Երևանի կենտրոնում գինու հնամենի մառանները վտանգված են
19.02.2016
12:00
Երևանը կորցնում է իր դեմքը, քանի որ ապամոնտաժվում են քաղաքի կնետրոնում առկա հնագույն շենքերը: Պուշկին-Աբովյան-Արամի փողոցների շենքերի և գինու ստորգետնյա հնագույն մառանների ապամոնտաժումը և այդ հատվածներում բազմաֆոնկցիոնալ շենություններ կառուցելը, հարված է հասցնում ոչ միայն Երևանի ճարտարապետական տեսքին, այլև նրա տուրիստական գրավչությանն ու գինեգործությանը: Այս մասին «Մեդիա կենտրոնում» փետրվարի 19-ին կայացած ասուլիսին հայտարարեցին տուրօպերատորների և գինեգործության ոլորտի ներկայացուցիչները:

«Քանդելու քաղաքկանության հետևանքով է, որ Երևանը կորցրել է իր դեմքը և տուրօպերատորները մեկ ժամից ավել չեն կարողանում քաղաքում պտտել զբոսաշրջիկին: Արդյունքում զբոսաշրջիկը լինում է Երևանում մեկ օր և գնում այստեղից գրեթե գումար չծախսելով», - ասաց «Արենի փառատոն» հիմնադրամի տնօրեն Նունե Մանուկյանը: Ով նաև հավելեց, որ Երևանի կենտրոնի գինու հին մառաները վտանգված են, քանի որ այնտեղ շինարարական աշխատանքներ են կատարվում, իսկ այն հնագույն շենքերը, որոնք դեռ կանգուն են, ըստ քաղաքապետարանի պետք է ապամոնտաժվեն:

«Մեդիա Կենտրոնում» փետրվարի 19-ին Նունե Մանուկյանի, ՀՀ ԳԱԱ Հնագիտության և ազգագրության ինստիտուտի գիտաշխատող Բորիս Գասպարյանի, գինեգործ, տեխնիկական գիտությունների թեկնածու Գարուշ Սամվելյանի և «Տրինիտի» գինեգործական ընկերության տնօրեն Հովակիմ Սաղաթելյանի մասնակցությամբ տեղի ուենցավ մամլո ասուլիս «Պուշկին-Աբովյան-Արամի շենքերի ապամոնտաժումը ի՞նչ հետևանքներ կունենա տուրիզմի վրա. գինեգործների ահազանգը» թեմայով:

Հայաստանում գործող մի շարք տուրօպերատորներ և գինեգործներ անցյալ տարվա հոկտեմբերին նամակով դիմել էին Երևանի քաղաքապետարան, որպեսզի իմանան Երևանի կենտրնում՝ Պուշկին-Աբովյան-Արամի փողոցների հնագույն շենքերը ապամոնտաժվելու են, թե ոչ: Մոտ ութսուն գինեգործների և տուրօպերատորների նամակին ստացվել է դրական պատասխան, որ այո այդ շենությունները քնդվելու են և նրանց տեղը կառուցվելու է բազմաֆունկցիունալ շենքեր:

Հնագույն շենքերը հետաքրքիր են զբոսաշրջության համար, պնդում է Նունե Մանուկյանը և հավելում, որ այդ տարածքներում նաև կան գինեգործական կուժեր, հնձաններ, եւ այժմ հայտնի չէ դրանց ճակատագիրը: «Թեպետ մեր երկրում տուրիզմը և գինեգործությունը հայտարարված են որպես տնտեսության գետակա ճյուղեր, սակայն անխնա ոչընչացվում են այն շենքերը, որոնք քաղաքի պատմության մի մասինկն են և հետաքրքիր տուրիստենրի համար: Այս քաղաքականության արդյունքում մենք կորցնում ենք քաղաքի դեմքը, որից շատ դժվար է տուրիստական պրոդուկտ ստեղծել և վաճառել: Մինչդեռ տուրիզմը մեծ գումարներ է բերում պետությանը», - հավելեց նա:

Գինեգործների չի բավարարում նաև Քաղաքաշինության նախարար Նարեկ Սարգսյանի այն հայտարարությունը, որ ճարտարապետական ոչ մի հուշարձան չի քանդվելու: Նրա խոսքով պահպանվելու են նաև այդ շենքերի նկուղները և գինեգործական մառանները:

Նախարարի հայտարարությանը բանախոսները հակարադձեցին այն, որ ժամանակին էլ ասվում էր, որ Հյուսիսային պողոտան ավելի կանաչապատ լինելու ու այլ տեսք ունենալու, սակայն «կառուցվեց լրիվ այլ կերպ»:

ՀՀ ԳԱԱ հնագիտության եւ ազգագրության ինստիտուտի գիտաշխատող Բորիս Գասպարյանի կարծիքով անհրաժեշտ է պահպանել ոչ միայն մառանները, այլ նաև շրջակայքը՝ պատմական միջավայրը: «Հին մառանները պետք է աչքի լույսի պես պահպանել, դրանք պատմական արժեքներ են, մեր հարստությունն է: Օրինակ՝ նմանատիպ մառաններ ու հնձաններ կան նաև Դալմայի հայտնի այգիներում: Շատ լավ պահպանված հնձան-մառաններ, որոնք կարող են աշխատել զբոսաշրջության համար, ընդ որում այգիների հետ միասին», - ասաց նա:

Գինեգործները քանդելու կամ ապամոնտաժելու փախարեն իշխանություններին առարաջկեցին վերականգնել և վերակառուցել «ստորգետնյա մառանների Երևանը»: «Մենք այդ մառանները շնորհ ենք ստացել: Նրանք մեր գինեգործության պատմության հուշարձաններն են: Սակայն այսօր փոխանակ այդ հարստությունից օգտվենք, մեր ձեռքով քանդում ենք այն», - «Տրինիտի» գինեգործական ընկերության տնօրեն Հովակիմ Սաղաթելյանը: 

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ