Հայաստանում նկատվում է տարեց բնակչության թվի աճ
01.10.2015
12:00
Ազգային վիճակագրական ծառայության 2015 թվականի տվյալներով Հայաստանում տարեց բնակչության թիվը կազմում է 323 հազար մարդ (12,6 տոկոս), այն դեպքում, երբ 0-15 տարեկանները կազմում են բնակչության ընդհանուր թվի 20.5 տոկոսը, իսկ 16-60 տարեկանները՝ 66. 9 տոկոսը:

Այսօր «Մեդիա կենտրոնում» Տարեցների միջազգային օրվան նվիրված մամլո ասուլիսի ժամանակ վիճակագրական նոր տվյալներ ներկայացրեցինՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը, Ազգային վիճակագրական ծառայության մարդահամարի եւ ժողովրդագրության բաժնի պետ Կարինե Կույումջյանը և, ՀՀ Աշխատանքի և սոցիալական հարցերի նախարարության հաշմանդամների և տարեցների հիմնահարցերի վարչության պետի տեղակալ Անահիտ Գևորգյանը:

«Տարեցների մասնաբաժինը որոշակիորեն ավելացել է: Եթե 2001-ին մեր տարեցները կազմում էին 11.8 տոկոս, 1990-ին ընդամենը 7.1 տոկոս, ապա այս 25 տարվա ընթացքում նկատելի է, որ մեծահասակ բնակչությունը մասնակիորեն ավելանում է: Ժողովրդագրական տեսանկյունից նման հասարակությունները արձանագրում են ծերացում: Այստեղ մի քանի գործոններ կան, որ կատարում են իրենց դերը. վերարտադրության շրջանում ծնելիության նվազումը և դրանց հարաբերակցությունում տեղ գտած տեղաժաշարերը, ինչպես նաև միգրացիան»,-ասաց Կարինե Կույումջյանը:

Նրա խոսքով՝ Հայաստանում տարեց են համարվում 65 և դրանից բարձր տարիք ունեցող անձիք, ովքեր արդեն դուրս են եկել աշխատունակության տարիքից: Կույումջյանը ընգծեց, որ վիճակագրական տվյալների համաձայն 323 հազար տարեցների կազմում շուրջ 40 տոկոսը տղամարդիկ են, մնացածը՝ կանայք:

«Իսկ կյանքի տևողության միջին տարիքը այժմ Հայաստանում կազմում է 35.7 տարի, ինչը տղամարդկանց համար ավելի ցածր է՝ 34 տարի»,-հավելեց Կույումջյանը:

Տարեցների միջազգային օրվան ընդառաջ Հայաստանի 3 տուն-ինտերնատներում հարցում անցկացրած ՄԱԿ-ի Բնակչության հիմնադրամն էլ մամլո ասուլիսի ժամանակ ներկայացրեց իրենց հարցման արդյունքները:

«Հարցումն իրականացել ենք Երևանի, Գյումրու և Նորքի տուն -ինտերնատներում բնակվող 623 տարեցների շրջանում: Նրանցից 284-ը ընդհանրապես չուներ երեխա: Հարցված տարեցների ընդամենը 72 տոկոսն ուներ տղա երեխա, այսինքն ընդհանուր ունեին 365 տղա երեխա, որոնցից 221-ն ընդհանրապես չեն այցելում իրենց ծնողներին: Իսկ մի մասն էլ  գալիս են  իրենց ծնողներին տեսնելու միայն թոշակ ստանալու օրը»,-ասաց Աննա Հովհաննիսյանը:  

Նա ընդգծեց, որ տուն-ինտերնատներում 354 աղջիկ երեխա ունեցող տարեց կար, որոնցից 173-ը ընդհանրապես չէին այցելում իրենց ծնողներին:

«Դա 49 տոկոսն է՝ ի համեմատություն տղաների շրջանում 61 տոկոսի»,-ընդգծեց Հովհաննիսյանը:

Հայաստանում այսօր գործում է 9 տուն- ինտերնատ, որից 5 պետական, 4-ը՝  ոչ պետական: Բնակվող տարեցների ընդհանուր թիվը կազմում է 1240:

Ասուլիսի մասնակից Անահիտ Գևորգյանն էլ նշեց, որ տարեցների սոցիալական պաշտապանությունը ներառում է  նյութական և կենսաթոշակային ապահովություն, նպաստների տրամադրում, ինչպես  նաև  խնամքի և սոցիալական սպասարկման ծառայություններ:

«Շուրջօրյա խնամքն իրականցնում են տուն-ինտերնատները: Եթե առաջ տուն-ինտերնատում մնալու համար  պարտադիր պայման էր միայնակ լինելը, ապա այժմ այդպես չէ: Մենք օրենսդրության մեջ փոփոխություն մտցրեցինք, որով տուն-ինտերնատում կարող են մնալ նաև այն տարեցները, ովքեր ունեն ընտանիք, զավականեր, բայց կարիք ունեն տուն-ինտերնատի»,-նշեց Գևորգյանը:

Նրա խոսքով՝ այսօր Հայաստանում գործում է նաև տնային պայմաններում  խնամքի իրականացում, որն ավելի շատ առաջադիմական ծառայություն է:

«Դա իրականացնում ենք տարեց բնակիչների տանը, տնային միջավայրում: Ծրագրում ներառված են 1500 միայնակ ծերեր Երևանից և 4000-ը՝ մարզերից: Այս ծրագրի դեպքում ծառայությունը մատուցվում է միայնակ ծերերին, ընտանիք կամ զավակներ ունեցող տարեցները չեն կարող օգտվել այս ծառայությունից»,-հավելեց Գևորգյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Ուսանողական ակտիվ պայքարի ժամանակավոր դադար. հնարավոր զարգացումներ»
16.11.2017
13:00
Նոյեմբերի 16-ին «Մեդիա կենտրոնում» (հասցե՝ Սարյան 12, 3-րդ հարկ) տեղի ունեցավ քննարկում «Ուսանողական ակտիվ պայքարի ժամանակավոր դադար.հնարավոր զարգացումներ» թեմայով:
«Ուսանող և աշխատաշուկա. մասնագիտական կողմնորոշման խնդիրներն ու աշխատաշուկայի պահանջները»
16.11.2017
11:00
Նոյեմբերի 16-ին «Մեդիա կենտրոնում» (հասցե՝ Սարյան 12, 3-րդ հարկ) տեղի ունեցավ քննարկում «Ուսանող և աշխատաշուկա. մասնագիտական կողմնորոշման խնդիրներն ու աշխատաշուկայի պահանջները» թեմայով:
«Ճանապարհատրանսպորտային պատահարները Հայաստանում 2017 թ․-ին. վերջին տարիների դինամիկան, կանխարգելման միջոցներն ու օրենսդրական դաշտի բացերը»
15.11.2017
12:00
ՀՀ ոստիկանության տվյալներով՝ 2007 թվականից մինչեւ 2016 թվականը հանրապետությունում գրանցվել է 25 624 ճանապարհատրանսպորտային պատահար, որի հետեւանքով զոհվել է 3267 քաղաքացի, իսկ վիրավորների թիվը 36 023 է:
Դիաբետի դեմ պայքարը Հայաստանում. որքանո՞վ են հասանելի դեղամիջոցներն ու ժամանակակից սարքավորումները
14.11.2017
13:00
Նոյեմբերի 14-ը Շաքարային դիաբետի դեմ պայքարի համաշխարհայիօն օրն է: Այս օրվան նվիրված Մեդիա կենտրոնում կազմակերպվել էր քննարկում «Դիաբետի դեմ պայքարը Հայաստանում. որքանո՞վ են հասանելի դեղամիջոցներն ու ժամանակակից սարքավորումները» թեմայով:
«Կին» 14-րդ միջազգային կինոփառատոն. մամլո ասուլիս
14.11.2017
11:00
Նոյեմբերի 14-ին «Մեդիա կենտրոնում» տեղի ունեցավ մամլո ասուլիս` նվիրված «Կին» 14-րդ միջազգային կինոփառատոնի բացմանը: Փառատոնը կանցկացվի նոյեմբերի 14-18-ը Երևանում:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ