Վերջնաժամկետն ավարտվեց. ընդդիմադիրները և քաղհասարակությունը ծանոթ չեն ԸՕ նախագծին
29.02.2016
14:00
Թեպետ Հայաստանի Ընտրական օրենսգիրքի նոր նախագիծը նախագահ Սերժ Սարգսյանի հրամանագրով պետք է պատրաստ լինի և ներկայացվի խորհրդարան ամենուշը մատի 1-ին, սակայն ընդդիմությունը, քաղաքացիական հասարակության ներկայացուցիչները և փորձագետներն անգամ տեղյակ չեն այդ փաստթղթի որևէ դրույթի:

Միևնույն ժամանակ ընդդիմության որոշ ներկայացուցիչներ վստահ են, որ Ընտրական օրենսգրքի նախագիծը պատրաստ է: Դեռ ավելին՝ այն ուղարկված է Վենետիկի հանձնաժողով, սակայն այդ մասին չի հաղորդվում հանրությանը:

«Բաց հասարակության հիմնադրամներ-Հայաստան» գրասենյակի՝ փետրվարի 29-ին կազմակերպած նոր Ընտրական օրենսգրքի նախագծի վերբերյալ հանրային քննարկմանը մասնակցում էին քաղաքացիական հասարակության և խորհրդարանում ներկայացված գրեթե բոլոր քաղաքական ուժերի նեկայացուցիչները, բացի իշխող Հայաստանի հանրապետական կուսակցությունից: Չնայած հրավերին՝ հանրապետականներ Դավիթ Հարությունյանն ու Վահրամ Բաղդասարյանը չէին ներկայացել քննարկմանը, որպեսզի հստակեցնեին՝ քաղաքացիական հասարակության և ընդդիմության որ առաջարկություններն են ընդգրկվել Ընտրական օրենսգքի նոր նախագծում:  

Ըստ ՀԱԿ խմբակցության ղեկավար Լևոն Զուրաբյանի Ընտրական օրենսգքրի նախագիծը ոչ միայն պատրաստ է, այլև այն ուղարկված է Վենետիկի հանձնաժողով:

«Այս գործելաոճի նպատակը մեկն է, որպեսզի իշխանությունը ստանա նախնական նախագծի վերաբերյալ որոշակի դրական արձագանք, այսպես ասաց, դաբրո, և հետո շատ բան չզիջի ընդդիմությանը և հասարակությանը: Այլ կերպ ասաց, իշխանությունը նման կերպ ամրապնդում է իր թիկունքը: Սակայն պետք է լիներ հակառակը: Սկզբից նախագիծը պետք է քննարկվեր հանրային սեկտորի և ընդդիմության ներկայացուցիչների հետ, հետո նոր այն ուղարկվեր Վենետիկի հանձնաժողով: Սա ևս մեկ անգամ ցույց է տալիս, որ իշխանությունն ազնիվ չէ և վերջինիս մտքում միայն ընտրությունները կեղծելն է», - հայտարարեց ՀԱԿ խմբակցության ղեկավարը:

Իշխանությունների հայտարարություններն առ այն, թե բաց են համագործակցության համար, ըստ իրավապշտպան Արթուր Սաքունցի, շատ կասկածելի են: «Ո՞ւր մնացին հայտարարությունները, թե բաց ենք համագործակցության համար: Այս պահից փաստացի մենք ֆիքսում ենք, որ իշխանությունները չեն ապահովում ԵԱՀԿ/ԺՀՄԻԳ-ի՝ օրենսգիրքը մշակելիս ներառական գործընթաց ապահովելու կարևոր հանձնարարականը», - ասաց նա:

Քննարկման մասնակիցները խնդրահարույց համարեցին տարածվող լուրերն առ այն, որ նոր օերնսգրքով հնարավոր է ռեյտինգային քվեարկություն սահմանվի: Այսինքն՝ թեև ընտրակարգը հայտարարված է համամասնական, բայց հնարավորություն է լինելու կուսակցական ցուցակներից կոնկրետ ընտրատարածքում կոնկրետ անցան օգտին անհատական քվերակել:    

«Եթե հենց այսպես լինի, սա իրականում լինելու է շատ կոշտ մեծամասնական ընտրակարգ: Դա լինելու է ամենախայտառակ Ընտրական օրենսգիրքը, քանի որ հանրապետության տարածքը փաստացի բաժանվելու է օլիգարխ-ֆեոդալների ազդեցության գոտիների, իսկ ով այդ տեղերում շատ ձայն հավաքեց, նա գրավելու է բարձ դիրքեր կուսակցական ցուցակում», - ասաց իրավապաշտպանը:

Նրա հետ համաձայնեց ընդդիմադիր պատգամավոր Էդմոն Մարուքյանը, ում կարծիքով ռեյտինգային ընտրակարգը հնարավորութուն է տալիս իշխանություններին հաղթել ընտրություններում անգամ, եթե ընդունվեն հանրային հատվածի և ընդդիմության բոլոր առաջրկները: «Ուստի այս ընտրակարգի ներդրման դեմ պետք է պայքարել», - ասաց Մարուքյանը:

Ընդդիմադիրները և քաղաքացիական հասրակության ներկայացուցիչները հանդես եկան երեք հիմնական առաջարկություններով՝ հրապարակել ընտրությունների մասնակիցների ցուցակները, Հայաստանից վեց ամսից ավել բացակայողների համար առանձին ցուցակներ կազմել և վերահսկել դրանք, և, վերջապես, տեսախցիկներ տեղադրել ընտրատեղամասերում և ընտրատեղամասից դուրս: Լևոն Զուրաբյանը հիշեցրեց, որ ԵԱՀԿ/ԺՀՄԻԳ փորձագետները իրենց վերջին զեկույցում չէին առարկել ընտրությունների մասնակիցների ցուցակների հրապարակման դեմ։

«Այս պրակտիկան կիրառվել է դեռ սովետական ժամանակներից մինչև 2003 թվականը: Այդ ժամանակ ոչ մեկի համար պրոբլեմ չի ստեղծել, ոչ ոք դրանից չի բողոքել, հասարակությունը չի ասել՝ «կներե՛ք, մեր մասնավոր կյանքի գաղտնիքներ եք բացում»: Նման բան չի կարող լինել, սա ուղղակի վերհսկողության լավ գործիք է»,- ասաց Զուրաբյանը։

Առաջարկին կողմ է նաև «Օրինաց երկիր» կուսակցությունը, քանի որ, ըստ ՕԵԿ խմբակցության պատգամավոր Հովհաննես Մարգարյանի, սա լավագույն տարբերակն է թույլ չտալու քողարկել կրկնակի քվեարկությունները:

Այս առաջարկների ընդունման պարագայում, ըստ ՀԱԿ խմբակցության ղեկավար Լևոն Զուրաբյանի, ընտրակեղծարարությունների չափը կնվազի մոտ 50%-ով:

Այժմ քաղաքացիական հասարակության և ընդդիմադիր դաշտի ներկայցուցիչները քննարկում են ձևավրել միասնական ճակատ, որպեսզի հասնեն նշված նշված առաջարկությունների ներառմանը Ընտրական օրենսգրքի նախագծում:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ