Ինչպիսի՞ն է իրավապահ մարմինների արձագանքը հանրաքվեին արձանագրված ընտրախախտումներին
17.12.2015
12:00
Երեկ «Մեդիա կենտրոնում» տեղի ունեցավ քննարկում «Ինչպիսի՞ն է իրավապահ մարմինների արձագանքը հանրաքվեին արձանագրված ընտրախախտումներին» թեմայով, որին մասնակցում էին Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանն ու «Իրավունքների պաշտպանություն առանց սահմանների» ՀԿ-ի ղեկավար Հայկուհի Հարությունյանը:

Իրավապահների կողմից ֆիքսված 461 ընտրախախտումներից մինչ օրս 17 դեպքի առնչությամբ է հարուցվել քրեական գործ:

«Տեղի է ունեցել հանրաքվե, որի ընթացքում ահազանգեր էին տարածվում նաև ԶԼՄ-ներով: Մեկ դեպքի առնչությամբ ներկայացվեց նույնիսկ քննչական մարմիններին, որը վերաբերում էր հանձնաժողովի անդամին կաշառելու փաստը արձանագրող տեսանյութին: Հիմա հարց եմ ուղղում. մենք ունե՞նք իրավապահ մարմինների կողմից, հանրաքվեի քարոզչության ընթացքում օպերատիվ հետախուզական գործողությունների արդյունքում սեփական նախաձեռնությամբ բացահայտված գեթ մեկ փաստ: Ոչ, չունենք»,- ասաց Սաքունցը:

Ըստ նրա՝ ընտրական հանձնաժողովները օրենքով սահմանված իրենց  պարտավորությունների և լիազորությունների շրջանակում սեփական նախաձեռնությամբ որևէ  գործողություն չեն իրականացրել հանրության մոտ ապահովելու համար վստահություն, որ իրապես նպատակադրված են անցկացնել ազատ և արդար պայմաններին համապատասխան հանրաքվե:

«Այն, ինչ որ մամլո ասուլիսին ներկայացրեցին իրավապահ մարմինների 3 ղեկավարները, ես համարում եմ ուշացած, կեղծիք, աչքակապություն և անգործության փաստ:  Այն փորձերը, որոնք նպատակ ունեն ցույց տալու իբր արդյունավետ քննություն են անցկացնում ընտրախախտումների վերաբերյալ, ես համարում եմ աչքակապություն, որովհետև այս զանգվածային միջոցառման առանձին էպիզոդներով քննության իրականցման միջոցով փորձ է արվում ամբողջ կազմակերպված հանցագործության էությունը կոծկել»,-ընդգծում է Սաքունցը:

Նա հավելում է, որ ընտրատեղամասերում ներկա գտնված Ոստիկանության ներկայացուցիչներն ու հանձնաժողովի անդմաները մատնված են եղել անգործության:

«Մենք պնդում ենք, որ ոչ թե արդյունավետ չէ, այլև բոլորովին կեղծ են այն գործողությունները և անհամարժեք այն կազմակերպված խախտումների բնույթին, որի դիմաց իրավապահ մարմինները փորձում են հիմա իբր քննություն իրականցնել և մեղավորներին պատասխանատվության ենթարկել»,-նշեց Սաքունցը:

Հայկուհի Հարությունյանն ասաց, որ  յուրաքանչյուր տեղամասում կար Ոստիկանության հատուկ աշխատակից, որը ուղղակիորեն պատասխանատվություն է կրում տվյալ տեղամասում քվեարկության գործընթացի օրինական ապահովման համար:

«Մինչդեռ երբ այդ տեղամասերից ստացվում է ահազանգ խախտման վերաբերյալ, առաջինը քննության առարկա պետք է դարձնել ոստիկանության անգործությունը: Պարզ է դառնում, որ այժմ նպատակը ինչ-որ անձի պատասխանատվության ենթարկելը չէ, նույնիսկ եթե մեկ, երկու անձ պատասխանատվության ենթարկվի, միևնույն է  ընտրական ողջ գործընացի կեղծված լինելը իրավական գնահատականի չի արժանանանլու: Մինչդեռ խնդիրը հանրաքվեի ողջ գործընթացը՝ որպես կեղծված, խախտումներով ընթացած գործըթնաց, պատշաճ իրավական գնահատականի արժանացնելն է»,-ասաց Հարությունյանը:

Դանիել Իոաննիսյանն ասում է,որ դեկտեմբերի 6-ին՝ հանրաքվեի օրը, երեկոյան ժամը ութից հետո ընտրական տեղամասերի մուտքը Հրայր Մանուկյանին ծեծողների համար Ոստիկանության կողմից որևէ ձև չի խոչընդոտվել:

«Բայց փոխարենը բազմաթիվ դեպքերում Ոստիկանությունը խոչընդոտում էր վստահված անձանց, դիտորդների և լրագրողների մուտքը ընտրական տեղամաս: Դեպքերը իսկապես շատ են, բայց Ոստիկանությունն իր աշխատանքից գոհ է.  Ոստիկանությունը ինքը ոչինչ չի արձանագրել այդ խախտումներից, դա բոլորը արձանագրել են լրագրողներն ու դիտորդները: 461-ից 160-ը կրկնաքվեարկության դեպքեր են եղել և դա հստակ հաղորդում է հանցագործության մասին: 123-ը վստահված անձի, դիտորդի կամ հանձնաժողովի լիազորությունների խոչընդոտումն է, որը նույնպես հանցագործություն է: 16 դեպք եղել է  ծեծի, բռնության վերաբերյալ»,-նշում է Իոաննիսյանը:

Նա հավելում է, որ մի քանի հարյուր հանցագործությունների մասին հաղորդումներից 189-ի դեպքում արդեն մերժում է եղել, իսկ մնացածի համար մինչև հիմա չկա հարուցված քրեական գործ:

«Մենք ունենք հարյուրավոր ահազանգեր, հաղորդումներ հանցագործությունների մասին, բայց այս պահին կա ընդամենը 17 հարուցված քրեական գործ»,-նշեց Իոաննիսյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին: 

 

   

Տեսանյութ
Print Friendly and PDF
Այլ մամլո հաղորդագրություններ
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
«Ժողովրդավարական արժեքները և Սերժ Սարգսյանի կառավարման 10 տարիները»
12.04.2018
16:30
Շատ ավելի կարևոր է ստեղծել ազատ հասարակություն, որը կթելադրի իր կամքը, որը թույլ չի տա ժողովրդավարությունը ընկալել որպես իշխանավորի բարի կամք կամ չարի կամք:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ