Շանթ Հարությունյանի գործը ՄԻԵԴ-ում. փաստաբանը դրական ելքի հույս ունի
15.10.2015
12:00
Շանթ Հարությունյանի և նրա ընկերների «Շանթ Հարությունյան+10» պայմանական անունը կրող դատական գործով բողոքն ուղարկվել է Մարդու իրավունքների եվրոպական դատարան և ընդամենը 15 օրվա ընթացքում գրանցվել ՄԻԵԴ-ում:

Ընդհանուր առմամբ տասնմեկ անձի վերաբերող դատական գործի գանգատում Շանթ Հարությունյանի և նրա ընկերների փաստաբան Ինեսսա Պետրոսյանն արձանագրել է Մարդու իրավունքների եվրոպական կոնվենցիայի տարբեր հոդվածներով խախտումներ: Մասնավորապես՝ արդար դատաքննության, ազատ հավաքների անցկացման իրավունքների և անմեղության կանխավարկածի սկզբունքի խախտումներ:

«Ցեղակրոն» կուսակցության առաջնորդ Շանթ Հարությունյանը, ով 2013 թ-ի նոյեմբերին Ազատության հրապարակում իրականացնում էր «Ես սկսում եմ հեղափոխություն» ակցիան, դատապարտվեց ՀՀ քրեական օրենսգրքի 258-րդ հոդվածի 4-րդ մասով` 6 տարվա ազատազրկման, իսկ նրա որդին՝ Շահեն Հարությունյանը՝ 4  տարվա պայմանական ազատազրկման: Հարությունյանի ընկերները դատապարտվեցին 4-7 տարի ազատազրկման 2013 թ-ի նոյեմբերի 5-ին «Անոնիմուսի» երթի ժամանակ ոստիկանության հետ տեղի ունեցած ընդհարման հետևանքով:

«Մեդիա կենտրոնում» հոկտեմբերի 15-ին փաստաբան Ինեսսա Պետրոսյանի և Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի  մասնակցությամբ տեղի ունեցավ մամլո ասուլիս «Շանթ Հարությունյանի և ընկերների դատական գործն ուղարկվել է Եվրոպական դատարան. նոր մանրամասներ» թեմայով:

ՄԻԵԴ ներկայացված գանգատում, նշում է փաստաբան Ինեսսա Պետրոսյանը, շեշտը դրված է երեք հիմնական իրավունքների խախտման վրա:

«Առաջինը, արդար դատաքնության իրավունքն է: 14 ամբաստանյալների 134 հատորանոց գործով վճիռը  Կենտրոն և Նորք Մարաշ վարչական շրջանների ընդհանուր իրավասության դատարանում կայացվեց շատ հապճեպ և ներկայացվեց երկու ժամվա ընթացքում: Խախտվեցին նաև ամբաստանյալների վերջին խոսքի իրավունքը, իսկ որոշ ամբաստանյալների թույլ չտրվեց հանրային պաշտպան ունենալ», - ասաց նա:

Խախտվել է նաև ամբաստանյալների անմեղության կանխավարկածը, վստահ է Պետրոսյանը:

«Հայաստանի նախագահ Սերժ Սարգսյանն, այդ օրերին գտնվելով ԱՄՆ-ում և պատասախանելով իրեն ուղված հարցին, ասել է, որ «Շանթ Հարությունյանը հանցագործություն է կատարել»: Սա այն դեպքում, երբ դեռ Առաջին ատյանի դատարանը վճիռը չէր հրապարակել: Ես այս հանգամանքը մի քանի անգամ ներկայացրել եմ դատարանում, որը չի հաշվի առնվել», - նշեց փաստաբանը՝ հավելելով, որ նախագահի հայտարարությունը, հաշվի առնելով ՀՀ-ում դատական համակարգի կախվածությունը գործադիր իշխանությունից, կանխորոշել է դատարանի վճիռը:

Ըստ փաստաբանի՝ խախտվել է նաև հավաքների ազատ անցկացման իրավունքը, քանի որ 2013թ-ի Շանթ Հարությունյանի և նրա ընկերների երթի ժամանակ տեղի են ունեցել սադրանքներ, ինչը վերածվել է բռնության կիրառման և ցուցարարներին թույլ չի տվել խաղաղ երթ իրականացնել:

Շանթ Հուրթյունյանին և նրա հետ ազատազրկված ընկերներին Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն անվանաեց քաղաքական բանտարկյալներ:

«Նրանք հետապնդվում են քաղաքական դրդապատճառներով, քանի որ դեմ էին հանդես գալիս Հայաստանի՝ Եվրասիական տնտեսական միությանն անդամակցելու գործընթացին: Մարդը համարվում է քաղբանտարկյալ, եթե ազատազրկվել է Մարդու իրավունքների եվրոպական կոնվենցիայով կամ կից արձանագրություններով երաշխավորված ազատություններից որևէ մեկի խախտմամբ և այդ ազատազրկումը կատարվել է ակնհայտ քաղաքական դրդապատճառներով», - ասաց իրավապաշտպանը:

Այս ենթատեքստում նա անդրադարձավ նաև սահմանադրական փոփոխությունների գործընթացին՝ հայտարարելով, որ անհեթհեթ է խոսել սահմանադրության փոփոխմամբ իրավունքի գերակայության հաստատման մասին Հայաստանում, եթե երկրում չեն դադարում քաղաքական հետապնդումները: «Սա չափիչն է, որով պետք է գնահատվի հայտարարությունների և իրական գործի տարբերությունը», - հավելեց նա:

Ասուլիսի ավարտին բանախոսները հույս հայտնեցին, որ ՄԻԵԴ ներկայացրած բողոքը կբավարարվի, ինչին կարող է հետևել գործի վերանայում Հայաստանի դատարաններում:

«ՄԻԵԴ-ը չորրորդ ատյան չէ, որպեսզի բեկանի Հայաստանի դատարանների որոշումները: Բայց եթե Եվրոպական դատարանում մեր բողոքը բավարարվի և ճանաչվեն այդ իրավախախտումները, ապա հնարավոր է գործը մտնի վերանայման փուլ: Այժմ դեռ պարզ չէ՝ ինչ ժամանակահատվածում կարող է ՄԻԵԴ-ը վճիռ կայացնել մեր բողոքի մասով: Ժամկետների մասով ոչինչ չենք կարող ասել», - եզրափակեց փաստաբան Ինեսսա Պետրոսյանը:  

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:   

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ