Ընտանեկան բռնության և կանանց սպանության դեպքերը Հայաստանում․նոր զեկույցի ներկայացում»
31.05.2016
12:00
Հայաստանում յուրաքանչյուր 5-րդ կին ենթարկվում է բռնության, իսկ վերջին 5 տարիների ընթացքում Հայաստանում 30 կին սպանվել է զուգընկերոջ կամ ընտանիքի այլ անդամների կողմից: 2015 թ. Հայաստանի անվտանգության մարմիններն արձանագրել են 784 ընտանեկան բռնության հաղորդում: Այս թիվը չի ներառում ո՛չ որպես «անհաշտ ընտանիքներ» որակված, ո՛չ էլ ընդհանրապես հաղորդում չներկայացրած դեպքերը:

«Մեդիա կենտրոնում» հրավիրված «Ընտանեկան բռնության և կանանց սպանության դեպքերը Հայաստանում․նոր զեկույցի ներկայացում» թեմայով ասուլիսի ընթացքում այս տվյալները ներկայացրեց «Կանանց աջակցման կենտրոնի» ներկայացուցիչ, հետազոտության հեղինակ Անի Ճիլոզեանը. «Կնասպանության դեպքեր Հայաստանում գրանցվել են հիմնականում 20-40 տարեկան կանանց շրջանում: Զոհերի մեծամասնությունը եղել են գյուղական պայմաններում ապրող (63 տոկոս), հիմնականում Արարատի և Արմավիրի շրջաններում: Սպանությունների մեծամասնությունը եղել է հենց տանը: 30 զոհից 21-ը ապրում էին բռնարարի հետ նույն տանը, երբ սպանությունը եղել է, առնվազն 4-ը փորձում էին խզել հարաբերությունները բռնարարի հետ, 3-ը խզել են հարաբերությունները սպանությունից առաջ: Հիմնականում կանանց սպանությունները կատարվել են դանակահարելով, վիզը կտրելով, բութ առարկայով ծեծելով և խեղդամահ անելով, այսինքն` դաժան կերպով»,- հետազոտության արդյունքները ներկայացրեց բանախոսը: 

Ըստ զեկույցի՝ կնասպանություն իրականացրած հանցագործների ազատազրկման միջին ժամկետը 9 տարի է եղել, 30-ից միայն 4-ն են այս պահին դատապարտված: 16 դեպքերի համար դատավճիռ չկա, թեև երկար ժամանակ է անցել: Ընդհանրապես գործ չի հարուցվել մեկ դեպքի համար. այն որակվել է որպես ինքնասպանություն, իսկ կնասպանության 9 դեպքերի քննության ընթացքը դեռ անհայտ է: 
Միայն կոալիցիայի անդամ կազմակերպությունները տարեկան 2000-ից ավել ընտանեկան բռնության ահազանգ են ստանում: Հաշվի առնելով կանանց նկատմամբ բռնության հաղորդումների ցածր մակարդակը՝ տանը բռնության ենթարկվող կանանց փաստացի թիվը համարվում է զգալիորեն ավելի մեծ:

Կնասպանության դեպքերի կանխարգելման հարցում, ըստ հետազոտության, իրավապահ մարմինները հիմնականում անգործություն են ցուցաբերում: Կանանց իրավունքների կենտրոնի իրավաբան Էլինա Դանիելյանն առանձնացրեց իրավական թերացումները. «Խնդիր կա ոստիկանության աշխատողների հետ, իրենք անհրաժեշտ արձագանք չեն տալիս հաղորդումներին և հետևողական չեն լինում: Հետևաբար սպանությունները չեն կանխվում»: 

 Ըստ ազգային վիճակագրության թերևս միակ հասանելի տվյալների՝ Հայաստանում 2012թ. հաղորդված դիտավորյալ սպանությունների զոհերի 10.5%-ը կանայք են՝ սպանված զուգընկերոջ կամ ընտանիքի անդամների կողմից, մինչդեռ զուգակցի կամ ընտանիքի անդամների կողմից սպանված տղամարդկանց թիվը զգալիորեն քիչ է՝ 2.9%: Շատ կարևոր է հաշվի առնել, որ այս թվերը ներկայացնում են միայն փաստագրված դիտավորյալ սպանությունները, և չեն ներառում չհաղորդված կամ որպես դիտավորյալ սպանություն չորակված դեպքերը:

Ինչպես փաստում են ոստիկանական արձանագրությունները, ընտանիքի, ընկերների կամ վկաների հետ հարցազրույցները, ընտանեկան բռնության հետևանքով սպանության 30 արձանագրված դեպքերից գրեթե բոլորում բռնարարը նախկինում ևս դրսևորել է բռնարար վարք:  Ընդդեմ կանանց նկատմամբ բռնության կոալիցիայի համակարգող Զառա Հովհաննիսյանը խնդրի լուծման համար կարեւորեց հատկապես կանխարգելիք միջոցառումների իրականացումը՝ այդ հարցում առաջնային նշանակություն տալով  ՙԸնտանեկան բռնության կանխարգելման մասինՙ օրենքի ընդունմանը.ՙ Հայաստանի իշխանությունները պարտավորվել են ավելի քիչ, քան 6 ամսում ընդունել «Ընտանեկան բռնության կանխարգելման մասին» օրենքը, որն արդեն երկու անգամ վերադարձվել է Ազգային ժողովից ու ներկայումս կրկին լրամշակվում է: Նախագիծը ներառում է հենց կանխարգելիչ միջոցառումներ, որոնք հնարավորություն կընձեռեն զոհին ու բռնարարին որոշակի ժամանակ իրարից հեռու ապրելու: Կան մի շարք կանխարգելիչ մեխանիզմներ. օրինակ` կացարաններում բնակության վայր են տրամադրում, ապարանջաններ են հագցնում ձեռքերին, որ 100 մետրից ավելի չմոտենան և այլն»,- ներկայացրեց  Հովհաննիսյանը:

Պատասխանելով Հայաստանի հետ համադրելի երկրներում առկա իրավիճակի մասին հարցին՝  Անի Ճիլոզեանը նշեց, որ թե Վրաստանում, թե Ադրբեջանում եւ Թուրքիայում վաղուց արդեն ընդունվել եւ գործում են ՚Ընտանեկան բռնության կանխարգելման մասինՙ օրենքներ:

Արևիկ Սահակյան, «Մեդիա կենտրոն» ծրագրի համակարգող:

Հեղինակի հետ կապվելու համար գրեք  areviksahakyan@mail.ru հասցեին:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ