Սահմանամերձ գյուղերը կրակահերթերից լուրջ վնասներ են կրել
09.09.2015
12:00
Վերջին օրերին հայ-ադրբեջանական սահմանի լարվածությունն իր վնասներն է հասցրել սահմանամերձ գյուղերի բնակիչներին:

Այսօր «Մեդիա կենտրոնում» տեղի ունեցած մամլո ասուլիսի ժամանակ «Քաղաքացիական պայմանագիր» կուսակցության ներկայացուցիչները, ովքեր վերջերս այցելել էին սահմանամերձ գյուղեր, ներկայացրեցին իրենց տպավորությունները վերջին օրերի իրադարձություններից:

«Քաղաքացիական պայմանագիր» կուսակցության վարչության նախագահ Արայիկ Հարությունյանն ասաց, որ  Տավուշի մարզի սահմանամերձ գյուղերում, որոնք վերջին օրերին գտնվում են ադրբեջանական կողմի կրակահերթերի տակ, խուճապ չկա:

Բանախոսները նշեցին, որ այցելել են մի քանի սահմանամերձ համայնքներ՝ Սևքար, Բերքաբեր, Ծաղկավան և այլն:

«Վստահաբար  խուճապային տրամադրություններ չկային, բայց մարդիկ իրոք մտահոգված էին: Օրինակ, Սեւքար գյուղում ասում էին՝ հրադադարից հետո նման գնդակոծություն չի եղել իրենց գյուղում: Վազաշենի գյուղապետարանը լուրջ վնասներ էր կրել, վրան ականներ էին ընկել: Կային մի քանի տներ, որոնք նույնպես վնասվել էին: Սևքարում մի տուն այնպես էր վնասվել, որ շատ հնարավոր է մեծ տրամաչափի զենքով էին կրակել»,-ասաց Հարությունյանը:

Նա նշեց, որ սահմանամերձ գյուղերում տներ կան, որոնց պատուհանները նայում են անմիջապես ադրբեջանական տարածքներին:

«Դժվար է պատկերացնել ի՞նչ քաջություն պետք է ունենան մարդիկ այդտեղ ապրելու համար, որովհետև հնարավոր է, որ մոտենաս քո պատուհանին ու դիրքերից, որոնք ընդամենը մի քանի հարյուր մետրի վրա են, կրակեն քեզ վրա»,-հավելեց Հարությունյանը:

Քննարկման մասնակիցները նշում են, որ իրենց այցելության նպատակը սահմանամերձ գյուղերի բնակիչներին սատարելն էր և նրանց կողքին լինելը, որպեսզի իրենց միայնակ չզգան:

Տավուշի մարզի սահմանամերձ Չինարի գյուղի գյուղապետ Սամվել Սաղոյանը, ով միացել էր քննարկմանը տեսազանգի միջոցով, ասաց, որ Տավուշի մարզի Չինարի գյուղում ադրբեջանական կրակոցներից վերջին շաբաթվա ընթացքում  18 տուն է վնասվել և իրենք ընդհանուր կրել են 500 հազար դրամի վնաս:

«Վնասվել են տների տանիքները, պատուհանների ապակիները, դռներ: Բարեբախտաբար, խոշոր վնասներ չկան, ականները, որ ընկել են այգու մեջ, դրանց արձակած բեկորներից են  պատուհաններն ու տանիքները վնասվել»,- ասաց Սամվել Սաղոյանը:

Կրակոցները Չինարիում պարբերաբար շարունակվում են: Վերջին կրակոցները եղել են նախորդ օրը երեկոյան:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ