Անվճար, անանուն և արագ. վաղը Երևանում կմեկնարկի ՄԻԱՎ-ի համար հետազոտության եվրոպական շաբաթը
23.11.2015
11:00
Այս տարվա նոյեմբերի 24-28-ը Երևանում կանցկացվի ՄԻԱՎ-ի վերաբերյալ հետազոտության եվրոպական շաբաթ, որին կարող է մասնակցել յուրաքանչյուր ՀՀ քաղաքացի:

Այսօր «Մեդիա կենտրոնում» տեղի ունեցած մամլո ասուլիսի ժամանակ նախաձեռնության մասին ներկայացրեցրին, «Իրական աշխարհ, իրական մարդիկ» ՀԿ-ի նախագահ Հովհաննես Մադոյանը, ՁԻԱՀ-ի կանխարգելման հանրապետական կենտրոնի մեթոդիստ Արևիկ Պետրոսյանը և ՁԻԱՀ-ի կանխարգելման հանրապետական կենտրոնի հոգեբանասոցիալական խորհրդատվության բաժնի վարիչ Մարինե Ասրյանը:

«Միջոցառմանը ՄԻԱՎ-ի վերաբերյալ արագ, անանուն և անվճար հետազոտություն է անցկացվելու Երևան քաղաքում: Հյուսիսային պողոտայի վրա լինելու է շարժական ախտորոշիչ լաբորատորիա, լինելու են խորհրդատուներ ՁԻԱՀ-ի կանխարգելման կենտրոնից և մարդիկ հնարավորություն են ունենալու բարձր որակի խորհրդատվություն ստանալու ՄԻԱՎ-ի վերաբերյալ, իսկ ցանկության դեպքում նաև հետազոտություն անցնելու, որի պատասխանը կստանան 15-20 րոպեի ընթացքում: Հետազոտության արդյունքների մասին գաղտնապահության հարցերը շատ խիստ պահպանված են լինելու: Մենք ուզում ենք ցույց տալ, որ ՄԻԱՎ-ի նկատմամբ հետազոտվելը այդքան էլ վախենալու և դժվար բան չէ»,-ասաց Հովահաննես Մադոյանը:

Նախաձեռնությունն արդեն երրորդ տարին է, ինչ անցկացվում է Հայաստանում:  Այն իրականացվելու է  նույեմբերի  24-28-ը, ժամը 15:00-ից 20:00-ը  Հյուսիսային պողոտայում:

«Աշխարհում 2/3-ը չգիտի իր կարգավիճակի մասին, իսկ չիմանալով կարգավիճակի մասին չի կարողանում ժամանակին հասանելիություն  ունենալ բուժման և խնամքի ծառայությունների համար: Դրա համար կարևոր է որքան հնարվոր է շուտ ախտորոշվել ՄԻԱՎ-ի համար: Քանի որ սա վարքագծային հիվանդություն է, մարդը պետք է ճիշտ գնահատի իր վարքագիծը և կարողանա դրան համապատասխան անցնել ՄԻԱՎ-ի վերաբերյալ հետազոտության: Սա նշանակում է, որ յուրաքանչյուր ոք, ով ունեցել է պատահական սեռական  հարաբերություն, ով կատարել է դաջվածքներ, դակումներ կասկածելի մաքրության գործիքներով, ունեցել է սեռական անպաշտպան հարաբերություն զուգընկերոջ հետ, որի կարգավիճակը ՄԻԱՎ-ի վերաբերյալ նրան հայտնի չէ,  պետք է հետազոտվի»,-նշում է Արևիկ Պետրոսյանը:

Նա նշում է, որ միգրացիան մեծ գործոն է և մեծ դեր ունի Հայաստանում ՄԻԱՎ ունեցողների վիճակագրության վրա:

«Մոտավորապես 70 տոկոս դեպքերում միգրացիոն գործոն ունենք, քանի որ մեր աշխատանքային միգրանտները գնալով Ռուսաստան և Ուկրաինա,  որտեղ ՄԻԱՎ-ի տարածվածությունը բավականին բարձր է, վերադառնում են այստեղ և շարունակում իրենց սեռական հարաբերությունները զուգընկերների հետ և անգիտակցաբար վարակում զուգընկերներին: Կարևոր է, որպեսզի մարդիկ գան, հետազոտվեն, իմանան իրենց կարգավիճակը, որքան հնարավոր է շուտ ստանան հակառետրովիրուսային բուժում, որը  մեր քաղաքացիների համար անվճար է»,-ընդգծում է Պետրոսյանը:

Հայաստանում առաջին դեպքերը ՄԻԱՎ վարակի արձանագրվել են 1988-ին և 1988-ից մինչև 2015-ի հոկտեմբերի 31-ը Հայաստանում արձանագրվել է ՄԻԱՎ վարակի 2194 դեպք:

Ըստ ՁԻԱՀ-ի կանխարգելման հանրապետական կենտրոնի վիճակագրական տվյալների՝ 334-ը արձանագրվել է  2014-ին, որը առավելագույնն է բոլոր նախորդ տարիների համեմատ:

«ՄԻԱՎ վարակ ունեցողների մեջ գերակշռում են տղամարդիկ. 1513 տղամարդ և 681 կին: 41 դեպք գրանցվել է երեխաների շրջանում: ՀՀ-ում վարակի հիմնական փոխանցման ուղին հետերոսեքսուալ ուղին է, որը կազմում է 64,4  տոկոս, երկրորդ տեղում թմրամիջոցների ներարկային օգտագործման միջոցով տարածումն է, որը կազմում է 26,2 տոկոս»,-նշում է Մարինե Ասրյանը:

ՄԻԱՎ վարակով հիվանդներից 1140-ի մոտ ախտորոշվել է ՁԻԱՀ, որից 172-ը 2014-ի ընթացքում:  Ըստ պաշտոնական տվյալների՝ դեպքերի առավելագույն թիվը գրանցվելէ  Երևան քաղաքում (721 դեպք), այնուհետև Շիրակի մարզում:

Ասուլիսի մասնակիցները նշում են, որ հնգօրյա նախաձեռնության շրջանակում անցկացվող հետազոտությանը ակնկալում են մոտ 500 քաղաքացու մասնակցություն:

«Անցած տարի էլ մոտ 500 հոգի հետազոտվել է նախաձեռնության շրջանակում, իսկ նախանցած տարի շուրջ 300 հոգի: Ընդհանրապես դրական է ընդունվում քաղաքացիների կողմից այս նախաձեռնությունը: Իսկ անցած տարի այս հետազոտության շրջանակում երկու հոգու մոտ ՄԻԱՎ-ի դրական պատասխան եղավ, որից հետո նրանք սկսեցին բուժում ստանալ»,-հավելեց Մադոյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:    

 

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար: