Ջհանգիրյան. «Մարտի 1-ի» գործի բացահայտման համար պետք է քաղաքական կամք
01.03.2016
12:00
2008 թ.-ի մարտի 1-ի ողբերգական իրադարձություններից թեպետ անցել է ութ տարի, սակայն տասը մարդկանց սպանության մեղավորները հայտնաբերված և դատապրտված չեն: Առկա է հետևյալ պատկերը՝ 10 զոհ, մի քանի հարյուր վիրավոր, մոտ 90 դատապարտված, որոնց մեծ մասը նախագահական ընտրությունների պաշտոնական արդյունքների հետ չհամաձայնած և բողոքի ակցիայի դուրս եկած քաղաքացիներն էին: Այս մասին «Մեդիա կենտրոնում» մարտի 1-ին կայացած մամլո ասուլիսին հայտարարեց Ազգային ժողովի ՀԱԿ խմբակցության պատգամավոր, ԱԺ Պետական-իրավական հարցերի մշտական հանձնաժողովի անդամ Գագիկ Ջհանգիրյանը:

Մարտի 1-ի իրադարձությունների ժամանակ տուժած հազարավոր քաղաքացիներ ոչ միայն բռնության են ենթարկվել և վնասվածքներ ստացել, այլև, ըստ Ջհանգիրյանի, չեն կարողացել օգտվել դատական պաշտպանության իրենց իրավունքից: «Վերջապես, որևէ մեկը մինչև այսօր սպանությունների համար պատասխանատվության չի ենթարկվել, ինչն ամենացավալին է», - ասաց նա՝ հավելելով, որ «Մարտի 1-ի» գործի բացահայտման համար անհրաժեշտ է քաղաքական կամք: «Սա ոչ թե իրավապահ մարմինների պրոֆոսիոնալիզմի, այլ քաղաքական կամքի բացակայության արդյունք է», - պարզաբանեց բանախոսը: Նա զարմանք հայտնեց, որ մինչև այսօր պարզված չէ հանցագործության վայրում հայտնաբերված մի քանի հարյուր փամփուշտների ծագումը:

Գագիկ Ջհանգիրյանը վստահ է, որ իրավապահ մարմինները պետք է իրականացնեին մի շարք գործողություններ, որոնք կհանգեցնեին մեղավորների բացահայտմանը: «Օրինակ, մինչև վերջ ուսումնասիրված և բացահայտված չէ մարտի 1-2-ի իրադարձությունների մասնակից պետական կառույցների, հանցավոր խմբերի դերակատարությունը: Պարզ չէ, թե իշխանություններն ինչպես են գնահատում զինված ուժերի մասնակցությունը մարտի 1-2-ի իրադարձություններին: Չկա նաև Պաշտպանության նախարարի՝ հույժ գաղտնի հրամանի իրավական գնահատականը», - ասաց նա՝ հավելելով, որ մինչև այժմ բացահայտված չէ, թե այդ իրադարձություններին ինչպիսի մասնակցություն են ունեցել ապօրինի զինված խմբավորումները: «Թեպետ դրանց մասին փաստահավաք խումբը առանձին զեկույցներ էր հրապարակել», - հիշեցրեց նա:

Նրա կարծիքով իշխանությունները չգնացին մարտի 1-ի հանձագործությունների բացահայտմանը և այդ կերպ իրենց չազատեցին նախկին իշխանության «ժառանգությունից», քանի որ կապված են նրանց հետ: «Բավական է, որ նախկին իշխանության օրոք պաշտոնավարած շատ մարդիկ այսօր էլ զբաղեցնում են բարձր պաշտոններ», - հավելեց նա:

ՀԱԿ ներկայացուցիչը վստահ է, որ քաղաքական կամքի առկայության պայմաններում սպանությունները արագ կբացահայտվեին, և տասնյակ մարդիկ կպատժվեին: «Չեմ ասում հազարավոր մարդկանց բանտ նետեին, բայց տասնյակ մարդիկ պետք է պատժվեին», - ասաց պատգամավորը: «Այդ քայլով հնարավոր կլինել կանխել նման իրադարձությունների կրկնությունն ապագայում: Իսկ այժմ մենք նոր մարտի մեկերից ապահովագրված չենք»,- եզրափակեց պատգամավորը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ