Նավթամթերքների և գազի առևտուրը ռուբլով հնարավո՞ր է
29.09.2015
12:00
Ռուսաստանից Հայաստան ներկրվող գազի և նավթամթերքների ռուբլով առևտուրը բխում է ՀՀ շահերից և կարող է հանգեցնել տվյալ ապրանքների գների որաշակի անկման: Սա բավականին բարդ, բայց իրականանալու հեռանկար ունեցող առևտրի տարբերակ է, որը վերջիվերջո հիմք է դնելու Եվրասիական տնտեսական միության (ԵԱՏՄ) տարածքում ապագայում միասնական արժույթի անցման համար: Այդ մասին հայտարարեց ԱԺ տնտեսական հարցերի մշտական հանձնաժողովի փոխնախագահ Միքայել Մելքումյանը:

Վերջերս Հայաստանի վարչապետ Հովիկ Աբրահամյանը Գրոդնոյում (Բելառուս) հանդես եկավ առաջարկությամբ ԵԱՏՄ երկրներում ազգային արժույթներով փոխհաշվարկների իրականացման և ռազմավարական ապրանքների (նավթ, գազ, ուրան) առևտրում ռուբլու անցման վերաբերյալ: Նպատակն ազգային տնտեսություններում դոլարիզացիայի մակարդակի իջեցումն է: Աբրահամյանի առաջարկը, ըստ տնտեսագետների, համապատասխանում է ԵԱՏՄ անդամ երկրներում, հատկապես ՌԴ-ում տիրող քաղաքական տրամադրություններին: Բոլորովին վերջերես Ռուսաստանի նախագահ Վլադիմիր Պուտինը Պետդումա ներկայացրեց օրինագիծ ԱՊՀ տարածաշրջանում ազգային արժույթներով առևտրի իրականացման և դոլարից ու եվրոյից որպես փոխհաշվարկի միջոց աստիճանաբար հրաժարվելու մասին:

Փորձագետները Ռուսաստանում արդյունահանվող ստրատեգիական ապրանքների դիմաց ռուբլով վճարելու առաջարկը համարում են գրավիչ, բայց դժվար իրականանալի: Այնումանայնիվ ըստ Միքայել Մելքումյանի, խնդիրը ավելի շատ քաղաքական է, իսկ ՌԴ-ի նկատմամբ Արևմուտքի կիրառած պատժամիջոցները միայն արագացնելու են Եվրասիական տնտեսական միությունում ազգային փոխարժեքներով առևտրի աշխուժացման և վերջապես միասնական արժույթի անցման գործընթացը:

«Մեդիա կենտրոնում» սեպտեմբերի 29-ին Միքայել Մելքումյանի և տնտեսագետ Սուրեն Պարսյանի մասնակցությամբ տեղի ունեցավ քննարկում «Ռուբլով առևտրին անցնելու հնարավորությունը ԵԱՏՄ շրջանակներում» թեմայով:

«Գազի և նավթամթերքի դիմաց ռուբլով վճարելը բխում է Հայաստանի շահերից: Հայաստանը տարեկան Ռուսաստանից ներկրում է մոտ 650 միլիոն դոլարի գազ և նավթամթերք: Իսկ դոլարի արժևորման պայմաններում դա բավականին մեծ բեռ է Հայաստանի համար, որի ընդհանուր ներկրման ծավալը կազմում է 4.5 միլիարդ դոլար», - նշեց Մելքումյանը` հավելելով, որ վաղ թե ուշ Եվրասիական միության անդամ երկրները պետք է անցնեն միասնական արժույթի, կամ գոնե միասնական փոխհաշվարկի համակարգով առևտրի կազմակերպման:

Նրա կարծիքով Հայաստանի ֆինանսական շուկայում առկա ռուբլու չափաքանակը բավարարում է ներկրվող գազի և նավթամթերքների դիմաց վճարելու համար: «Տարեկան Ռուսաստանից Հայաստան տրասնֆերտների տեսքով փոխանցվում է մոտ 1,5 մլրդ դոլարին համարժեք ռուբլի: Բացի այդ ՌԴ-ի հետ առևտրում մեր արտահանողներն արդեն անցել են ռուբլով փոխհաշվարկի: Սա նշանակում է, որ ռուբլու բավարար չափաքանակ կա Հայաստանում: Ռուբլով փոխհաշվարկի անցնելու դեպքում այնպես պետք է կազմակերպել աշխատանքը, որպեսզի այդ քանակությամբ ռուբլին չմտնի Հայաստան, փոխանակվի դոլարով կամ եվրոյով ու արժեզրկվի: Այն պետք է ստերիլիզացնել: Այդպես շուկայում նաև կխթանվի ռուբլու նկատմամբ պահանջարկը», - ասաց պատգամավորը:

Տնտեսագետ Սուրեն Պարսյանը նախևառաջ նշեց, որ այժմ դեռ վաղ է խոսել ԵԱՏՄ շրջանակներում միասնական արժույթի անցման հանարավորությունից, քանի որ այդ հարցի քննարկումները պետք է սկսվեն միայն 2025 թ.-ին:   

Նրա խոսքով, ԵԱՏՄ որոշ երկրներ Ռուսաստանի հետ առևտրում արդեն իսկ անցել են ռուբլով փոխհաշվարկի ռեժիմի: Բելառուսը Ռուսաստան ապրանքների արտահանման դեպքում 87 տոկոսով վճարումները ստանում է ռուբլով, ներմուծման դեպքում՝ 65 տոկոսը,  Ղազախստանը `51 տոկոսը: «Այս երկրներն արդեն իսկ օգտվում են այդ հնարվորությունից: Ինչո՞ւ Հայաստանը չգնա այդ քայլին: Երբ անցում կատարվի այդ ռեժիմին, նավթի գինը պետք է սահմանվի ռուբլով՝ ՌԴ-ի ներքին գնին համարժեք, գումարած լոգիստիկան, ինչն ամրագրված է էներգակիրների առևտրի վերաբերյալ վերջին հայ-ռուսական պայամանագրերում: Սա նշանակում է, որ կարող է տեղի ունենալ նավթամթերքների և գազի գնի որոշակի անկում Հայաստանում», - ասաց նա:

Փորձագետները վստահ են, որ գոնե ստրատեգիական ապրանքների մասով ռուբլով փոխհաշվարկի անցումն իրեն երկար սպասել չի տա: «Ինչքան էլ տարօրինակ է, բայց այս գործընթացին կնպաստի ՌԴ-ում տնտեսական բարդ իրավիճակը և Ռուսաստանի դեմ կիրարռված արևմտյան պատժամիջոցները: Այն է՝ ճգնաժամը կխթանի ֆինանսական ինտեգրացիան», - եզրափակեցին բանախոսները:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ