«Հակախտրականության մասին» օրենքի ընդունման անհրաժեշտությունը Հայաստանում
24.11.2015
12:00
Այսօր «Մեդիա կենտրոնում» տեղի ունեցած մամլո ասուլիսի ժամանակ ՀԿ-ների ներկայացուցիչներն անդրադարձան «Հակախտրականության մասին» օրենքի ընդունման անհրաժեշտության հարցին Հայաստանում:

Ասուլիսին մասնակցում էին «Նոր սերունդ» մարդասիրական ՀԿ-ի նախագահ Սերգեյ Գաբրիելյանը,  «Երիտասարդներն ընդդեմ խտրականության» ծրագրի փորձագետ Հասմիկ Հարությունյանը,  Հանրային տեղեկատվության և գիտելիքի կարիք ՀԿ-ի ղեկավար Մամիկոն Հովսեփյանը,  «Երիտասարդներն ընդդեմ խտրականության» ծրագրի համակարգող Նարե Հովհաննիսյանն ու «Նոր սերունդ» մարդասիրական ՀԿ-ի իրավաբան Հասմիկ Փախանյանը:

«Նոր սերունդ» մարդասիրական ՀԿ-ն վերջին 3 տարիներին իրականացնում է տասնյակ ծրագրեր, որոնք ուղված են հակախտրականությանը և խտրականության դեմ պայքարին Հայաստանում:

««Երիտասարդներն ընդդեմ խտրականության»  ծրագիրը նույնպես ուղղված է այս հիմնախնդրին: Ծրագիրն իրականացվում է Երևանի 4 մարզերում (Տավուշ, Լոռի, Սյունիք, Շիրակ) և Երևանում: Ծրագրին մասնակցել են երիտասարդներ, մարզպետարանների, ՏԻՄ-երի, պետական, ոչ պետական  կառույցների ներկայացուցիչներ»,-նշում է Սերգեյ Գաբրիելյանը:

Նարե Հովհաննիսյանը հավելում է, որ ծրագրի իրականացումը սկսել են 2015-ի հունիսից:

«Ծրագրի առաջին փուլով  անցկացրել ենք դասընթացներ, որին մասնակցել են երիտասարդներ: Մենք հայտարարել ենք նաև հակախտրականության ուղղված դրամաշնորհային փոքր ծրագրեր, և երիտասարդները ներկայացրել են հայտ իրենց համայնքներում առկա խնդիրների վերաբերյալ, որպեսզի դրամաշնորհային ծրագրերով կարողնան իրականցնել իրենց սեփական նախաձեռնությունները և կարողանան լուծել իրենց համայնքում առակ խնդիրները խտրականության, մարդու իրավունքների խախտման ոլորտում»,-նշում է Հովհաննիսյանը:

Նա հավելում է, որ ծրագրի իրականացման ժամանակ խնդիրները եղել են մարդանց ընկալումների, կարծատիպերի հետ կապված:

«Մարդիկ խուսափողական դիրք ունեն և պնդում են, որ իրենց մարզում չկան նման խնդիրներ: Այսինքն խնդրի մասին լիարժեք իրազեկումը առկա է և դա հանգեցնում է նրան, որ մարդիկ փորձում են ժխտել կամ խուսափողական դիրք ընդունել: Միևնույն ժամանակ դասընթացների ընթացքում իրենց կյանքից, իրենց փորձից այնպիսի օրինակներ էին բերում, որ  համոզվում էին, որ իրենց իսկ պրակտիկայում գրանցվել է իրավունքների խախտում, կամ խտրականության դրսևորում: Դասընթացն օգնում է նաև իրենց ռեալ օրինակներից հասկանալ խնդրի էությունը»,-ընդգծում է Հովհաննիսյանը:

Մամիկոն Հովսեփյանը նրկայացնում է, որ իրենց ՀԿ-ն փաստաթղթավորում է խտրականության դեպքերը, իրականցնում է մոնիթորինգ ու ռազմավարական դատավարություններ:

«Ավելի փոքր ծրագրեր ենք իրականացնում իրազեկման բարձրացմանն ուղղված, քանի որ այլ ՀԿ-ներ դրանով զբաղվում են: Մի քանի տարի է, ինչ իրականացնում ենք իրավական կլինիկա ծրագիրը, որն ուղղված է հենց ՄԻԱՎ-ի նկատմամբ խոցելի խմբերի իրավունքների պաշտպանությանը և ջատագովությանը»,-նշում է Հովսեփյանը:

Սերգեյ Գալստյանը հավելում է, որ խտրական վերաբերմունք կա դրսևորված ՔԿՀ-ներում նույնասեռականների նկատմամբ,  թմրամիջոցներ օգտագործողների,  կրոնական և ազգային փոքրամասնոթյուների նկատմամբ:

«Խտրականության են ենթարկվում կրոնական, սեռական փոքրամասնությունները աշխատանքի ընդունվելիս: Դատարանները որոշում են կայացնում՝ չհաստատելով խտրականության փաստը: Թե ի՞նչ է խտրականությունը, որո՞նք են պատժամիջոցները ոչ մի հստակ հոդված չկա»,-ընդգծում է Գաբրիելյանը:

Բանախոսները պնդում են, որ օրենքում պետք է հստակ նշված լինեն խտրականության ենթարկվող խմբերը:

Ասուլիսի մասնակից Հասմիկ Հարությունյանն ասում է, որ մենք այսօր չունենք «Հակախտրականության մասին» օրենքը՝ նյութական հիմքը, որի վրա հիմնվելով դատավորները կարող էին ընդունել որոշումներ և հաստատել խտրականության դեպքերը:

«Մենք ունենք Սահմանադրություն, որի 14-րդ հոդվածը պարունակում է որոշակի դրույթներ, ունենք առանձին իրավական ակտեր աշխատանքային և կրթության ոլորտում, ունենք որոշակի կարգավորումներ, որտեղ սակայն ընդամենը մեկ բառով հավասարության կոչ է արվում կամ խտրականության արգելքն է հաստատվում: Բայց որպեսզի խտրականության դեմ պայքարն ավելի արդյունավետ լինի, կանխարգելման միջոցները ավելի արդյունավետ լինեն, պետք է ունենալ մեկ համապարփակ միասնական օրենք, ընդհանուր կարգավորումներով: Սա հիմք կծառայի բողոքներ, գանգատներ ներկայացնելու  համար և դատարանից պահանջելու, որ հաստատվի խտրականության դեպքը և պատասխանատվության ենթարկվի այն անձը, ում կողմից  դրսևորվել է նման խտրական վերաբերմունք»,-նշեց Հարությունյանը:

Նա ընդգծեց, որ առկա օրեսնդրությունում ոչ մի տեղ չկա ամրագրված խտրականության սահմանումը և դրա դրսևորումները:

Հասմիկ Փախանյանն էլ նշում է, որ «Նոր սերունդ» մարդասիրական ՀԿ-ն մշակում է նաև Հակախտրականության օրենքի մասին կոչը, որտեղ ուսումնասիրվել են ինչպես ներպետական, այնպես էլ միջազգային նորմերը, որտեղ մի շարք դրույթներ կան ամրագրված խտրականության արգելման վերաբերյալ:

«Օրենքի մեջ պետք է ներառել ինչպես խտրականության տեսակները, հիմքերը, այնպես էլ պաշտպանության մեխանիզմները: Երբ խտրականություն լինի, անձը կիմանա ում կարող է դիմել և ինչ միջոցներով»,-հավելեց Փախանյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:     

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ