Մարդու իրավունքների հետընթաց 2015-ին. իրավապաշտպաններ
09.12.2015
11:00
Մարդու իրավունքների տեսանկյունից 2015-ը հետընթաց է գրանցել` ի համեմատ նախորդ տարիների. նման տեսակետ հայտնեց երեկ «Մեդիա կենտրոնում» տեղի ունեցած քննարկմանը «Իրավունքի գերակայություն» ՀԿ-ի ներկայացուցիչ Արտակ Զեյնալյանը:

Մարդու իրավունքների պաշտպանության միջազգային օրվան ընդառաջ «Մեդիա կենտրոնում» տեղի ունեցած քննարկմանը մասնակցում էին «Իրավունքի գերակայություն» ՀԿ-ի ներկայացուցիչ Արտակ Զեյնալյանը և «Քաղաքացիական հասարակության ինստիտուտ» ՀԿ-ի ղեկավար Արման Դանիելյանը:

Զեյնալյանը առաջնահերթ նշեց երկու իրավունք, որոնք խախտվել են 2015-ի ընթացքում:

«Առաջնահերթ ընտրական իրավունքն է: ՀՀ-ում 2015-ի դեկտեմբերի 6-ին տեղի ունեցավ հանրաքվե, համապետական ընտրություններ, որի ընթացքում տեղի ունեցավ համընդհանուր ընտրական իրավունքի խախտում: Վերակենդանացվեցին այն բոլոր խախտումները, որոնք տեղի էին ունենում մինչև 2008-ը: Այս պարագայում խախտվել է նաև իրավական պաշտպանության արդյունավետ միջոցի իրավունքը: Արտադական կարգով իրավունքների պաշտպանության իրավունքը նույնպես խախտվել է, դիտորդներին թույլ չեն տվել ծանոթանալու ընտրական փաստաթղթերին, ընտրացուցակներին, ինչի իրավունքը օրենքով ունեն»,-նշեց Զեյնալյանը:

Նա հավելեց, որ խախտվել է նաև ազատ արտահայտվելու իրավունքը և միավորումների ու հավաքների ազատության իրավունքը:

«Վկայակոչեմ այն փաստը, որ այսօր Ազատության հրապարակում տեղի է ունենում նստացույց և այսպիսի եղանակային պայմաններում չեն թույլատրում վրաններ տեղադրել: Սա մարդու ևս մեկ իրավունքի խախտում է: Այս պայմանները ստեղծված են, որպեսզի մարդիկ չիրականացնեն հավաքների ազատության մասին իրենց իրավունքը: Այս իրավունքը խախտվել է նաև ամռանը էլեկտրաէներգիայի սակագնի թանկացման դեմ պայքարի ժամանակ, երբ մարդկանց նկատմամբ եղան բռնություններ: Լրագրողները ենթարկվեցին բռնության, խոչընդոտվեց նրանց մասնագիտական գործունեությունը, կոտրվեցին նրանց տեսախցիկները: Եվ այս դեպքում պատշաճ քննություն չի իրականացվել»,-հավելեց Զեյնալյանը:

«Քաղաքացիական հասարակության ինստիտուտ» ՀԿ-ի ղեկավար Արման Դանիելյանն ասում է, որ սովորաբար ըտրական գործընթացը ցույց է տալիս մարդու իրավունքների վիճակը հենց այդ պահին:

«Բոլորիս համար պարզ է մարդու իրավունքների վիճակը ինչպիսին է, որովհետև այդ օրը մենք խտացված տեսանք, թե ինչ ունենք այսօրվա դրությամբ»,-նշեց Դանիելյանը

Նա դրական գնահատեց խոշտանգումների սահմանումը «Քրեական օրենսգրքում» ՄԱԿ-ի Խոշտանգումների կոնվենցիայի առաջին հոդվածին համապատասխանեցնելը, բայց նշեց, որ առավել կարևոր է դրա կիրառությունն ապահովելը:

«Որպեսզի դա լիարժեքորեն աշխատի, պետք է օրենսդրական այլ փոփոխություններ, մասնավարապես օրենքով պետք է արգելվի համաներում, ներում տալը  այնպիսի մարդկանց, որոնք խոշտանգում են կատարել»,-նշեց Դանիելյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:    

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ