«Մաշա և Միշա արջերը կտեղափոխվեն Ռումինիա»
22.03.2016
11:00
Գյումրիի մասնավոր կենդանաբանական այգում անթույլատրելի պայմաններում պահվող երկու արջերը` Մաշան եւ Միշան, մարտի 23-ին անվերադարձ կտեղափոխվեն Ռումինիայում գտնվող «Լիբեարտի» արջերի մասնագիտացված ապաստարան:

Մարտի 22-ին «Մեդիա կենտրոնում» տեղի ունեցած մամուլի ասուլիսի ընթացքում Վայրի բնության և մշակութային արժեքներիպահպանման հիմնադրամի հիմնադիր Ռուբեն Խաչատրյանը հայտնեց, որ հունվարի 22-ին Գյումրիից Երեւան տեղափոխված արջեըը  կարանտինի փուլը բարեհաջող հաղթահարել են:

«Արջերն արդեն բավականին լավ վիճակում են, փոփոխությունն ակնհայտ է: Նրանք կտեղափոխվեն Ռումինիայի հատուկ ապաստարան, որը նախատեսված է այն կենդանիների համար, որոնք դժվարին պայմաններում են ապրել, հոգեբանական ու առողջական խնդիրներ ունեն եւ մի քանի հա տարածք զբաղեցնող վերականգնողական կենտրոնում նրանք կարող են մինչեւ կյանքի ավարտը բարեկեցիկ կյանքով ապրել»,-ներկայացրեց Ռուբեն Խաչատրյանը` շնորհակալություն հայտնելով բոլոր հասարակական եւ բնապահպանական կազմակերպություններին, առանց որոնց ակտիվ մասնակցության`անմխիթար պայմաններում պահվող այս կենդանիների հարցը նման հնչեղություն չէր ստանա եւ այսպիսի լուծում չէր ունենա:

Ասուլիսին ներկա ՀՀ բնապահպանության նախարարի տեղակալ Խաչիկ Հակոբյանը տեղեկացրեց, որ ՀՀ բնապահպանության նախարարի հրամանով ստեղծված հատուկ հանձնախումբը, որը զբաղվում է անազատ եւ կիսաազատ պայմաններում կենդանիների պահման վերաբերյալ օրենսդրական նոր փաթեթի մշակմամբ` երկու օրից այն կներկայացնի Ազգային ժողով:

«Ուրբաթ օրը Աժ Գյուղատնտեսական եւ բնապահպանական հարցերի մշտական  հանձնաժողովում տեղի են ունենալու առաջարկվող նոր օրենսդրական փաթեթի լսումները: Մանրամասն կներկայացվեն այն խստացված ռեժիմները, բարդացված ընթացակարգերը, որոնք ապահովելու դեպքում միայն հնարավոր կլինի պահել վայրի կենդանիներ: Մեր քաղաքականությունը գնում է նրան, որ կիսաազատ կամ անազատ պայմաններում նման կենդանիներ հնարավոր կլինի պահել միայն միջագային չափանիշների ապահովման դեպքում: Բացի այդ, մենք ուզում ենք ներմուծել նոր գաղափար, որ կենդանիներին պահելու լիցենզիաներ ստացած անձինք  վճարեն տեղական տուրք, որից ստացվող միջոցները կուղղվեն նմանատիպ խնդիրների լուծմանը»,-ներկայացրեց փոխնախարարը`ընդգծելով, որ փաստաթղթի վրա աշխատել են նաև ՀԿ-ների ներկայացուցիչները, որոնց ներկայացրած առաջարկները տեղ են գտել օրենսդրական փաթեթում:

Բնապահպանության նախարարի տեղակալը թեեւ դժվարացավ նշել մասնավոր կենդանաբանական այգիների եւ անազատության մեջ պահվող կենդանիների հստակ թիվը, սակայն ընդգծեց, որ այսօր կան անմխիթար պայմաններում պահվող բազմաթիվ այլ վայրի կենադնիներ եւ  անհրաժեշտ է մտածել նաեւ նրանց պահման պայմանների բարելավման մասին:

«Վայրի բնության և մշակութային արժեքների պահպանման հիմնադրամի հետ միասին աշխատանքներ ենք տանում, որպեսզի միջագային չափանիշներին համապատասխան կենդանիների վերականգնողական կենտրոն ունենանք Հայաստանում: Հիմնադրամը նախատեսում է դա կազմակերպել Կովկասյան ապաստարանի տարածքում` Ուրցաձորում»,- նշեց նա:

Փոխնախարարի մոտավոր հաշվարկներով`այսօր Հայաստանում կան 6-7 մասնավոր կենդանաբանական այգիներ եւ մոտ 50-60 կետեր, որտեղ անազատության մեջ պահվում են վայրի կենդանիներ:  Խաչիկ Հակոբյանը  խոստացավ առաջիկայում ավելի հստակ վիճակագրություն ներկայացնել:

Ասուլիսին ներկա Բրիժիտ Բարդո հիմնադրամի Կենդանիների պաշտպանության գրասենյակի տնօրեն Մարի Քրիստոֆը եւ համակարգողի տեղակալ Ժերոմ Էլոդին, ովքեր դեռևս անցած տարվա նոյեմբերից ստանձնել էին արջերի սննդի, խնամքի և տեղափոխման ծախսերը եւ այցելել Հայաստան`ուղեկցելու արջերին իրենց նոր մշտական կացության վայր, նշեցին, որ սա տարածաշրջանում նման առաջին փորձն է: Նրանց խոսքով`նման «տխուր այգիներ» կան նաեւ Եվրոպական երկրներում, անգամ Ֆրանսիայում, եւ այդ առումով չափազանց կարեւոր է, որպեսզի առկա լինի տեղական իշխանությունների աջակցությունը:

«Միայն այս արջերին տեղափոխելով` խնդիրը չի վերանում, անհրաժեշտ է համապատասխան օրենսդրություն, որպեսզի նման դեպքերը չկրկնվեն»,- ընդգծեցին նրանք:

Աշխարհահռչակ դերասանուհի Բրիժիտ Բարդոն նույնպես արձագանել է Մաշա և Միշա արջերի տեղափոխմանը՝ մասնավորապես նշելով. «Մի քանի ժամում Մաշա և Միշա արջերը, որոնց կեցության պայմանները ցնցել էր ամբողջ աշխարհը, շուտով կլքեն իրենց վանդակները տեղափոխվելով ավելի բնական միջավայր: Սա հնարավորություն է և հույս անարդարացիորեն բանտարկված բոլոր վայրի կենդանիների համար, որոնք զրկված են ազատությունից: Վայրի բնության և մշակութային արժեքներիպահպանման հիմնադրամը և իմ հիմնադրամը աշխատում են միասին Բնապահպանության նախարարության աջակցությամբ հասնելու այս մեծագույն արդյունքին: Այս մասնավոր դեպքից հետո ես ուրախ կլինեմ լսել, որ այս նախարարությունը ուրբաթ օրը ներկայացնի ազգային օրեսնդրությունն ամրապնդող հայեցակարգ և այսպիսով երբեք էլ չի լինի «ամոթի կենդանաբանական այգի», ինչպես որ այս մեկը բացահայտվեց Գյումրիում: Հայաստանը այժմ վառ օրինակ է և ունի պրոգրեսիվ երկրի պատկեր, որ հարգալից է կենդանիների հանդեպ…Բռավո, շնորհակալություն»: 
Արևիկ Սահակյան, «Մեդիա կենտրոն» ծրագրի միջոցառումների համակարգող:
Հեղինակի հետ կապվելու համար գրեք 
 areviksahakyan@mail.ruհասցեին:

Տեսանյութ
Print Friendly and PDF
Այլ մամլո հաղորդագրություններ
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ