Սահմանադրական փոփոխություններ. խորհրդարանակա՞ն, թե՞ կուսակցապետական համակարգ
27.11.2015
13:00
Սահմանադրական փոփոխությունները թեև առերևույթ ուղղված է Հայաստանում խորհրդարանական կառավարման կարգեր հաստատելուն, սակայն վտանգ կա, որ այն ի վերջո կապահովի միայն գործող իշխանության վերարտադրությունը և կուսակցապետական համակարգի հաստատումը: Այս մասին Արմավիր քաղաքում կայացած քննարկմանը հայտարարեց իրավապաշտպան Զառա Հովհաննիսյանը:

«Մեդիա կենտրոնի» և «Արմավիրի զարգացման կենտրոն» ՀԿ-ի նոյեմբերի 27-ին համատեղ կազմակերպած սահմանադրական փոփոխություններին նվիրված քննարկմանը Զառա Հովհաննիսյանի հետ համակարծիք էին միջոցառման մասնակից «Ոչ»-ի ճակատի ներկայացուցիչները, և կտրականապես դեմ արտահայտվեցին «Այո»-ի բլոկը ներկայացնող գործիչները: Քննարկումը բավականին ներկայացուցչական էր իր կազմով:

Բացի Երևանից ժամանած իրավապաշտպանից միջոցառմանը մասնակցում էին ՀՀԿ Արմավիրի շրջանային խորհրդի անդամ Հովհաննես Ստեփանյանը, ՀՅԴ Արմավիրի մարզային կոմիտեյի ներկայացուցիչ Արամայիս Մխիթարյանը, ՀԱԿ Արմավիրի մարզային կառույցի ղեկավար Սեդրակ Հովհաննիսյանը, «Ժառանագություն» կուսակցության Արմավիրի մարզային կառույցի ղեկավար Գագիկ Մարգարյանը, Արմավիրի մազպետարանի քարտուղարության պետ Դավիթ Դավթյանը և «Արմավիրի զարգացման կենտրոն» ՀԿ ղեվավար Նաիրա Առաքելյանը:

Սահմանադրության նոր նախագիծը, որը հանրաքվեի է դրվելու դեկտեմբերի 6-ին, Զառա Հավհաննիսյանի կարծիքով կարող է հանգեցնել կուսակցապետական համակարգի ամրապնդման և արմատավորման երկու հիմնական պատճառով:

«Առաջին, խորհրդարանական համակարգ է անցում կատարում այն պետությունը, երբ քաղաքական դաշտում առկա են կայացած գոնե մի քանի կուսակցություններ, ինչը Հայաստանում չկա: Երկրորդ, Սահմանադրական փոփոխությունների նախագծի 89-րդ հոդվածում ներառված է «կայուն խորհրդարանական մեծամասնություն» կազմելու գաղափարը, ինչը կարող է նպաստել միահեծան իշխանության ամրապնդմանը երկրում», - ասաց բանախոսը:

Նրա խոսքով, սահմանադրության նոր նախագծում ի թիվս այլ թերությունների առկա է նահանջ մարդու հանդեպ պետության ունեցած սոցիալական և տնտեսական պարտավորություններում: «Եթե գործող Սահմանադրության մեջ խոսվում է մարդու սոցիալական և տնտեսական իրավունքների ապահովման մասին: Այն է՝ պետությունը պարտավոր է ապահովել այդ իրավունքները, ապա նոր նախագծում, այդ իրավունքները միայն խթանվելու են», - նշեց իրավապաշպանը:

Նրա հետ չհամաձայնեցին իշխող Հանրապետական և ոչ իշխանական Հայ հեղափոխական «Դաշնակցություն» կուսակցությունների ներկայացուցիչները: «Եթե սահմանադրության նոր նախագծի մեջ խոսվում է «կայուն մեծամասնության» մասին, դա չի նշանակում, որ անպայման ՀՀԿ-ն է կազմելու մեծամասնություն և միանձնյա իշխելու երկրում: Կազմվելու է կոալիցիա: Եթե քաղաքական ուժերը չգան ընդհանուր հայտարարի, ապա միայն այդ դեպքում տեղի կունենա ընտրությունների երկրորդ փուլ, որպեսզի մեկ կուսակցությունը վերցնի մեծամասնություն»,- նշեց ՀՀԿ ներկայացուցիչ Հովհաննես Ստեփանյանը:

«Դաշնակցություն» կուսակցության մարզային կոմիտեի ներկայացուցիչ Արամայիս Մխիթարյանի խոսքով սահմանադրության նոր նախագիծը հնարավորություն է տալիս ընդդիմադիր կուսակցություններին ընդլայնել իրենց ներկայացվածությունը խորհրդարանում:

«Խոսքն ամբողջությամբ համամասնական ընտրակարգին անցնելու մասին է, որը ամրագրված է սահմանադրական փոփոխություների տեքստում: Բանն այն է, որ իշխանական կուսակցությունը երբեք չի կարողացել համամասնական ընտրակարգով հավաքել 37 տոկոսից ավել ձայներ հավաքել: Իշխող կուսակցությունը կազմել է մեծամասնություն Ազգային ժողովում միայն մեծամսանական ընտրակարգով ընտրված պատգամավորների հաշվին: Այսինքն՝ այժմ առկա է ռեալ հնարավորություն, որպեսզի ընդդիմությունը լավ աշխատելու դեպքում ծանրակշիռ ներկայություն ունենա խորհրդարանում», - նշեց նա՝ հավելելով, որ «Դաշնակցությունը» կողմ է արտահայտվում սահմանադրության նոր նախագծին:

Սահմանադրական փոփոխությունների կողմանկիցների հայտարարություններն ընդդիմության դերի բարձրացման մասին, ըստ ՀԱԿ Արմավիրի մարզային կառույցի ղեկավար Սեդրակ Հովհաննիսյանի, վստահություն չեն ներշնչում: «Իշխանության քայլերը միշտ ուղղված են եղել ընդդիմությանը ճնշելուն: Դա տեղի է ունեցել և՛ Ստեփան Դեմիրճյանի ժամանակ 2003 թ.-ին, և՛ Լերոն Տեր-Պետրոսյանի առաջդրման ժամանակ 2008 թ.-ն: Մենք հիշում ենք, թե ինչպես վարվեց իշխանությունը «Բարգավաճ Հայաստան» կուսակցության այն ժամանակվա ղեկավարի (ի նկատի ունի Գագիկ Ծառուկյանին, որ նախագահ Սերժ Սարգսյանի հետ կոնֆլիկտից հետո դուս եկավ կուսակցությունից և քաղաքականությունից – խմբ.) հետ: Այսքանից հետո խոսել ընդդիմության դերի բարձրացման մասին, անիմստ է», - պարզաբանեց նա:

Ընդդիմադիր «Ժառնագություն» կուսակցության ներկայացուցիչ Գագիկ Մարգարյանը նախ նշեց, որ կայուն մեծամասնության գաղափարը ներմուծված է սահմանադրության նոր նախագիծ, որպեսզի ապահովի ՀՀԿ-ի կառավարման կայունությունը: «Կոլիցիայի մասին խոսք չկա, քանի որ Հանրապետական կուսակցությանը, հաշվի առնելով վերջինիս ռեսուրսները և հնարավորությունները, ոչինչ չի կարող խանգարել հավաքել ձայների 60+1%, և ապահովել կայուն մեծակասնություն, առանց կոալիցիա կազմելու», - պարզաբանեց նա:

Արմավիրի մազպետարանի քարտուղարության պետ Դավիթ Դավթյանն էլ ներկայացրեց ԿԸՀ-ի հետ համատեղ իրականացվող աշխատանքները մարզում հանրաքվեին ընդառաջ ընտրատեղամասերի պատրաստման և կահավորման մասով: Դավթյանը, չնայած այն հանգամանքին, որ հրավիրված էր քննարկմանը, որպես պետական պաշտոնյա և գործադիր իշխանության ներկայացուցիչ, այնուամենայնիվ բաց տեքստով կողմ արտահայտվեց սահմանադրական փոփոխություններին: Քննարկման վարողի դիտարկմանը, թե մարզպետարանի աշխատակցի հայտարարությունը կարող է ընկալվել որպես քարոզ, նա պատասխանեց. «Ես իմ անձնական կարծիքն եմ արտայատում, որպես անձ»:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ