Հանրային գերակա շահի զոհերը դիմել են ոստիկանություն
09.10.2015
11:00
Գործարար Սամվել Մայրապետյանին պատկանող Local Developers ընկերության և Երևանի կենտրոնի Տերյան 23, 25 և Լալայանց 37 շենքերի բնակիչների միջև սեփականության իրավունքի շուրջ պայքարը թևակոխել է նոր փուլ: Բնակիչները սեփականության օտարման դիմաց արժանի փոխհատուցման պահանջով երկար տարիների դատական քաշքշուկներից հետո դիմել են ոստիկանություն: Նրանք չեն վստահում Մայրապետյանի պատվերով բնակարաննրի գնահատում իրականացրած «Անիկոմ» ՍՊԸ-ի տրամադրած տվյալներին և համոզված են, որ իրենց սեփականությունը կանխամտածված ցածր է գնահատված:

Այժմ արդեն բնակիչների դիմումների հիման վրա հարուցվել են քրեական գործեր և նրանցից մի քանիսը գործով ճանաչվել են որպես տուժող: «Դատական քաշքշուկներից հետո, ճիշտն ասած ես վստահ չէի, որ ոստիկանությունում իմ բողոքին ընթացք կտան: Ի զարմանս ինձ այն տեղի ունեցավ: Իմ երեք հարկանի տան դիմաց, որն ունի նաև 180 մետր հողամաս, Մայրապետյանին պատկանող Local Developers ընկերությունն առաջարկում է միայն 200 հազար դոլար: Այն դեպքում, երբ Փորձաքննության ազգային բյուրոն գնահատել է միայն իմ տունը 300 հազար ԱՄՆ դոլար: Բացի այն, որ իմ տունը կանխամտածված ցածր է գնահատված, այդ արժեքի մեջ չի ներկայացված հողամասի գինը: Տպավորություն է, որ այդ հողամասը գոյություն չունի», - հայտարարեց Պուշկին 4 տան բնակիչ Ալֆրեդ Կզարթմյանը, ում տունը ևս կառավարության որոշմամբ ընդգրկված է Հանրային բացառիկ գերակա շահի գոտում, որտեղ կառուցապատում պետք է իրականացնի Local Developers ընկերությունը:

Բնակիչներին առաջարկում են 1 մետր քառակուսու համար մոտ 800 դոլար, ինչն, ըստ իրենց, ընդհանրապես չի կարելի համարել համարժեք փոխհատուցում: «Ինչ վերաբերում է առաջարկվող բնակարաններին նորակառույցում, ապա այն անգամ համեմատության եզրեր չի կարող ունենալ մեր շենքերի հետ: Առաջարկվող նորակառույցում առաստաղի բարձրությունը 2.70 մետր է՝ առանց հարդարման՝ իսկ առաստաղի և հատակի հարդարումից հետո բարձրությունը կկազմի 2.60: Այն դեպքում, երբ մեր բնակարանների բարձրությունը 3.30 է», - նշեց Տերյան 23 շենքի բնակիչ, «Մեր քաղաքը» նախաձեռնության անդամ Վարդան Գերավետյանը:

«Մեդիա կենտրոնում» հոկտեմբերի 9-ին Ալֆրեդ Կզարթմյանի, Տերյան 23 և 25 շենքերի բնակիչներ Վարդան Գերավետյանի, Մելինե Նավասարդյանի և «Պետական կարիքների զոհեր» ՀԿ ղեկավար Սեդրակ Բաղդասարյանի մասնակցությամբ տեղի ունեցավ քննարկում «Նոր զարգացումներ Երևանի կենտրոնում հանրային գերակա շահ հայտարարած շենքերի բնակիչների դատական գործերում» թեմայով: Քննարկումն անցկացվեց առանց Local Developers ընկերության ներկայացուցչի, քանի որ ընկերությունից հրաժարվել էին մասնակցել միջոցառմանը՝ պատճառաբանելով, որ գործը գտնվում է դատարանում և նոր քննարկումների անհրաժեշտություն չեն տեսնում:

Local Developers ընկերությունը, որը 2007 թ-ից հանդիսանում է այդ շենքերի կառուցապատողը դիմել է դատարան՝ բնակիչներին իրենց պատկանող բնակարաններից հանելու համար: Արդեն կան համապատասխան դատական որոշումներ, բայց բնակիչները չեն պատրաստվում տեղի տալ և հայտարարում են, որ սկսելու են «ավելի ակտիվ պայքարել» իրենց սեփականության համար: Հանրային գերակա շահի գոտում հայտնված թվով 22 բնակարանների տերերը տեսնում են պայքարի երկու տարբերակ՝ խնդրի թմբկահարում իրավապահ կառույցներում և պարբերական բողոքի ակցիաների իրականացում:

«Դատական ատյանների հետ մենք մեծ հույսեր չենք կապում, քանի որ դատական քննություններն անցկացվում են օրենքների խախտումով, վճիռները կայացվում են առանց հաշվի առնելու բնակիչների միջնորդությունը՝ վարձել փաստաբան»,- հայտարարեց Գերավետյանը՝ հավելելով, որ բնակիչներին որոշակի հույս է ներշնչել ոստիկանությունում հարուցված քրեական գործերը: «Հարուցված քրեական գործերով քննությունը դանդաղ, բայց ընթանում է: Բնակիչներից արդեն կան մարդիկ, ովքեր ճանաչվել են տուժող: Սակայն գործերում դեռ չի ներգրավված մեղադրվող կողմը», - նշեց Գերավետյանը՝ հավելելով, որ զուգահեռ իրավապահ ատյաններում տարվող գործընթացին, բնակիչները շարունակելու են պայքարել նաև փողոցում՝ բողոքի ակցիաների տեսքով:

«Պետական կարիքների զոհեր» ՀԿ ղեկավար Սեդրակ Բաղդասարյանը, ում բնակարանը նույնպես ժամանակին օտարվել է ի օգուտ կառուցապատողի, խորհուրդ է տալիս բանկիչներին ավելի ակտիվ պայքարել դատարաններում և իրավապահ կառույցներում, սպառել ներպետական ատյանները և դիմել Մադու իրավունքների եվրոպական դատարան (ՄԻԵԴ): Բաղդասարյանը, ով ժամանակին դիմել է ՄԻԵԴ և շահել գործը, սեփական փորձով է համոզված, որ գրագետ և հետևողական պայքարի դեպքում հնարավոր է հաջողության հասնել:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

Տեսանյութ
Print Friendly and PDF
Այլ մամլո հաղորդագրություններ
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
«Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները»
23.07.2018
13:00
Հուլիսի 23-ին Մեդիա կենտրոնում տեղի ունեցած «Աղմուկ Փանիկի միջադեպի շուրջ․ արդյոք պե՞տք է վերանայել 102-րդ ռուսական ռազմաբազայի տեղակայման պայմանները» թեմայով քննարկման ընթացքում քաղաքացիական ասամբլեայի Վանաձորի գրասենյակի ղեկավար Արթուր Սաքունցը հուլիսի 17-ին Շիրակի Փանիկ գյուղում ռուս զինվորականների մասնակցությամբ գրանցված միջադեպը գնահատեց ահաբեկչություն տեղացիների նկատմամբ․
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ