«Առողջապահական համակարգի խնդիրները Արարատի մարզում և բժիշկների լիցենզավորման նոր կարգը»
26.05.2016
15:00
Արտաշատ քաղաքում քննարկում անցկացվեց Արարատի մարզի առողջապահական համակարգի խնդիրների և բժիշկների հավաստագրման նոր կարգի վերաբերյալ, որին մասնակցում էին մարզի տարբեր բժշկական հաստատությունների ղեկավարներ, բժիշկներ, ինչպես նաև պետական կառույցների և հասարակական կազմակերպությունների ներկայացուցիչներ:

Քննարկմանը մասնակից, Արարատի մարզպետարանի աշխատակազմի առողջապահության և սոցիալական ապահովության վարչության առողջապահության բաժնի պետ Հայկ Բադալյանն ասաց, որ մարզում գործում է 56 բժշկական հաստատություն, որտեղ աշխատում է 1400 բուժաշխատող և սպասարկում է շուրջ 380 հազար բնակչի:

«Արարատի մարզի բուժհաստատությունների խնդիրները տարբեր են՝ սկսած շենքերի  վերանորոգման հարցից: Կան հիվանդանոցներ, որոնք զրոյից կառուցման խնդիր ունեն: Ինչ վերաբերում է սարքավորումներին, ապա դրանք անընդհատ նորացվում են հնարավարության սահմաններում: Մենք սերտ համագործակցում ենք Առողջապահության նախարարության հետ և պարբերաբար ներկայացնում ենք մեր առկա խնդիրները և տարեցտարի հնարավորության սահմաններում իրականացվում են»,-ասում է Բադալյանը:

Նա նշում է, որ այս տարի սկսվել են Արտաշատի բժշկական կենտրոնի վերանորոգման աշխատանքները, որոնք տևելու են շուրջ 2,5 տարի:

«Շինարարական աշխատանքներից հետո բավականին լավ հագեցված կլինիկա կունենանք: Հետագայում նախատեսվում է նաև մյուս բժշկական կենտրոնները բարեկարգել, Մասիսի, Վեդու: Մասնագտների վերապատրաստման առումով մենք նեղ մասնագետների կարիք ենք ունենում և պարբեաբար ներկայացնում ենք նախարարությանը այդ թափուր աշխատատեղեի համար»,-նշեց Բադալյանը:

Արտաշատի Քաղաքացիական երիտասարդական կենտրոնի համակարգող Օֆելյա Սիմոնյանը, ով նույնպես մասնակցում էր քննարկմանը, ասաց, որ մարզում ամենամեծ խնդիրը շտապ օգնության մեքնենաների սակավությունն է:

«Բացի Արարատ համայնքից, մարզի մյուս բոլոր համայնքներն ունեն շտապ օգնության մեքենաների կարիք: Դիմիտրով համայնքը առհասարակ բուժհաստատության շենք չունի, Ազատավանի ու Այգեստանի ամբուլատորիաների շենքերը ծանր պայմաններում են, Նշանավանում շենքն անգամ վթարային վիճակում է գտնվում, իսկ Դվինի բուժհաստատության շենքային պայմանները սարսափելի վիճակում են»,-ընդգծեց Սիմոնյանը:

Արտաշատում այս պահի դրությամբ գործում է 2 շտապ օգնության մեքենա:

Մարզպետարանի ներկայացուցիչ Հայկ Բադալյանը պարզաբանում է, որ Արտաշատիբժշկական կենտրոնի վերանորոգումից հետո կենտրոնը հագեցվելու է նոր շտապ օգնության մեքենաներով և նոր սարքավորումներով:

Արտաշատի համայնքապետարանի աշխատակազմի սոցիալական հացերի և ծրագրերի գլխավոր մասնագետ Գայանե Ավետիսյանն էլ նշեց, որ 2015-ին Արտաշատի քաղաքապետարան է  դիմել սոցիալապես անապահով 31 քաղաքացի պետ պատվերով բուժօգնություն ստանալու համար, իսկ 2016-ի միայն առաջին կիսամյակում դիմել է արդեն 32 բնակիչ:

«Մեզ դիմում եմ հիմնականում սոցիալապես անապահով բնակիչներ: Մենք կատարում ենք ուսումնասիրություն, որի հիման վրա տալիս ենք միջնորդագիր, որպեսզի ստանան պետպատվերի թուղթը և անվճար բուժման գնան: Հիմնականում մեզ դիմում են աչքի վիրահատության համար»,-նշեց Ավետիսյանը:

Քննարկման մասնակից «Իրավունքի զարգացման կենտրոն» ՀԿ-ի իրավաբան Մարիամ Թորոսյանն ասաց, որ իրենց գործունեության շրջանակում իրենք բուժախատողների հետ հանդիպումներ են ունենում, իրազեկում են իրենց աշխատանքային իրավունքների մասին:

«Այսօր, ցավոք, շատ լուրջ իրավունքների խախտումներ են տեղի ունենում բժիշկների նկատմամբ տվյալ բուժհաստատության ղեկավարության, իսկ երբեմն նաև հաճախորդների կողմից: Օրինակ՝ Վեդիում բուժաշխատողների իրավունքների հետ կապված եղել են դեպքեր, երբ բժշկի 65 տարին լրանում է, և նա կենսաթոշակային տարիքի է հասնում, նրան ուղղակի ասում են, որ դիմում գրի աշխատանքից հեռանալու համար, ինչը ըստ էության, իրավունքի շատ լուրջ խախտում է:Քանի որ Սահամանադրական դատարանը կայացված որոշում ունի, ըստ որի կենսաթոշակային տարիքի հասնելը ինքնին հիմք չէ անձին աշխատանքից ազատելու համար, իրավունք չունեն հանել աշխատանքից: Դա խտրական վերաբերմունք է և Սահմանադրության խախտում: Սա ի դեպ համատարած է բոլոր մարզերում»,-ընդգծեց Թորոսյանը:

Առողջապահության նախարարության  անձնակազմի կառավարման վարչության պետ Սամվել Սողոմոնյանն էլ ասաց, որ Արարատի մարզում այսօր կա 472 բժիշկ և 1089 միջին բուժաձնակազմ, ինչը մյուս մարզերի հետ համեմատած բավականին բարձր ցուցանիշ է:

«18, 1 բժիշկ է ընկնում 1000 բնակչությանը: Սա եվրոպական առողջապահական բարձր համակարգ ունեցող երկրներից բավականին ցածր է, բայց Հայաստանի այլ մարզերի հետ համեմատած բավականին ցածր է: Ներկայումս մարզում 23 բժշկի կարիք կա՝ տարբեր մասնագիտություններում. վիրաբույժ, թերապևտ, մանկաբարձ-գինեկոլոգ, սրտաբան, անասթեզիոլոգ,մանկաբույժ, ընտանեկան բժիշկ: Մենք մարզում համայնքներ ունենք, որոնք ընդհանրապես բժիշկ չունեն և փաստորեն այդ համայնքների բնակիչները զրկված են բժշկական օգնություն և սպասարկում ստանալու հնարավորությունից: Այդպիսի 2 համայնք կա մարզում»,-նշեց Սողոմյանը:

Բուժհաստատություններում առկա խնդիրները քննարկելուց հետո մասնակիցները անդրադարձան բժիշկների լիցենզավորման նոր կարգին, որը օրենսդրական փոփոխությամբ ուժի մեջ է մտել այս տարվա մայիսի 4-ից:

Քննարկման ամբողջական տեսագրությունը դիտեք այստեղ:

Լիլիթ Առաքելյան, «Մեդիակենտրոն» ծրագրիհամակարգող/խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ