«Արցախյան դասեր». ինչո՞ւ այժմ պետք չէ չճանաչել Ղարաբաղի անկախությունը
06.04.2016
11:00
Դժվար է ասել՝ ղարաբաղյան հակամարտության գոտում չորս օրվա ակտիվ ռազմական գործողություններից հետո կրակի դադարեցման պայմանավորվածությունը կլինի տևական, թե՞ ոչ: Այս պահին գոյություն ունի մեկ կարևոր ռազմական խնդիր, եթե ադրբեջանական զիուժի վերահսկողության տակ դեռ կան հայկական դիրքեր, ապա դրանք պետք է վերադարձվեն:

Այս մասին «Մեդիա կենտրոնում» ապրիլի 6-ին կայացած «Իրավիճակը ԼՂՀ հակամարտության գոտում. հետագա զարգացումներ» թեմայով քննարկմանը հայտարարեցին ՀՀ նախկին արտաքին գործերի նախարար Ալեքսանդր Արզումանյանը և Վահան Փափազյանը:

Լեռնային Ղարաբաղի հակամարտության գոտում ապրիլի 2-ի գիշերը կտրուկ սրվեց իրավիճակը: Սկսվել էին թեժ մարտեր հակամարտ զորքերի միջև, ինչից հետո կողմերը մեղադրեցին միմյանց հրադադարի խախտման մեջ: Ապրիլի 5-ին ժամը 12:00-ին կրակի դադարեցման պայմանավորվածություն ձեռք բերվեց, որն ինչպես հետագայում պարզվեց հնարավոր դարձավ Մոսկվայում Հայաստանի և Ադրբեջանի Զինված ուժերի շտաբի պետերի հանդիպման արդյունքում: Այս պահի դրությամբ հրապարակված տվյալներով, ռազմական գործողությունների արդյունքում հայկական կողմն ունի 29 զոհ և 101 զիրավոր:

Ադրբեջանական կողմն, ըստ ԼՂՀ ՊԲ տվյալների, կորցրել է 29 տանկ, երկու ուղղաթիռ, 12 ռազմական անօդաչու սարք, 6 ԲՄՊ: Հայկական կողմի տվյալներով, ադրբեջանական զինուժի զոհերը գերազանցում են 300-ը: Բաքվի տեղեկությունները սեփական կորուստների մասին, ըստ հայկական կողմի, խիստ նվազեցված են:

«Դժվար է այս պահին ասել, թե որքան ամուր կլինի մարտական գործողությունների դադարեցման վերաբերյալ կողմերի պայմանավորվածությունը: Հավանաբար, «Կարմիր խաչն» է միջնորդել, որ ադրբեջանական կողմը վերցնի դիակները, որոնք մնացել են ռազմական գործողությունների նշանակետ դարձած տարածքներում», - ասաց Ալեքսանդր Արզումանյանը՝ հավելելով, որ ադրբեջանական կողմը սանձազերծելով ռազմական գործողություններ Ղարաբաղի հյուսիսից ու հարավից, փորձ կատարեց «ճեղքել մեր դիրքերը» և այդ արկածախնդրությունն արդարացնել տարածքային ձեռքբերումներով, ինչը տեղի չունեցավ:

«Սա ուղղակի կրակի դադարեցման մասին պայամանավորվածություն է, այլ ոչ զինադադար, քանի որ այն կնքվել է 1994 թվականին», - հայտարարեց նա:

Միակ խնդիրն այս պահին, որ առկա է, ըստ Վահան Փափազյանի, ռազմական է:

«Եթե կան հակառակարոդի կողմից օկուպացված տարածքներ, ապա դրանք պետք է վերադարձվեն: Սա է գերխնդիրը, որի իրականացումից հետո կարելի է քաղաքական և դիվանագիտական քայլեր ձեռնարկել», - ասաց նա՝ հավելելով, որ եթե անգամ ստորագրվի զինադադարի նոր պայմանագիր, ապա այդ փաստաթղթի կողմերը պետք է հանդիսանան Լեռնային Ղարաբաղն ու Ադրբեջանը: «

Հայաստանն այստեղ անելիք չունի։ Դիվանագիտական մակարդակում մեր առաջին խնդիրը պետք է լինի բանակցությունների եռակողմ ձևաչափին վերադառնալը», - ասաց Փափազյանը։

Երկու բանախոսներն էլ թեպետ ընդունեցին, որ դիվանագիտությունը փակ գործընթաց է, ուստի դժվար է այդ իրողության պայամաններում գնահատական տալ Հայաստանի ԱԳՆ-ի աշխատանքներին, սակայն մեկ հարցում արտգործնախարարությունը հաստատ թերացել է:

«Նման իրավիճակում ՀՀ ԱԳՆ-ն պետք է բացեր 24-ժամյա ռեժիմով աշխատող մամուլի կենտրոն, հավատարմագրեր միջազգային լրագրողների և ապահովեր նրանց մեկնումը Լեռնային Ղարաբաղ: Պետք է լիներ ակտիվ և շուրջօրյա աշխատանքային ռեժիմ մամուլի և հասարակության հետ, որն օրինակ անում էր Պաշտպանության նախարարությունը», - ասաց Ալեքսանդր Արզումանյանը։

Անդրադառնալով Հայաստանի կողմից Լեռնային Ղարաբաղի անկախության ճանաչման հնարավորությանը՝ բանախոսներն նշեցին, որ այս պահին դրա անհրաժեշտությունը չեն տեսնում:

«Այդ քայլը կնշանակի բանակցություններից դուրս գալ, ինչը բխում է Ադրբեջանի շահերից: Քանի որ եթե մենք ճանաչում ենք Արցախի անկախությունը, դա նշանակում է, որ այլևս նրա ստատուսի վերաբերյալ որևէ քննարկում չենք կարող վարել: Կվերանա բանակցային այս ֆորմատը, իսկ դրան ձգտում է հասնել Ադրբեջանը»,- ասաց նա՝ հավելելով, որ առաջիկայում Երևանը պետք է պատգամ հղի ՀԱՊԿ դաշնակիցներին, որ տեղի ունեցածը համարում է որպես հարձակում իր վրա:

«Եվ մենք պետք է հորդորենք մեր դաշնակցին՝ Ռուսաստանին, որ Ադրբեջանին նոր և հզոր սպառազինություններ չվաճառի, քանի որ երբ Բաքվին «Սմերչեր» են տալիս, պարզ է, չէ՞ այն ու դեմ պետք է օգտագործվի: Այն նավթ տեղափոխելու համար չէ», - հայտարարեց նա:

Ալեքսանդր Արզումանյանի տեսակետը, ըստ Փափազյանի ճիշտ է, երբ այն դիտարկում ենք միայն հայ-ռուսական հարաբերություների համատեքստում:

«Երևի պետք չէ բացատրել, թե Ռուսաստանը ինչ կալիբրի և մեծության պետություն է: Այն ունի իր շահերը տարածաշրջանում և ձգտում է դրանք իրացնել: Թե ինչպե՞ս, այլ հարց է: Ուստի երբ խնդիրը դիտարկում ենք Ռուսաստան-տարածաշրջան համատեքստում, այն այլ կերպ է ընկալվում», - հավելեց նա: 

Արզումանյանը սխալ է համարում այս պահին որոշ հայաստանցի քաղաքական գործիչների հայտարարություններն առ այն, որ Լեռնային Ղարաբաղի վրա ադրբեջանական զինուժի հարձակման փաստի առիթով պետք է դիմել ՄԱԿ-ի անվտանգության խորհուրդ:

«Նախ միշտ Ադրբեջանն է փորձել խնդիրը այլ հարթակներ տեղափոխել, իսկ մենք դրան դեմ ենք դուրս եկել: Բացի այդ ՄԱԿ-ն իր գործն արել է այս հարցում՝ ընդունելով մի քանի բանաձևեր: Այս պահին խնդիրը բարձրաձայնել ՄԱԿ-ում անարդյունավետ քայլ կլինի, քանի որ այն կարող է ուղղվել մեր դեմ: Բավական է, որ ՄԱԿ-ում այս պահին կա ընդգծված բացասական վերաբերմունք Ռուսաստանի վերաբերյալ, ինչը կօգտագործի Թուրքիան այնտեղ հակահայկական բանաձևերի նախագածեր ներկայացնելու համար», - եզրափակեց նա:

Այս պահին բանախոսները տեղին համարեցին Լեռնային Ղարաբաղի և Հայաստանի միջև ռազմական փոխօգնության վերաբերյալ պայամանգրի կնքումը, ինչը սակայն դժվարանում է այն հանգամանքով, որ Հայաստանը չի ճանաչել Արցախը՝ որպես անկախ պետություն և միջազգային իրավունքի սուբյեկտ:

«Սակայն ցանկույթան դեպքում հնարավոր կլինի բանաձևեր գտնել այդ խնդրի լուծման համար», - համաձայնեցին բանախոսները:   

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Հայաստան- ԵՄ համապարփակ և ընդլայնված գործընկերության համաձայնագիր․ հեռանկարներ ու հնարավորություններ»
17.10.2017
13:00
Հոկտեմբերի 17-ին «Մեդիա կենտրոնում» (Սարյան 12, 3-րդ հարկ) տեղի ունեցավ քննարկում «Հայաստան- ԵՄ համապարփակ և ընդլայնված գործընկերության համաձայնագիր․ հեռանկարներ ու հնարավորություններ» թեմայով:
«Սարգսյան-Ալիև ժնևյան հանդիպում. գնահատականներ ու կանխատեսումներ»
17.10.2017
11:00
Հոկտեմբերի 17-ին «Մեդիա կենտրոնում» (Սարյան 12, 3-րդ հարկ) տեղի ունեցավ քննարկում «Սարգսյան Ալիև ժնևյան հանդիպում. գնահատականներ ու կանխատեսումներ» թեմայով:
Ֆիլմի դիտում. Նորաձևությունը կփրկի՞ մոլորակը
16.10.2017
16:00
Հոկտեմբերի 16-ին Արևորդի 7-րդ միջազգային բնապահպանական փառատոնի շրջանակում տեղի ունեցավ «Նորաձևությունը կփրկի՞ մոլորակը» ֆիլմի դիտում Մեդիա կենտրոնում (հասցե` Սարյան 12, 3-րդ հարկ):
Ֆիլմի դիտում. Կոկոթա․ հույսի կղզյակը
16.10.2017
15:00
Հոկտեմբերի 16-ին Արևորդի 7-րդ միջազգային բնապահպանական փառատոնի շրջանակում տեղի ունեցավ «Կոկոթա. հույսի կղզյակը» ֆիլմի դիտում Մեդիա կենտրոնում (հասցե` Սարյան 12, 3-րդ հարկ):
Ընտանեկան բռնության դեմ օրենք. կանխարգելմա՞ն, թե՞ նոր վտանգներ պարունակող գործիք
13.10.2017
19:30
Հոկտեմբերի 13-ին,«Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Ընտանեկան բռնությանդեմ օրենք. կանխարգելմա՞ն, թե՞ նոր վտանգներ պարունակող գործիք» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ