«Electricyerevan»-ից մեկ տարի անց. «բաց հարցերը» պատասխան են պահանջում
24.06.2016
12:00
Թեպետ մեկ տարի է ացել Բաղրամյան պողոտայում էլեկտրաէներգիայի թանկացման դեմ ըդվզած քաղաքացիների ու այդ «Electricyerevan» անունը կրող իրադարձությունները լուսաբանող լրագրողների նկատմամբ իրավապահների կողմից բիրտ ուժի կիրառման դեպքերից, սակայն բռնության դեպքերով հարուցված «գործերի քննությունը դոփում է տեղում»:

«Իրավական առումով մենք ունենք անգործություն: Այդ գործերի մասով Հատուկ քնչական ծառայությունը գրեթե պատախաններ չի տալիս: Տեղեկատվություն չի տրամադրվում անգամ լրագրողներին ու իրավապաշտպաններին: Մենք չենք կարողանում իմանալ, թե մեր ներկայացրած բողոքների մասով գործերի քննությունն ինչ փուլում է», - Գորիսում կայացած «#electricyerevan. ոտնահարված իրավունքների մեկ օրը» վավերագրական ֆիլմի ցուցադրությունը հետեւած քննարկմանը հայտարարեց իրավապաշտպան, հրապարկախոս Զառա Հովհաննիսյանը:    

Հունիսի 24-ին Գորիսի Մամուլի ակումբի գրասենյակում «Մեդիա կենտրոնը» կազմակերպեց «#electricyerevan. ոտնահարված իրավունքների մեկ օրը» վավերագրական ֆիլմի ցուցադրությունը, որին հաջորդեց քննարկում «#electricyerevan»-ի պայքարից հետո մեկ տարվա ընթացքում տեղի ունեցած զարգացումների և մարդու իրավունքների պաշտպանության խնդրիների վերաբերյալ: Քննարկման բանախոսներն էին իրավապաշտպան, հրապարակախոս Զառա Հովհաննիսյանը եւ քաղաքացիական ակտիվիստ, «Քաղաքացիական պայմանագիր» կուսակցության անդամ Կարո Ղուկասյանը:

Քննարկմանը և ֆիլմի ցուցադրությանը մասնակցեցին Գորիսի հասարակական կազմակերպությունների ներկայացուցիչներ, Սյունիքի մարզի գյուղական համայնքների բնակիչներ և ուսանողներ: Ֆիլմը հնարավոր է դարձել իրականացնել «Բաց հասարակության հիմնադրամներ-Հայաստան» կազմակերպության աջակցությամբ:

Զառա Հովհաննիսյանի որակմամբ այն ինչ տեղի ունեցավ մեկ տարի առաջ հունիսի 23-ին Բաղրամյան պողոտայում, երբ ոստիկանությունը քաղաքացիների խաղաղ հավաքը ցրելու համար կիրառեց անգամ ջրցան մեքենա, դա ուղղակի «այլանդակ բիրտ ուժի կիրառում էր»: «Այստեղ ոստիկանական գործողությունների համաչափության մասին խոսք չի կարող լինել: Ոչ մեկ չի բացատրում, թե ինչպես պատահեց, որ ջրցան մեքենան կիրառվեց խաղաղ ցուցարարների դեմ», - ասաց իրավապաշտպանը՝ հավելելով, որ իրավական հարթությունում շատ են նման պատասխան պահանջող «բաց հարցերը»:

Հովհաննիսյանի կարծիքի հետ համաձայնեց Կարո Ղուկասյանը, ում ձեւակերպմամբ, իրավապահներն «անգործության են մատնված», եւ տպավորություն է, որ այս գործերին նայում են «մատների արանքով»: «Ոստիկանությունն այն կառույցն է, որն ամենաշատ գրանտներն է ստանում յուր համակարգում բարեփոխումներ իրականացնելու համար: Ես չեմ կարող ասել այդ համակարգը փոխվել է, թե ոչ, սակայն հուսով եմ անցյալ տարվա իրադարձություններից գոնե հետեւություններ են արվել», - ասաց Ղուկասյանը:

Միեւնույն ժամանակ դատելով հունիսի 23-ին հաջորդած հրադարձությունների ու հանրային ընդվզման այդ գործընթացների ժամանակ ոստիկանության պահվածքից, ըստ Զառա Հովհաննիսյանի, կարելի է ասել, որ իրավապահները հասկացել են, որ բիրտ ուժի կիրառմամբ հնարավոր չէ լռեցնել ընդվզող հասարակությանը: «Փորձերը բիրտ ուժի կիրառմամբ լռեցնել հանրությանը կարող է հանգեցնել էլ ավելի ուժեղ հանրային ցասման դրսեւորումների: Դա տեղի ունեցավ անցյալ տարի հունիսի 23-ին, երբ ոստիկանական գործողություններից հետո նույն օրը երեկոյան մի քանի անգամ ավել մարդ հավաքվեց Բաղրամյան պողոտայում», - նշեց իրավապաշտպանը:

Իր բոլոր դրական կողմերով հանդերձ, ըստ Կարո Ղուկասյանի, «Electricyerevan» շարժումն այուամենայնիվ մարեց ու չհասավ իր վերջնական նպատակին, այն է՝ էլէկտրաէներգիայի սակագնի բարձրացման մասին որոշման չեղարկմանը: «Այնուամենյնիվ շարժումը մարեց, եւ ես հիմա եմ տեսնում, որ այնտնեղ կային մարդիկ, որոնց հետ ես այլեւս ճանապարհ չեմ անցնի», - ասաց Ղուկասյանը՝ չնշելով անուններ, սակայն որակելով «այդ մարդկանց» որպես «ներդրվածներ»: «Չգիտես որտեղից հայտնվեցին ու սկսեցին վերցնել իրավիճակն իրենց ձեռքը», - հիշեց նա:

Սոցիալական արդարության վերականգմանն ուղղված շարժումը, ըստ Հովհաննիսյանի, իշխանություններն օգտագործեցին նաեւ արտաքին քաղաքական նպատակներով: «Մենք այդ ժամանակ տեսանք ՀԷՑ-ի սեփականատիրոջ փոփոխություն, Գյումրիում զարհուրելի սպանություն իրագործած ռուսաստանցի զինվորական Վալերի Պերմյակովի հանձնումը հայկական արդարադատությանը եւ Ռուսաստանի կողմից Հայաստանին 200 մլդ դորալի պաշտպանական վարկի տարամադրման մասին որոշման կայացումը», - եզրափակեց նա:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ