Փորձագետներ. Հայաստանում անհրաժեշտ է ներդնել բիզնես-օմբուդսմենի ինստիտուտ
26.02.2016
14:00
Հայաստանում բիզնեսի շահերի պաշտպանության արդյունավետությունը բարձրացնելու համար անհրաժեշտ է ներդնել բիզնես-օմբուդսմենի ինստիտուտ, իսկ բիզնեսի շահերը պաշտպանող հսարակակական կազմակերպություններին՝ ակտիվացնել աշխատանքը պետական կառույցների հետ: Տնտեսության զարգացման և բարենպաստ բիզնես միջավայրի ձևավորման հարցում շատ կարևոր է նաև մասնավոր հատված-կառավարություն արդյունավետ երկխոսությունը:

Այս մասին «Մեդիա կենտրոնում» փետրվարի 26-ին կայացած մամլո ասուլիսին հայտարարեցին ԵՄ «East invest 2» ծրագրի շրջանակում Հայաստանի գործարար համայնքի և կառավարության ներկայացուցիչների հետ հանդիպումներ անցկացրած փորձագետները:

Անցնող շաբաթվա ընթացքում ԵՄ աջակցությամբ իրականացվող «East invest 2» ծրագրի շրջանակում եվրոպայից ժամանած մասնագետները հայաստանյան փորձագետների և բիզնեսի շահերը պաշտպանող կառույցների ներկայցուցիչների հետ բազմաթիվ հանդիպումներ և քննարկումներ են անցկացրել կառավարության, գործարար համայնքի ներկայացուցիչների հետ: Ծրագրի նպատակն էր վեր հանել կառավարություն-մասնավոր հատված երխոսությանը խանգարող հիմնական խոչընդոտներն ու խնդիրները և աշխատել դրանց լուծման ուղղությամբ: Ծրագիրը տևելու է մեկ ու կես տարի:

Գործարար համայնքի, հատկապես փոքր և միջին ձեռնարկատերերը հանդիպումների ընթացքում նշել են մի քանի հիմնական խնդիրներ, որոնց անհրաժեշտ է լուծում տալ: «Դրանք են՝ շահերի արդյունավետ պաշտպանությունը պետական կառույցների հետ հարաբերություններում, ապրանքներ ներմուծելիս մաքսային ձևակերպումների հետ կապված խնդիրները, ֆինանսական միջոցների անհասանելիությունը, վարկերի բարձր տոկոսադրույքները, արտաքին շուկաների հասնելիության հետ կապված խնդիրները և այլն», - ասուլիսին հայտարարեց «ՓՄՁ Համագործակցության Ասոցիացիա»-ի նախագահ Հակոբ Ավագյանը` հավելելով, որ կարևոր խնդիր է գործածար համայնքի տեղեկացվածությունը:

Չնայած մասնավոր հատված-կառավարություն երկոսության կարևորության  մասին պաշտոնական տարաբնույթ հարտարարություններին՝ պարզվում է հաճախ են լինում դեպքեր, երբ գործարար համայնքի ներկայացուցիչներն անգամ տեղյակ չեն իրենց ոլորտը կարգավորող օրենսդրական փոփոխություններին: «Պետական մարմինները օրենք են փոխում, իսկ բիզնեսը խախտում է անում ու նոր է իմանում, որ 30 օր առաջ այդ օրենքը փոխվել է: Կողմերի տեղեկացվածությունը շատ կարևոր է», - ասաց Ավագյանը:

Գործարար համայնքի խնդիրներին արդյունավետ և գրագետ արձագանքելու համար փորձագետները կարծում են, որ Հայաստանում առկա է բիզնես-օմբուդսմենի ինստիտուտի ներդրման անհրաժեշտություն: «Դա գործարար համայնքի շահերի պաշտպանության անընդհատությունն ապահովող կառույց է», - ասաց Հակոբ Ավագյանը:    

«Բիզնես-օմբուդսմենը կարող է ունենալ տարբեր գործառույթներ: Շատ հետաքրքրական է Ուկրաինայում գործող բիզնես-օմբուդսմենի ինստիտուտը: Այս կառույցը ունի երկու հիմնական գործառույթներ: Առաջին, նրան են դիմում ձեռնարկությունները կոնկրետ խնդիրներով, և այն փորձում է դրանք լուծել կառավարության հետ աշխատանքներով: Սա անհատական խնդիրներն են: Երկրորդ, երբ առկա են համակարգային, օրենսդրական կարգավորումների հետ կապված խնդիրներ, ապա դրանց լուծման վերաբերյալ նա խորհրդատվություններ կներկայացնի կառավարությանը և օրենսդիր մարմնին», - ասաց ասուլիսին մասնակից քաղաքականության փորձագետ, Փոքր եւ միջին բիզնեսի եվրոպական կազմակերություն ներկայացուցիչ Քրիստիան Գեսլը:

Նա վստահ է, որ կառավարություն-մասնավոր հատված երկխոսությունում առկա խնդիրների լուծման համար պետք է հստակ կամային աշխատանք տանել, այլ ոչ թե պատճառաբանել՝ նշելով, թե խորհրդային ժառանգությունն իր բացասական հետևանքներ է թողել ոլորտի վրա:

Հայաստանում բիզնես գործունեություն ծավալող և թափանցիկ աշխատող կազմակերպություններից, ըստ Եվրոպական բիզնես ասոցիացիայի ներկայացուցիչ Դիանա Սարումովայի, երբեմն հնչում են դժգոհություններ հարկային մարմինների գործողությունների վերաբերյալ: «Նրանք աշխատում են շատ թափանցիկ, ստեղծել են աշխատատեղեր, սակայն կան հարցեր, որոնց դեպքում նրանք չեն խրախուսվում, ինչը ստեղծում է ոչ բարենպաստ պայմաններ հետագա ներդրումների համար: Նրանցից անգամ հնչում այն այսպիսի մեկնաբանություններ, որ եթե չեն ընդառաջում, ապա կդադարեցնենք բիզնեսը և կհեռանանք Հայաստանից», - ասաց Սարումովան՝ հավելելով, որ անհրաժեշտ է ծավալուն աշխատանք արտաքին ներդրումների ներգրավելու հարցում բարենպաստ պայմաններ ստեղծելու համար:    

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ