«Հայկական մեդիան հակամարտության օրերին աշխատեց բարձր մակարդակով». մեդիա փորձագետներ
08.04.2016
11:00
Հայաստանյան մեդիա փորձագետները կարծում են, որ վերջին օրերին ղարաբաղա-ադրբեջանական շփման գծում մարտական գործողությունները լուսաբանելիս տեղական լրատվամիջոցները ցուցաբերեցին բարձր մակարդակ:

Քննարկմանը մասնակցող «Մեդիամաքս» լրատվական գործակալության գլխավոր խմբագիր Դավիթ Ալավերդյանը նշեց, որշատ կարևոր է, որ նման ստեղծված իրավիճակում չէին փորձում սերմանել խուճապ հասարակության մեջ:

«Սա ամենակարևոր ձեռքբերումն է, որին մեդիան, փորձագետները, քաղհասարակությունը և ֆեյսբուքահայությունը կարողացան հասնել»,-նշեց Ալավերդյանը:

Չնայածայս գրանցված դրական միտումներին,Ալավերդյանը անդրադարձավ նաև ապատեղեկատվության տարածմանը երկու հիմնական խմբով.«Առաջինը Ադրբեջանի կողմից տարածվող կեղծ կամ ստահոտ լուրերն են, մյուսը «պղտոր ջրի մեջ ձուկ որսացող» կայքեր և ԶԼՄ-ներ, որոնց մի մասն ունի հայկական ծագում: Գտնվեցին մարդիկ, ովքեր ստեղծված իրավիճակը փորձում էին օգտագործխել սեփական շահերի համար: Կան այդպիսի վիդեո բովանդակություն պարունակող կայքեր, որտեղ տեղադրվում են իրադարձությունների հետ որևէ առնչություն չունեցող տեսանյութեր, բայց այդտեղ շեշտվում էր, որ իբր դրանք նկարահանվել են ռազմական գործողությունների ընթացքում: Մարդկանց զգալի մասը չիմանալով, որ դա ծուղակ է ու ապատեղեկատվություն, հաճույքով տարածում էին սոցիալական ցանցերում»:

Մյուս կողմից Ալավերդյանը մատնանշում է, որ հասարակությունը բավականին  ագրեսիվ սկսկեց արձագանքել նման նյութերին և այդտեղ մասնագաետները իրենց ներդրումն ունեցան հենց առաջին օրից հրապարակելով այն կայքերի «ամոթի ցուցակը», որտեղից խորհուրդ էր տվում ինֆորմացիա չվերցնել և չտարածել:

«Դա բավականին կանխիչ նշանակություն ունեցավ:  Նման վիդեոները նման էմոցիոնալ պահերի արագ են տարածվում, մարդիկ իրար պետք է տեղեկացնեն, զգուշացնեն, որ տվյալ տեսանյութերը չեն համապատասխանում իրականությանը: Որքան ավելի ճշգրտված ինֆորմացիա լինի, այնքան ավելի քիչ տեղ կմնա անպատեղեկատվության համար»,-հավելեց Ալավերդյանը:

Քննարկմանը մյուս մասնակից, մեդիա փորձագետ Միքայել Յալանուզյանն ասում է, որ տեղեկատվական հոսքերի առումով անհստակությունները, թյուրիմացություններն ու վրիպումները ռազմական գործողությունների պայմաններում բնական են:

«Հասկանալի է, որ բոլորն են ուզում ստանալ ճշգրտված տեղեկատվություն, բայց ռազմական գործողությունների ժամանակ դժվար է դա ստանալ անգամ այն կառույցներից, որոնք այնտեղ են հենց մարտական գործողությունների վայրում: Այս պայմաններում տեղեկատվական բացթողումները ինքնին բնական են»,-նշում է Յալանուզյանը:

Նա նշում է, որ ապրիլի 3-ին, երբ մեծ թվով լրագրողներ տեղափոխվեցին Ստեփանակերտ, ավելի շատ տեղեկատվություն հասանելի դարձավ:

«Մեդիադաշտի հիմնական լրատվամիջոցները որակի և պատասխանատվության առումով աշխատեցին շատ բարձր մակարդակով՝ օր ու գիշեր թարգմանելով, մեր տեսակետները, մեր «մեսիջները» միջազգային հանրությանը տեղ հասցնելով»,-հավելեց Յալանուզյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
«Խաղաղ պայմաններում մահվան դեպքերի մտահոգիչ պատկեր․ պատճառներ»
18.02.2020
12:00
Փետրվարի 18-ին՝ ժամը 12։00-ին, «Մեդիա կենտրոնում» տեղի ունեցավ հանրային քննարկում՝ «Խաղաղ պայմաններում մահվան դեպքերի մտահոգիչ պատկեր․ պատճառներ» թեմայով։
«Սահմանադրական հանրաքվե. բախում կոնսենսուսով»
14.02.2020
18:30
Փետրվարի 14-ին՝ ժամը 18:30-ին, «Մեդիա կենտրոնի» նախաձեռնությամբ «Ա1+» տաղավարում առցանց ուղիղ հեռարձակմամբ անցկացվեց հեռուստաբանավեճ՝ «Սահմանադրական հանրաքվե. բախում կոնսենսուսով» թեմայով։
«Անցումային արդարադատություն. ինչո՞ւ է անհրաժեշտ և ինչու՞ է ուշանում»
14.02.2020
13:00
Փետրվարի 14-ին՝ ժամը 13:00-ին, Մեդիա կենտրոնի նախաձեռնությամբ Երևանի Վ․Բրյուսովի անվան պետական լեզվահասարակագիտական համալսարանում (հասցե՝ Թումանյան 42, կենտրոնական մասնաշենք, 2-րդ հարկ, փոքր դահլիճ) տեղի ունեցավ քննարկում՝ «Անցումային արդարադատություն. ինչո՞ւ է անհրաժեշտ և ինչու՞ է ուշանում» թեմայով:
«Եվրոպական արժեքների վարկաբեկման դրսևորումները ԶԼՄ-ներում»
14.02.2020
11:30
Փետրվարի 14-ին` ժամը 11։30-ին, «Մեդիա կենտրոն»-ում տեղի ունեցավ մամուլի ասուլիս՝ «Եվրոպական արժեքների վարկաբեկման դրսևորումները ԶԼՄ-ներում» թեմայով։ Խոսքի ազատության պաշտպանության կոմիտեի նախագահ Աշոտ Մելիքյանը ներկայացրեց «Եվրոպական արժեքների վարկաբեկման դրսևորումները ԶԼՄ-ներում» թեմայով իրականացված մոնիտորինգի արդյունքները։
Ստորև կարող եք ծանոթանալ նաև մամուլի հաղորդագրությանը։
«ՏԻՄ ընտրությունների ամբողջական կուսակցականացման վտանգները»
13.02.2020
13:00
Փետրվարի 13-ին՝ ժամը 13։00-ին, «Մեդիա կենտրոնում» տեղի ունեցավ քննարկում՝ «ՏԻՄ ընտրությունների ամբողջական կուսակցականացման վտանգները» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ