Հայաստանում ընտանեկան բռնության կանխարգելման օրենքի ընդունման գործընթացը դոփում է տեղում
01.10.2015
13:00
Թեև ընտանեկան բռնության դեպքերը Հայաստանում դարձել են շատերի դժբախտության պատճառը և անգամ հանգեցրել մարդկային կորուստների, այնուամենայնիվ որոլտի խնդիրներն առանձին օրենքով չեն կարգավորվում: 2013 թ-ից ՀԿ-ների նախաձեռնությամբ մշակվել է «Ընտանեկան բռնության կանխարգելման ամսին» օրենքի նախագիծ, ինչի վերաբերյալ բազմաթիվ քննարկումներ են անցկացվել նաև պատգամավորների հետ, սակայն մինչ այժմ պետական մակարդակով որևէ գործուն քայլ չի կատարվել օրենսդրական ակտի ընդունման ուղղությամբ:
 
«Հայաստանում ընտանեկան բռնության դեպքերը, թեև շատերը չեն ընկալում որպես խնդիր, մեծ ծավալների են հասնում: 2013-2015 թթ. ՀԿ-ների թեժ գծով ստացվել է ընտանեկան բռնության մասին 5171 առաջնային զանգ:
 
Սա միայն երեք կազմակերպության տվյալներ են, ինչը բավականին մեծ թիվ է: Նույն ժամանակահատվածում 30 կին է սպանվել ընտանեկան բռնության հետևանքով, իսկ 45 երեխա՝ զուրկ մնացել մայրական խնամքից», - նշեց Կանանց իրավունքների կենտրոնի ղեկավար Սուսաննա Վարդանյանը:
 
«Մեդիա կենտրոնում» հոկտեմբերի 1-ին Սուսաննա Վարդանյանի, Կանանց ռեսուրսային կենտրոնի ղեկավար Լարա Ահարոնյանի, «Հասարակություն առանց բռնության» ՀԿ-ի քաղաքականության և հաղորդակցության ղեկավար Լիդա Մինասյանի, ԱԺ ՀՀԿ խմբակցության պատգամավոր Կարինե Աճեմյանի և Ոստիկանության քրեական հետախուզության 3-րդ վարչության պետի տեղակալ Արթուր Վարդանյանի մասնակցությամբ տեղի ունեցավ ընտանեկան բռնության դեմ պայքարի ազգային օրվան նվիրված քննարկում «Ի՞նչ փուլում է ընտանեկան բռնության դեմ պայքարի մասին օրենսդրական կարգավորման հարցը» թեմայով:
 
Թեժ գծերով ստացվող զանգերի թիվը տարեց տարի շատանում է, սակայն սա, ըստ Վարդանյանի, դեռ չի խոսում ընտանեկան բռնության դեպքերի ավելացման մասին: «Հավանաբար կանայք ավելի իրազեկված են դարձել և սկսել են բարձրաձայնել բռնության դեպքերի մասին», - պարզաբանեց նա:
 
Այս տարվա 9 ամիսների ընթացքում կազամակերպություններում գրանցվել է մոտ երկու հազար ընտանեկան բռնության դեպք: «Սա միայն այն դեպքերն են, որոնց մասին բարձրաձայնում են կանայք: Շատ դեպքեր կան, որոնք բացարձակ չեն գրանցվում և չեն բարձրաձայնվում: Հատկապես մարզերում բնակվող կանայք շատ խոցելի են այս տեսանկյունից: Այսպիսով բռնության դեպքերի իրական ծավալը շատ ավելի մեծ է», - հավելեց «Հասարակություն առանց բռնության» ՀԿ-ի քաղաքականության և հաղորդակցության ղեկավար Լիդա Մինասյանը:

Պատկերն այլ ըստ ոստիկանության տվայլների: Բռնության դեպքերի քանակը մոտ չորս անգամ զիջում է ՀԿ-ների ներկայացրած ցուիցանիշներին: «2015-ին գրանցվել են ընտանեկան բռնության 535 դեպք: Այդ դեպքերը վերաբերում են ինչպես կանանց նկատմամբ, այնպես էլ ծնողի կողմից երեխայի նկատմամբ բռնություններին», - ասաց Արթուր Վարդանյանը: Ոստիկանության տվյալների համաձայն 2015 թ-ին նվազել են ընտանեկան բռնության, ինչպես նաև դրանցով պայմանավորված մահվան ելքով դեպքերը:
 
Այժմ ընտանեկան բռնության դեպքերը կարգավորում են ՀՀ Քրեական օրենսգրքով: Սակայն խնդրով զբաղվող կազմակերպությունները համոզված են, որ այս ոլորտը պետք է կարգավորվի հատուկ օրենքով, քանի որ մինչ այժմ առկա գործիքակազմը բավարար չէ մեղավորների պատժման և բռնության կանխարգելման համար: «Օենքի նախագծում ընտանեկան բռնությունը կանխարգելող հատուկ միջոցներ են նախատեսված և  սահմանափակումներ, որպեսզի բռնության ենթարկված անձը համարժեք պաշպանություն ստանա և ապահովվի նրա անվտանգությունը», - ասաց Կանանց ռեսուրսային կենտրոնի ղեկավար Լարա Ահարոնյանը:
 
Օրինագիծիը 2013 թ-ին մերժվել է և հիմնավորվել, որ դրանում կան հակասահմանադրական դրույթներ: Այժմ այն լրամշակվել և կրկին ներկայացվել է Ազգային ժողով: Օրինագծի վերաբերյալ անցկացվել է մի քանի քննարկում Ազգային ժողովի պետական-իրավական հարցերի և մարդու իրավունքների պաշտպանության և հանրային հարցերի մշտական հանձնաժողովներում: Բացի այդ օրինագծի ընդունումը բխում է նաև Հայաստանի միջազգային պարտավորություններից: Այս տարվա հունվարին ՄԱԿ-ում տեղի ունեցած համապարփակ դիտարկման շրջանակներում Հայաստանի՝ մարդու իրավունքների մասին ազգային զեկույցի քննարկմանը, բանախոսների մեծ մասն անդրադարձավ իրավական ակտերի ընդունմանը ՀՀ-ում գենդերային և ընտանեկան բռնության կանխարգելման հարցում:

Այնուամենայնիվ ակտիվ քայլեր օրինագծի ընդունման ուղղությամբ չեն կատարվում: Օրինագծում, ինչպես նշում է Սուսաննա Վարդանյանը, շեշտը դրված է կանխարգելման մեխանիզմների վրա: Նախատեսվում են նաև հատուկ սահմանափակումներ՝ բռնության ենթարկված անձի համարժեք պաշպանությունը և անվտանգությունը ապահովելու համար:

Օրինագծով արգելվում է բռնության ենթարկվածի մասին տեղեկատվություն տրամադրելը, նրա գտնվելու վայրը փնտրելը, 100 մետրից ավել մոտենալը, նրա հետ հեռախոսային, կամ նամակագրական կապ հաստատելը: Պետք է լինի նաև զոհին ժամանակավոր բնակության համար ապաստանով ապահովելը:
Պատգամավոր Կարինե Աճեմյանը, թեև ընդունում է, որ Հայաստանում առկա է ընտանեկան բռնություն, սակայն կածում է, որ պետությունը դեռ պատրաստ չէ հատուկ օրենքով կարգավորել այդ ոլորտը:

«Սա կեմպլեքս և շատ նուրբ խնդիր է: Այն ունի սոցիալական, հոգեբանական, մշակութային և տնտեսական կողմեր: Պետությունն այդ ուղղությամբ աշխատանք իրականացնում է, օրինակ՝ ԱԳՆ-ի մակարդակով բանակցում է Սամբուլի կոնվենցիայի շուրջ (Եվրոպայի Խորհրդի կոնվենցիան կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին – խմբ.)», - տեղեկացրեց պատգամավորը:

«Օրենքի ընդունման դեպքում պետք է իրականացվեն բազմաթիվ միջոցառումներ, բացվեն ապաստարաններ, որոնք բավականին ծախսատար են: Պետությունը չի կարող կիսով չափ իրականացնել օրենքը: Այն պետք է ամբողջությամբ ընդունվի, ֆինանսական միջոցներ հատկացվեն և իրականացվի: Այս առումով պետությունը դեռ պատրաստ չէ: Ես ժամկետներ չեմ էլ կարող ասել, թե երբ օրինագիծը կընդունվի», - եզրափակեց նա:

Պատգամավորի պատասխանը չբավարարեց ՀԿ-ների ներկայացուցիչներին, ինչի վերաբերյալ քննարկաման մասնակիցներից Լարա Ահարոնյանը հարց հնչեցրեց. «Դեռ քանի կին պետք է բռնության ենթարկվի և մահանա, որ պետությունը պատրաստ լինի ընդունել այդ օրենքը»:

Արշալույս Մղդեսյան, «Մեդիա կենտրոն» ծրագրի համակարգող-խմբագիր
Հեղինակի հետ կապվելու համար գրեք arshaluismghdesyan@pjc.am  հասցեին:
 
Տեսանյութ
Print Friendly and PDF
Այլ մամլո հաղորդագրություններ
«ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում»
20.09.2018
13:30
Սեպտեմբերի 20-ին «Մեդիա կենտրոնում» տեղի ունեցավ քննարկում «ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում» թեմայով։
Երևանի ավագանու ընտրություններ- 2018 «Երևանը՝ երեխաների համար»
20.09.2018
12:30
Սեպտեմբերի 20-ին Մեդիա կենտրոնում Երևանի ավագանու թեկնածուները ներկայացրեցին իրենց ծրագրերը՝ «Երևանը՝ երեխաների համար» թեմայով:
Երևանի ավագանու ընտրություններ 2018. «Որքանո՞վ է Երևանը հարմար հաշմանդամություն ունեցող անձանց համար» . ավագանու թեկնածուների ծրագրերը
19.09.2018
12:30
Սեպտեմբերի 19-ին Մեդիա կենտրոնում քննարկեցինք «Որքանո՞վ է Երևանը հարմար հաշմանդամություն ունեցող անձանց համար» թեման. ավագանու թեկնածուները կներկայացնեն իրենց կուսակցության կամ դաշինքի ծրագիրը:
«ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը»
17.09.2018
12:00
Սեպտեմբերի 17-ին «Մեդիա կենտրոնում» տեղի ունեցավ քննարկում «ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը» թեմայով։
Հրավեր Երևանի ավագանու ընտրություններին առաջադրված քաղաքապետի բոլոր թեկնածուներին
14.09.2018
16:49
«Հանրային լրագրության ակումբ» ՀԿ-ի «Մեդիա կենտրոն» նախագծի շրջանակում մենք հրավիրում ենք Երևանի ավագանու ընտրություններին առաջադրված քաղաքապետի բոլոր թեկնածուներին ուղիղ եթերում մասնակցել բանավեճի։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ