«Սահմանադրական փոփոխությունների նախագիծը հետընթաց է մարդու իրավունքների տեսանկյունից». իրավապաշտպաններ
31.08.2015
13:00
Սահմանադրական փոփոխությունների նախագիծը լուրջ հետընթաց է արձանագրում մարդու իրավունքների վերաբերյալ միջազգային փաստաթղթերով սահմանված նորմերից և փոփոխություն է բերում մարդու իրավունքների ու հիմնարար ազատությունների նվազեցման առումով. վստահեցնում են իրավապաշտպաններն այսօր «Մեդիա կենտրոնում» տեղի ունեցած քննարկմանը:

Փաստաբան Հայկ Ալումյանն ասում է, որ մարդու իրավունքների և հիմնարար ազատությունների գլուխը պետք է լինի անձեռնմխելի:

«Դա մեկընդմիշտ ամրագրվում է Սահմանադրությամբ և չի կարող փոփոխվել նվազեցման առումով, բայց ընդլայնվել կարող է: Եթե այսօր այդ գլխում կատարվում են փոփոխություններ նվազեցնելու միտումով, ապա արդեն  կոնցեպցիան ու սկզբունքը խախտվում է: Իսկ այսօր այդ գլխի մեջ կան դրույթներ, որոնք գործող Սահմանադրության համեմատ նվազեցնում են մարդու իրավունքներն ու ազատությունները»,-ասում է Ալումյանը:

Նա օրինակ է բերում սեփականության իրավունքը:

«Այսօր գործող Սահմանադրությամբ անձին սեփականության իրավունքից կարող է զրկել միայն դատարանը, իսկ առաջարկվող Սահմանադրության մեջ անձը կարող է զրկվել սեփականությունից առանց դատարանի որոշման և հետագայում միայն հնարավորություն ունենալ դատական կարգով վիճարկել՝ իր սեփականությունը հետ ստանալու համար»,- նշում է Ալումյանը:

Վանաձորի ՀՔԱ-ի գրասենյակի ղեկավար Արթուր Սաքունցն ասում է, որ նախագիծը լուրջ հակասության մեջ է մտնում հենց հայեցակարգի հետ, որը անցած տարի է հրապարկվել և լուրջ հակասության մեջ է մտնում գործող Սահմանադրության հետ:

«Լուրջ մարտահրավեր է այս նախագծում նաև աշխարհիկ պետության խախտման փաստը: Նախագծով առաջարկվում է  Հայ առաքելական եկեղեցու բացառիկ նշանակությունը հայ ժողովրդի հոգևոր զարգացման և այլ հարցերում: Սամանադրությունը իմ մտքի, խղճի տնօրինման իրավունքը վերագրում է Հայ Առաքելական եկեղեցուն»,-ընդգծում է  Սաքունցը:

Ալումյանը հավելում է, որ Սահմանադրությունը անընդհատ փոփոխելը անլուրջ և ոչ հարգալից վերաբերմունք է ստեղծում այդ կարևորագույն փաստաթղթի առջև:

Նրա խոսքով՝ անկախությունից ի վեր ՀՀ Սահմանադրությունում շուրջ 400 դրույթ է փոփոխվել:

Ինչ վերաբերում է  հանրաքվեի անցկացման մեխանիզմներին, Ալումյանը նշում է, որ ճիշտ կլիներ քաղաքացիներին «այո» կամ «ոչ» ասելու հնարավորությունը ընձեռել Սահմանադրության առանձին գլուխներին, այլ ոչ թե ողջ Սահմանադրական փոփոխություներին նախագծին:

«Որովհետև եթե ես ասեմ «այո» նոր սահմանադրությանը, ապա կստացվի, որ ասում եմ «այո» նաև այն դրույթներին ու գլուխներին, որոնց ես դեմ եմ, իսկ եթե «ոչ» ասեմ, կստացվի` «ոչ» եմ ասում նաև այն դրույթներին, որոնց ես կողմ էի»,-հավելում է Ալումյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում»
20.09.2018
13:30
Սեպտեմբերի 20-ին «Մեդիա կենտրոնում» տեղի ունեցավ քննարկում «ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում» թեմայով։
Երևանի ավագանու ընտրություններ- 2018 «Երևանը՝ երեխաների համար»
20.09.2018
12:30
Սեպտեմբերի 20-ին Մեդիա կենտրոնում Երևանի ավագանու թեկնածուները ներկայացրեցին իրենց ծրագրերը՝ «Երևանը՝ երեխաների համար» թեմայով:
Երևանի ավագանու ընտրություններ 2018. «Որքանո՞վ է Երևանը հարմար հաշմանդամություն ունեցող անձանց համար» . ավագանու թեկնածուների ծրագրերը
19.09.2018
12:30
Սեպտեմբերի 19-ին Մեդիա կենտրոնում քննարկեցինք «Որքանո՞վ է Երևանը հարմար հաշմանդամություն ունեցող անձանց համար» թեման. ավագանու թեկնածուները կներկայացնեն իրենց կուսակցության կամ դաշինքի ծրագիրը:
«ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը»
17.09.2018
12:00
Սեպտեմբերի 17-ին «Մեդիա կենտրոնում» տեղի ունեցավ քննարկում «ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը» թեմայով։
Հրավեր Երևանի ավագանու ընտրություններին առաջադրված քաղաքապետի բոլոր թեկնածուներին
14.09.2018
16:49
«Հանրային լրագրության ակումբ» ՀԿ-ի «Մեդիա կենտրոն» նախագծի շրջանակում մենք հրավիրում ենք Երևանի ավագանու ընտրություններին առաջադրված քաղաքապետի բոլոր թեկնածուներին ուղիղ եթերում մասնակցել բանավեճի։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ