Հարկային նոր օրենսգիրքը կարող է խորացնել անվստահությունը հարկատուների ու պետության միջեւ․ փորձագետներ
30.06.2016
11:00
Հանրային, քաղաքական եւ մասնագիտական շրջանակների քննադատությունների էպիկենտրոնում գտնվող, սակայն Ազգային ժողովում առաջին ընթերցմամբ անցած Հարկային նոր օրենսգրքի նախագիծը, ինչն, ըստ էության, գործարար աշխարհի սահամանադրությունն է, էական շտկումների ու կոնցեպտուալ փոփոխությունների կարքի ունի։

Այդ փաստաթուղթը, որը նախատեսում է հարկերի որոշակի բարձրացում, իսկ 1 մլն դրամից ավել աշխատավարձ ստացողների դեպքում պրոգրեսիվ հարկատեսակի կիրառում, կարող է հանգեցնել հարկատուների շրջանում թերհայտարարագրման։ Այլ կեպ ասած՝ ստվերի մեծացման, այն դեպքում, երբ անհրաժեշտ է հարկերի տեսակներն ու դրույքաչափերի կրճատման հաշվին հարկման բազան մեծացնել։ Այսպիսի կարծիք հայտնեցին «Մեդիա կենտրոնում» հունիսի 30-ին կայացած «Հարկային նոր օրենսգրքի նախագիծը եւ տնտեսության մարտահրվերները» թեմայով քննարկմանը մասնակցող փորձագետները։  

Հայաստանում առաջին անգամ ընդունվում է համապարփակ Հարկային օրենսգիրք։ Մինչ այժմ գործել է Հարկերի մասին օրենքը եւ այլ օրենսդրական ակտեր ու գործադիրի որոշումներ։ «Սա առաջին դեպքն է այդ բոլորը մեկտեղելու ու կոնցեպտուալ հենքի վրա օրենսգիրք մշակելու ուղղությամբ», - նշեց քննարկմանը մասնակից Հարկային խորհրդի անդամ Վահագն Համբարձումյանը։ 723 էջից եւ շուրջ 460 հոդվածներից բաղկացած Հարկային նոր օրենսգիրքը, ըստ Համբարձումյանի ունի «շատ դրական կողմեր», սակայն կան նաեւ թերություններ։

Եթե այժմ գործում են հետեւյալ հարկատեսակները՝ մինչեւ 120.000 դրամ աշխատավարձի դեպքում գանձվում է 24,4%, մինչեւ 2 մլն դրամ՝ 26%, 2 մլնից ավել աշխատավարձի դեպքում՝ 36%, ապա նոր օրենսգրքում առաջարկվում է քիչ այլ պատկեր։ Մինչեւ 120.000 դրամ աշխատավաձի դեպքում գանձվում է 23%, մինչեւ մեկ մլն դրամ՝ 28%, իսկ մեկ մլն դրամից ավել՝ 33%: Ուղղակի այս անգամ պրոգրեսիվ հարկը կիրառվում է ոչ թե երկու մլն դրամից, այլ մեկ։ «Խնդիրն այն է, որ եթե բարձրացվում են հարկային տոկոսադրույքները, ապա սա հանգեցնելու է աշխատավարձերի թերհայտարարագրման։ Եթե հարկատուները ունենում են տարբերակ թերհայտարարագրել իրենց աշխատավարձերը, ապա այդպես էլ կանեն», - ասաց Վահագ      ն Համբարձումյանը։

Քննարկմանը մասնակից ՀՊՏՀ տնտեսության կարգավորման և միջազգային տնտեսական հարաբերությունների ֆակուլտետի դեկան Ատոմ Մարգարյանը նշեց, որ Հարկային օրենսգիրքը ոչ միայն ֆինանսական, պետություն-հարկատու հարաբերությունները կարգավորող փաստաթուղթ է, այլև քաղաքական փաստաթուղթ, քանի որ այն պետք է կոնսենսուսի արդյունքում ընդունվի: «Օրենսգրքին առաջին ընթերցմամբ կողմ են քվեարկել 60 և մի փոքր ավելի տոկոս պատգամավորներ, որը կոնսենսուս չի ձևավորում: Եթե հետագայում չստացվի այն ձևավորել, հարկային օրենսդրությունը չի աշխատի», - ասաց նա։

«Հարկ վճարողների և գործարարների իրավունքների պաշտպանության» ՀԿ Արմեն Եսոյանը, խոսելով Հարկային օրենսգրքի՝ հարկ վճարողների վրա ունեցած ազդեցությանից, նշեց, որ նախ եւ առաջ պետք է փոփոխել այն մտածելակերպը, որ հարկը անհատույց վճար է: «Պետք է սահմանել, որ հարկը այնպիսի վճար է, որի դիմաց պետությունը պարտավորվում է ապահովել բարեխիղճ վարչարարություն, ապահովել մրցակցություն և այլն: Այս դրույթները հիմնականում ներառված են օրենսգրքում», - ասաց Եսոյանը՝ նշելով, որ բարեխիղճ վարչարարության եւ պետական միջոցների արդույնավետ ծախսման խնդրին պետք է լուծում տալ, հակառակ պարագայում կխորանա վստահության խզվածությունը հարկատուների ու պետության միջեւ։

Հարկային բեռի նվազեցման կամ ավելացման տեսանկյունից Եսոյանի խոսքով նախագծում ամրագրված է շուրջ 19 հարկերի և պարտադիր վճարների տեսակներ, որոնք անհրաժեշտ է կրճատել: «Մեր մոտեցումն այնպիսին է, որ հարկերի ու պարտադիր վճարների տեսակները պիտի նվազեն. դրանք պետք է տասնյակի չհասնեն»: Բանախոսը նաեւ լուրջ մտահոգություններ ունի, թե ինչո՞ւ հարկային օրենսգրքի նախագծում և հետագայում օրենքում ամրագրված պիտի լինի հարկային մարմնի ծառայողի` զենք կրելու իրավունք: «Դրա կարևորությունը չեմ տեսնում ու կարծում եմ կփոխվի», - ասաց նա:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ