Միջազգային և հայաստանյան դիտորդների գնահատականը հանրաքվեի նախապատրաստական փուլի վերաբերյալ
04.12.2015
11:00
Այսօր «Մեդիա կենտրոնում» տեղի ունեցած մամլո ասուլիսի ժամանակ «Քաղաքացի-դիտորդ» նախաձեռնության հայաստանյան և եվրոպացի գործընկերները համատեղ ներկայացրեցին սահմանադրական հանրավքեի նախապատրաստկան փուլի գնահատումը և բարձրաձայնեցին առավել մտահոգիչ խնդիրների և խախտումների մասին, որոնք արձանագրել էին քարոզարշավի ընթացքում:

Ասուլիսին մասնկացում էին Թրանսփարենսի Ինթերնեշնլ հակակոռուպցիոն կենտրոնի փոխտնօրեն Սոնա Այվազյանը, «Իրավունքի Եվրոպա» միավորում ՀԿ-ի նախագահ Լուսինե Հակոբյանը, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, Նորվեգյան հելսինկյան կոմիտե, Դեմոկրատական ընտրությունների եվրոպական պլատֆորմ (EPDE) Լենե Վեթելանդը ևԳյումրու Ժուռնալիստների «Ասպարեզ» ակումբի խորհրդի նախագահը Լեւոն Բարսեղյանը:

Լենե Վեթելանդն ասում է, որ Դեմոկրատական ընտրությունների եվրոպական պլատֆորմը փորձագետներ է տրամարդում ընտրությունների մոնիտորինգի համար բոլոր եվրոպական երկրներից:

«Մենք եվրոպական առաքելություն ենք իրականցնում վերջերս Ռումինիայում և Լեհաստանում: Առաջին ընտրությունը, որ մենք դիտարկել ենք Հայստանում, եղել է 2013-ի նախագահական ընտրությունները: Նպատակն է եղել հրավիրել տարբեր երկրների փորձագետներին և փոխանակվել ունեցած փորձով: Այս ժամանակահատվածում, որ մենք Հայաստանում անցկացրել ենք, մեզ միացել են փորձագետներո Ուկրաինայից, Իսպանիայից, Ռուսաստանից, Նորվեգիայից և Հայաստանից: Մենք համագործակցել ենք տեղական դիտորդական կազմակերպությունների հետ, որոնք դիտորդական առաքելություն են իրականացնում ընտրությունների ժամանակ»,-նշեց Վեթելանդը:

Նա հավելեց, որ իրենց համար խնդրահարուց է դարձել այս տարի հանրաքվեին դիտորդական առաքելություն իրականցնելը, քանի որ ամբողջ կազմակերպությունը զրկված է դիտորդական առաքելություն իրականացնելու հնարավորությունից:

«Հանրաքվեի համար մեր միջազգային փորձագետները չեն կարողացել հավատարմագրվել՝ որպես միջազգային դիտորդներ»,-ընդգծեց Վեթելանդը:

Սոնա Այվազյանն ասաց, որ «Քաղաքացի- դիտորդ» նախաձեռնությունը այս անգամ հանդես է գալու ընդլայնված կազմով:

«Մեզ բացի մեր 4 կազմակերպություններից, միացել են ևս 10 կազմակերպություններ Հայաստանի քաղհասարակությունից և մենք հանդես ենք գալու ավելի քան 900 դիտորդներով: Մեզ միանալու են նաև նոր մարդիկ՝ որպես հանրային լրագրողներ: Մենք պատրաստվում ենք ծածկել ամբողջ Հայաստանի տարածքը, լինելու ենք բոլոր մարզերում և Երևանում: Այս անգամ մեր կազմում հանդես են գալու նաև մեր միջազգային գործընկերները, որոնց հնարավորություն չի ընձեռվել ստանալ հավատարմագրեր, որովհետև անհասկանալի բյուրոկրատական գործընթացներ էին ԱԳՆ-ի և ԿԸՀ-ի հետ կապված, և նրանք զրկված են եղել այդ հնարավորությունից, հանդես գալ որպես միջազգային դիտորդ: Այդ իսկ պատճառով մենք նրանց ներգրավվեցինք՝ որպես հանրային լրագրողներ մեր թիմում և նրանք նույնպես կայցելեն,  կշրջեն և կդիտարկեն ընտրությունները»,-հավելեց Այվազյանը:

Արթուր Սաքունցն էլ նշեց, որ ՀՀ քաղհասարկության ներկայացուցիչները առանց որևէ  խնդրի կարողանում են ընգրկվել  դիտորդական առաքելություններին  թե Վրաստանի, թե Ռումինիայի, թե Ուկրաինայի, թե Լեհաստանի ընտրություններին և որևէ  խոչընդոտ այդ պետությունների կողմից չի եղել:

«Իսկ մեզ մոտ միջազգային դիտորդները չկարողացան հավատարմագրվել որպես դիտորդներ: Սա ուղղակի որպես փաստ ֆիքսենք և հասկանանք, որ եթե իշխանությունը հայտարարում է, որ ինքը պատրաստ է թափանցիկ, հաշվետու, ազատ և արդար հանրաքվե անցկացնելուն, ապա պետք է նաև կամք դրսևորի, որպեսզի դիտորդական առաքելությունները նաև միջազգային մեծ քանակով ընդգրկված լինեն, և դա կլիներ վստահության կարևոր ցուցանիշ»,-նշեց Սաքունցը:

Ասուլիսի մասնակից Լուսինե Հակոբյանն էլ անդրադարձավ քարոզչական շրջանին և ընդգծեց, որ անհավասար պայմաններ են ստեղծվել «Այո»-ի և «Ոչ»-ի կոմնակիցների համար:

«Մեր դիտարկմամբ կար պայմանների խախտում հեռուսատատեսությամբ զանազան քննարկումների հետ կապված՝ մասնավորապես Հ1-ով վարվող հեռուստաբանավեճը, որը վարում է ԿԳ նախարար  Արմեն Աշոտյանը, որը նաև ՀՀԿ ներկայացուցիչ է և «ԱՅՈ»-ի կողմնակից: Մինդեռ «ՈՉ»-ի կողմնակից ոչ մի քաղաքացու հնարավորություն չի ընձեռվում  հաղորդում վարել: Մյուս ալիքներով հեռարձակվող հաղորդումներում մեկնաբանները դրսևորում էին ակնհայտ կողմնակալություն և դա երևում էր նրանց ձևակերպած հարցերից ու միշտ եզրափակիչ խոսքը տրվում էր «ԱՅՈ»-ի կողմնակիցներին»,-նշեց Հակոբյանը:

Նա ներկայացրեց նաև Hanraqve.com (http://hanraqve.com/) կայքը, որը «Քաղաքացի- դիտորդ» նախաձեռնության նոր գործիքն է,  որի միջոցով քաղաքացիներին հնարավորություն է ընձեռվում մասնակցել հանրաքվեի վերահսկողության գործընթացին:

«Համակարգում նեռբեռնված են ընտրողների ցուցակները, այնպես ինչպես առկա են ընտրողների ռեգիստրում և անձը մուտք անելով անուն, ազգանուն կամ հայրանունը, կարող է գտնել իրեն և բարեկամներին, որոնք բացակայում են Հայաստանից, բայց որոնց միջոցով քվերակություն է լինում: Այսպես նրանք կարող են հանել իրենց անունները ընտրացուցակից»,-հավելեց Հակոբյանը:

Սաքունցն էլ նշեց, որ ընտրական հանձնաժողովների կազմի հետ կապված մի շարք խնդրահարույց կետեր կան:

«Ըստ Ընտրական օրենսգրքի 39 հոդվածի՝ ընտրական հանձնաժողովի անդամ չեն կարող լինել հանցագործությունների համար դատապարտվածություն ունեցող անձիք, ինչպես նաև համայնքների ավագանու անդամները: Մենք ահազանգ ստացանք, որ հանձնաժողովներում ընգրկված են ավագանու անդամներ և ուսումնասիրեցինք բոլոր տեղամասային հանձնաժողովների կազմը: Բացահայտվել է, որ հանձնաժողովներում կան ընդգրկված 203 անդամներ, որոնք հանդիսանում են ավագանու անդամներ»,-ասաց Սաքունցը:

Ըստ իրականացրած ուսումնասիրության՝  Արագածոտնում հանձնաժողովներում կա 18 ավագանու անդամ, Արարատում՝ 30, Արմավիրում՝ 7, Գեղարքունիքում՝ 32 , Լոռիում 22, Կոտայքում՝ 17, Շիրակում՝ 38, Սյունքիում՝ 17, Վայոց Ձորում՝ 14, Տավուշում՝ 8:

«Ի դեպ՝ ՀՀԿ-ից 50 անդամ է ավագանու անդամ ընդգրկված, ՀՅԴ-ից՝ 22, ԲՀԿ-ից 21, Օրինաց երկրից՝ 12, ՀԱԿ-ից՝ 10, Ժառնագությունից՝ 10: «Ժառանգությունը» 5-ին փոխարինել է, երբ որ հայտնաբերվել է, որ ավագանու անդամ են: Սա մենք համարում ենք ուղղակի վարչական ռեսուրսի օգտագործում»,-ընդգծեց Սաքունցը:

Լեւոն Բարսեղյանն էլ ասաց, որ դիտորդական հսկողական մեխանիզմը մեծ է լինելու:

«Լինելու է շատ ուժեղ հսկողություն բոլոր այն տեղամասերում, որտեղ  մարդիկ կունենանք: Նրանք կլինեն 2 կարգավիճակով. մեկը դիտորդի, մյուսը որպես ԶԼՄ-ի ներկայացուցիչ: Այս անգամ հեշտ չի լինելու կեղծել հանրաքվեն, ինչպես արեցին 2005-ին երբ մասնակցեց 4-5  տոկոսը, բայց ցույց տվեցին, որ մասնակցել է 65 տոկոսը բնակչության:  Այս անգամ շատ դժվար է  լինելու այդպիսի կեղծիք արձանագրելը»,-ընդգծեց Բարսեղյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:    

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ