւ Գիտության նախարարության նախնական եւ միջին մասնագիտական կրթության վարչության ՄԿՈՒ քաղաքականության մշակման եւ ռազմավարության բաժնի պետ Արմենուհի Պողոսյանի, ավելի շատ տարածված են մեղվաբուծությունը, կարի արտադրությունն ու տուրիզմը: «Երիտասարդներին պետք է կրթության միջոցով կողմնորոշել մարզում ավելի լավ հեռանկար ունեցող ոլորտներ: Դրա համար ուսումնական հաստատություններում ներդրվել են մասնագիտական կողմնորոշման կենտրոններ, որտեղ լուջ աշխատանքներ են տարվում՝ ապահովելու կապը գործատուի ու ուսանողների միջեւ», - ասաց Պողոսյանը:  

«Մեդիա կենտրոնում» հունիսի 1-ին Արմենուհի Պողոսյանի, ՀՀ Կրթության եւ Գիտության նախարարության բարձրագույն եւ հետբուհական կրթության վարչության մասնագիտական կազմակերպման եւ համակարգման բաժնի պետ Սասուն Մելիքյանի, Տավուշի տարածաշրջանային պետական քոլեջի տնօրեն Վահագն Առաքելյանի ու տեսազանգի միջոցով Տավուշից միացած մարզպետարանի ներկայացուցիչների ու փորձագետների մասնակցությամբ տեղի ունեցավ քննարկում «Երիտասարդների աշխատանքային զբաղվածության, միգրացիայի և մասնագիտական կողմնորոշման խնդիրները Տավուշի մարզում» թեմայով:

ՀՀ Կրթության եւ Գիտության նախարարության բարձրագույն եւ հետբուհական կրթության վարչության մասնագիտական կազմակերպման եւ համակարգման բաժնի պետ Սասուն Մելիքյանի խոսքով նախարարությունը քայլեր է ձեռնարկում, որպեսզի բուհական կրթությունը որքան հնարավոր է մոտեցնեն աշխատաշուկայի պահաջներին: «Ավելի շատ աշխատում ենք գործատուներին ներգրավել, որ աշխատողներին ուղղորդեն դեպի շուկա: Սա բավականին բարդ գործընթաց է, քանի որ գործատուներին էլ բավականին դժվար է կողմնորոշել դեպի բուհ», - ասաց Մելիքյանը:

Քննարկման մասնակից Տավուշի տարածաշրջանային պետական քոլեջի տնօրեն Վահագն Առաքելյանի խոսքով քոլեջը 2015-2016 ուսումնական տարում շրջանավարտները վեց մասնագիտություններով են դիմել: Սակայն Տավուշի զբաղվածության կենտրոնի հետ համագործակցության արդյունքում, ըստ Առաքելյանի, հանգել են այն եզրահանգման, որ երեք նոր մասնագիտության կարիք կա: Նրա խոսքով, այժմ նախադպրոցական կրթությոան ոլորտում՝ մանկապարտեզների աշխատողներն չունեն դայակի մասնագիտացում: «Երկրորդը զբոսաշրջության  կազմակերպումն  է, քանի որ մարզում զբոսաշրջությունը վերջին տարիներին ակտիվ զարգանում է եւ երրորդ՝ խոհարարական գործ»,-ասաց Առաքելյանը` հավելելով, որ իրենց քոլեջի շրջանավարտներից միայն 20%-ն է կարողանում իրենց մասնագիտությամբ աշխատանքի անցնել:

Զարգացած երկրներում այդ ցուցանիշը կազմում է շուրջ 70%: Բանախոսը նկատեց, որ դեռեւս երիտասարդության շրջանում իներցիայով ընտրություն է կատարվում այնպիսի մասնագիտությունների օգտին, օրինակ՝ իրավաբանություն ու ֆինանսներ, որոնք տվյալ մարզում մեծ պահանջարկ չունեն:

Քննարկմանը տեսակամրջով միացած Իջեւանի Քաղաքացիական երիտասարդական կենտրոնի համակարգող Արփինե Երիցյանի կարծիքով երիատասարդների շրջանում զբաղվածության խնդիրը մարզում գնալով ավելի հրատապ է դառնում: «Տավուշի մարզի երիտասարդների մոտ 30 տոկոսը գործազուրկ  է»,- տեղեկացրեց նա եւ շարունակեց Վահագն Առաքելյանի միտքն առ այն, որ ՀՀ-ում մասնագիտական կողմնորոշման խնդիրը թույլ է:  «Այն է՝ հաճախ երիտասարդներն ավելի հայտնի մասնագիտություններ են ընտրում, սակայն չեն կարող շուկայում իրացվել իրենց մասնագիտություններով», - ասաց նա:

Նրա խոսքով, կրթական հաստատություններն ուղղված են դեպի ուսանողը, այլ ոչ թե գործատուն: «Հաճախ այդ հաստատությունները տալիս են լավ գիտելիքներ, սակայն ոչ պրակտիկ հմտություներ, որպեսզի երիտասարդները կարողանան որպես մասնագետներ շուկայում հեշտությամբ իրացվել: Մինչդեռ պետք է լինի հակառակը՝ ուսումնական հաստատությունները պետք է ուղղված լինեն դեպի գործատուն ու շուկայի պահանջները»,-նկատեց Արփինե Երիցյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected] հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ