Սահմանադրական փոփոխություներ. հարցազրույց-ասուլիս Լևոն Զուրաբյանի հետ
09.11.2015
12:00
Այսօր «Մեդիա կենտրոնում» տեղի ունեցավ ՀԱԿ խմբակցության ղեկավար, «Ոչ»-ի ճակատի համատեղ շտաբի ղեկավար Լևոն Զուրաբյանի մամլո ասուլիսը «Սահամանադրական փոփոխություններ և սպասվող հանրաքվե» թեմայով:

Լեւոն Զուրաբյանի խոսքով` իրենց մարզային հանդիպումների ընթացում ՀՀ քաղաքացիներից որեւէ մեկի մոտ հարց չի ծագում, արդյոք  այս սահմանադրական փոփոխությունները լավն են եւ արդյոք առաջարկվող սահմանադրության  նախագծով Սերժ Սարգսյանի իշխանությունը հավերժացվելու է, թե ոչ:

«Այս հարցում որեւէ տարակարծություն չկա, սրանում մարդիկ վստահ են»,-նշում է Զուրաբյանը: 

Նրա խոսքով` հանրության մոտ ծագող միակ հարցն այն է, արդյոք  ընդդիմությունը կարողանալու է ապահովել, որպեսզի իշխանությանը չհաջողվի  ընտրատեղամասերում կեղծել իրենց «ՈՉ»-ի քվեները:

Իսկ դա ապահովելու համար  Զուրաբյանը մատնանշեց երկու ճանապարհ. «Նախ` ապահովել ակտիվ հանրահավաքային պայքար, որպեսզի իրավիճակը երկրում սկսի եռալ, եւ ինչ- որ չափով իշխանությունները եւ ընտրակեղծարարները դեմորալիզացված լինեն եւ  սկսեն հասկանալ, որ սա արդեն հղի է լուրջ վտանգներով, եթե նրանք նորից ժողովրդի կամքը կեղծեն: Երկրորդ ճանապարհը հանրային վերահսկողության կազմակերպումն է ընտրատեղամասերում, որովհետեւ ես ոչ մի կասկած չունեմ, որ եթե ամեն ընտրատեղամասում մենք կարողանանք երկու-երեք հոգի ունենալ, հաղթանակը կլինի ժողովրդինը»:

ՀԱկ ղեկավարը վստահեցրեց, որ Կոնգրեսն ունի համապատասխան ռեսուրս` ապահովելու ՀԱԿ-ի ներկայությունը բոլոր 1988 ընտրատեղամասերում: Զուրաբյանը նաեւ ընդգծեց հասարակական կազմակերպությունների դերակատարությունը հանրաքվեի ընթացքում դիտորդական առաքելության իրականացման հարցում: Նա շեշտեց, որ  200-ից ավել հասարակական կազմակերպություններ հայտարարությամբ են հանդես եկել`  արտահայտելով իրենց «Ոչ»-ն այս փոփոխություններին: Մինչդեռ  չկա որեւէ հասարակական կազմակերպություն, որը դրական դիրքորոշմամբ հանդես եկած լինի, եւ սա, ըստ Զուրաբյանի,  արդեն իսկ լավագույն ցուցիչն է այն բանի, որ այս սահմանադրական փոփոխությունները հասարակության համար մերժելի են:

Լեւոն Զուրաբյանը  լրագրողներին հորդորեց Հանրապետականներին հարցնել, թե ինչ դերակատարություն է ունենալու Սերժ Սարգսյանը  2018-ից հետո:

«Հենց այս հարցը տալիս ես Հանրապետականներին, նրանք «քարկապ են ընկնում»: Քանի որ մի կողմից հերքում են իրենք իրենց, բացի այդ էլ, եթե շատ վստահեցնեն, որ Ս. Սարգսյանը որեւէ դերակատարություն չի ունենալու, ապա կարող է ՀՀԿ-ականների ստորին օղակներում իրոք հավատան, որ Սերժ Սագսյանը 2018-ից հետո դերակատարություն չի ունենալու, եւ այդ դեպքում  արդեն իրենց ողջ բուրգը կփլուզվի»,-նշեց Զուրաբյանը:

Հարցին, թե ինչու «Ոչ»-ի ճամբարի հանրահավաքներին չեն մասնակցում ընդդիմադիր ուժերի առաջնորդները եւ արդյոք կարելի է ակնկալել  հաջորդ` նոյեմբերի 20-ին կայանալիք հանրահավաքին  Լեւոն Տեր-Պետրոսյանի մասնակցությունը,   Զուրաբյանը պատախանեց, որ այդ հանրահավաքները կազմակերպվել են ոչ թե քաղաքական ուժերի, այլ «Չեք անցկացնի» նախաձեռնության կողմից: Նա չբացառեց, որ առաջիկայում` կախված զարգացումներից, նաեւ առաջնորդները մասնակցեն. «Կարծում եմ, այո, առաջիկայում կարելի է ակնկալիքներ ունենալ, որ  առաջնորդները կմասնակցեն հանրահավաքներին»:

Զուրաբյանը չբացառեց նաեւ «Ոչ»-ի ճակատի մասնակցությունը «Նոր Հայաստան» հանրային փրկության ճակատի ` դեկտեմբերի 1-ին հրավիրած հանրահավաքին, ավելին` որոշակի պայմանների առկայության դեպքում հնարավոր համարեց հենց ՀԱԿ-ի կողմից անհնազանդության կոչերով հանրահավաքի կազմակերպումը:

Բանախոսը նաեւ հայտարարեց, որ ՀԱԿ-ը չի մասնակցելու Հանրային հեռուստաընկերության կողմից կազմակերպվելիք բանավեճերին, քանի որ դրանք վարելու է ՀՀ ԿԳ նախարար, ՀՀԿ փոխնախագահ Արմեն Աշոտյանը, ինչը, Զուրաբյանի բնորոշմամբ, անույլատրելի է:

Արևիկ Սահակյան, «Մեդիա կենտրոն» ծրագրի քննարկումների համակարգող:

Հեղինակի հետ կապվելու համար գրեք  areviksahakyan@mail.ru հասցեին:    

 

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ