Մասնագիտական կողմնորոշումը` գործազրկության դեմ պայքարի արդյունավետ գործիք
26.11.2015
13:30
Լոռու մարզում վերապատրաստվել է մասնագիտական կողմնորոշման հարցերով զբաղվող շուրջ 40 մասնագետ, իսկ մինչ 2016թ. փետրվար նրանց կմիանան մասնագետներ մարզի մյուս բոլոր համայնքներից:

«Մասնագիտական կողմնորոշման ծառայություններ մատուցելու առաջին օղակը հանրակրթությունն է: Յուրաքանչյուր դպրոցում պետք է ունենանք մեկ կամ երկու վերապատրաստված մասնագետ»,- ասաց Մասնագիտական կողմնորոշման մեթոդական կենտրոնի տնօրեն Հայկուհի Գևորգյանն այսօր «Մեդիա կենտրոնում» տեղի ունեցած քննարկմանը, որը կազմակերպվել էր Վանաձորի քաղաքացիական երիտասարդական կենտրոնի հետ համատեղ:

Հաջորդ օղակն, ըստ Հայկուհի Գևորգյանի, հասարակական կազմակերպություններն են, որ պետք է ապահովեն իրազեկությունը: «Լոռու մարզում Հայաստանի մանուկներ հիմնադրամը (COAF) ստեղծում է Smart կենտրոններ, որոնց միջոցով անգամ ամենահեռավոր համայնքների երիտասարդները կարող են ստանալ տեղեկություն»:

ԿԳՆ նախնական և միջին մասնագիտական կրթության վարչություն մասնագիտական կրթության և ուսուցման բաժնի պետ Սասուն Համբարձումյանի համոզմամբ` երիտասարդներին մասնագիտական կողմնորոշման հարցում աջակցելը յուրաքանչյուր քաղաքացու պարտքն է. «իրավագիտակցության մեկ հատված է»:

«Նախարարությունը Մասնագիտական կողմնորոշման մեթոդական կենտրոնի հետ 3-4 տարվա համագործակցության արդյունքում ամբողջ Հայաստանի տարածքում 12 տարածաշրջանային պետական քոլեջներում ստեղծել է կողմնորոշման կենտրոններ, որոնց մասնագետները տալիս են խորհրդատվություն»,- նշեց Համբարձումյանը:

Մանրամասնելով Մասնագիտական կողմնորոշման մեթոդական կենտրոնի գործունեությունը` Հայկուհի Գևորգյանն ասաց. «Այսօր մենք կարևորում ենք աշակերտի անձի բացահայտումը, նրա գիտակցման, տեղեկացվածության մակարդակի բարձրացումը, որից հետո պետք է անցնել հարմարեցման փուլին: Այստեղ մեզ օգնում են մեր գործընկերները` World Vision Հայաստանը և Հայաստանի մանուկներ հիմնադրամը` կազմակերպելով այցեր ձեռնարկություններ և ուսումնական հաստատություններ»:

Սասուն Համբարձումյանն անդրադարձավ նաև արհեստագործական և միջին մասնագիտական համակարգին վերաբերող գրականության հասանելիությանը մարզերում:

«2009 թվականից յուրաքանչյուր տարի հրատարակվում է 10-12 ձեռնարկ, ուղեցույց: Վեց տարվա ընթացքում արդեն 72 հայալեզու գիրք, մեթոդական ուղեցույց, ուսումնասիրություն է պատրաստվել և մշակվել: Այդ բոլոր նյութերը հասանելի են vetarmenia.am և mkuzak.am կայքերում»:

Ամփոփելով քննարկումը` բանախոսները երիտասարդներին հորդորեցին համախմբվել և տեղեկացնել իրենց հասակակիցներին իրենց մարզի հնարավորությունների մասին` այդ կերպ պայքարելով տնտեսապես ոչ ակտիվ երիտասարդների մեծ թվի ու ներքին միգրացիայի դեմ:

Մարզային քաղաքացիական երիտասարդական կենտրոնների հետ քննարկումների շարքի նպատակն է խթանել մարզերում բնակվող երիտասարդների համար կենսական հարցերի վերաբերյալ իրազեկությունը, աջակցել երիտասարդներին բարձրաձայնել առկա խնդիրների մասին և գտնել հնարավոր լուծումները՝ համագործակցելով պետական կառույցների հետ:

Փառանձեմ Ավագյան, «Մեդիա կենտրոն» ծրագրի խմբագիր-թարգմանիչ

Հեղինակի հետ կապ հաստատելու համար գրե´ք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը
17.10.2020
13:00
Հոկտեմբերի 17-ին, ժամը 13:00-ին, Մեդիա կենտրոնն անցկացրեց առցանց հարցազրույց Սփյուռքի գործերի գլխավոր հանձնակատարի գրասենյակի ծրագրերի իրականացման բաժնի պետ Հայկ Ենգիբարյանի հետ:

Թեման՝ «Երբ արևմտյան և եվրոպական նավերը հայկական լեռներ չեն բարձրանում. Հայկական Սփյուռքի ներուժը»:
«Ընտրովի՞ հումանիզմ, ակնկալիքները միջազգային կառույցներից»
17.10.2020
11:30
Հոկտեմբերի 17-ին Մեդիա կենտրոնն անցկացրեց առցանց քննարկում «Ընտրովի՞ հումանիզմ, ակնկալիքները միջազգային կառույցներից» թեմայով։
Ապատեղեկատվությունը, փաստերի ստուգումը և մեդիա արշավները հակամարտության ընթացքում
16.10.2020
14:00
Հոկտեմբերի 16-ին՝ ժամը 14:00-ին, Մեդիա կենտրոնը իրականացվեց առցանց վեբինար «Ապատեղեկատվությունը, փաստերի ստուգումը և մեդիա արշավները հակամարտության ընթացքում» թեմայով։

Պատերազմական իրավիճակում կորոնավիրուսի թվերի աճ. ինչպե՞ս պայքարել
15.10.2020
12:00
Հոկտեմբերի 15-ին՝ ժամը 11։30-ին, Մեդիա կենտրոնում տեղի ունեցավ քննարկում «Պատերազմական իրավիճակում կորոնավիրուսի թվերի աճ. ինչպե՞ս պայքարել» թեմայով։

Առանց տողատակի. ո՞րն էր վարչապետ Նիկոլ Փաշինյանի ուղերձը
14.10.2020
16:30
Հոկտեմբերի 14-ին, ժամը 16:30-ին, Մեդիա կենտրոնը անցկացրեց հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:Թեման «Առանց տողատակի. ո՞րն էր վարչապետ Նիկոլ Փաշինյանի ուղերձը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...