«Պատժամիջոցներն հանելուց հետո հայ-իրանական հարաբերություններն էլ ավելի կզարգանան». Հայաստանում Իրանի դեսպան
24.07.2015
15:00
Իրանի նկատմամբ պատժամիջոցների չեղարկումը կարևոր ազդեցություն կունենա տարածաշրջանում և հայ-իրանական հարաբերությունների զարգացման վրա:

Այսօր «Մեդիա կենտրոնում» տեղի ունեցած մամլո ասուլիսի ժամանակ նման հայտարարությամբ հանդես եկավ Հայաստանում Իրանի Իսլամական Հանրապետության դեսպան Մուհամադ Ռաիսին:

Հիշեցնենք, որ  երկար տարիների բանակցություններից հետո վերջերս ընդունվեց  Իրան-«վեցնյակ» համաձայնագիրը, ըստ որի Իրանի Իսլամական Հանրապետության նկատմամբ կիրառված պատժամիջոցները կհանվեն:

«Այդ համաձայնագրի շրջանակում համաշխարհային հանրությունը հասկացավ, որ Իրանի միջուկային ծրագիրը զուտ խաղաղ նպատակների համար է: Տասը տարիների աշխատանքի արդյունքում ի վերջո միջուկային այդ գործն իր ավարտին հասավ: Իրանը փոխադարձ հարգանքի և փոխադարձ պայմանավորվածության հիմքով է բանակցությունների սեղանի շուրջ նստում, Իրանը իր բոլոր ստանձնած պարտավորությունները կատարել է: Իրանը կարողացավ իրականացնել և միջուկային  ծրագրի խաղաղ նպատակների իրագործումը, և կարողացավ պահպանել Ուրանի հարստացման իր իրավունքը: Այս համաձայնության շրջանակում այն համաշխարհային ճգնաժամը, որին առընչվում էր համաշխարհային հնարությունը ի վերջո իր ավարտին հասավ: Անշուշտ այս համաձայնությունը շատ կարևոր ազդեցություն կունենան տարածաշրջանում»,-ասաց պարոն դեսպանը:

 Հայ-իրանական հարաբերություններ

Մուհամադ Ռաիսին անդրադարձավ նաև հայ-իրանական հարաբերություններին և ընդգծեց, որ Իրանի նկատմամբ պատժամիջոցների վերացումից հետո Իրանը կկարողանա իր հարաբերությունները միջազգային մակարդակով և  իր հարևան երկրների հետ էլ ավելի զարգացնել:

«Մենք Հայաստանի հետ շատ լավ հարաբերություններ ունենք, ուստի հարաբերությունները էլ ավելի կզարգանան: Առաջիկա մեկ ամսվա ընթացքում Իրանի փոխնախագահը պատվիրակությունով կայցելի Հայաստան և այդ այցը կլինի ի պատասխան վարչապետ Հովիկ Աբրահամյանի՝ Իրան կատարած այցի: Փոխնախագահի այցը լինելու է  երրորդ բարձրավոլտ էլեկտրագծի նախագծի շրջանակում»,-ասաց պարոն դեսպանը:

Նա նշեց, որ համագործակցության բանագավառները Իրանի և Հայաստանի միջև բազմաթիվ են և կան բազմաթիվ ստորագրված  նախագծեր, որոնք մինչ օրս  կյանքի չեն կոչվել:

«Այդ նախագծերի իրականացումը դրական ազդեցություն կունենա Հայաստանի տնտեսության վրա: Մենք բազմաթիվ նախագծեր ունենք այդ թվում էլկետրաէներգիայի փոխանակման, Մեղրիիի ՀԷԿ-ի և հյուսիս- հարավ միջանցքի կառուցման վերաբերյլ: Ես անձամբ այն կարծիքին եմ, որ Հայաստանը կլինի շատ լավ միջանցք Պարսից ծոցը Սև ծովին կապելու առումով: Հնարավոր է այդ ուղու կառուցումը ժամանակի առումով մի քիչ երկար տևի, սակայն կոմունիկացիները լուրջ ազդեցություն կունենան երկրի տնտեսության վրա»,-նշեց Մուհամադ Ռաիսին:

Անդրադառանլով Իրան-Հայաստան երկաթգծի կառուցմանը՝ նա նշեց, որ 3 մլրդ 200 մլն դոլար է նախատեսված այդ նախագծի համար, բայց այդտեղ ակնկալում է լուրջ ներդրող, որը դեռևս չի գտնվել:

«Ինչ վերաբերում է նավթաղտման նախագծին, ապա մենք մեր պատրաստակամությունը հայտնել ենք իրականացնելու համար, ուղղակի պետք է գտնել ներդրողներ, որպեսզի  կառուցենք նավթազտարանը և մենք էլ մեր հերթին ապահովենք այդ նավթը»,-ընդգծեց պարոն դեսպանը: 

Իրան-ԵՏՄ համագործակցություն

Դեսպանի խոսքերով՝  Եվրասիական տնտեսական միությունը մեծ շուկա է Իրանի համար:

«Եթե մենք կարողանանք ԵՏՄ-ի հետ համաձայնության գալ և արտոնյալ սակագների մասին համաձայնագիր ունենալ, ես կարող եմ ասել, որ դա շատ կարևոր ազդեցություն կունենա Իրանի և ԵՏՄ-ի միջև հարաբերություններում»:

Ասուլիսի վերջում դեսպանը նշեց նաև, որ այս տարիների ընթացքում պատժամիջոցները մեծ վնաս են պատճառել Իրանին և անհրաժեշտ է 10 տարի, որպեսզի Իրանը տնտեսապես ոտքի կանգնի և այդ գործընթացները ավարտվեն:

 Լիլիթ Առաքելյան, «Մեդիակենտրոն» ծրագրիհամակարգող-խմբագիր

 Հեղինակի հետ կապվելու համար գրեք [email protected]  հասցեին:

Տեսանյութ
Print Friendly and PDF
Այլ մամլո հաղորդագրություններ
«Տնտեսական կյանքը կարևոր է, մարդկանց կյանքերը՝ ավելի»
27.05.2020
15:30
Մայիսի 27-ին՝ ժամը 16:30-ին, Մեդիա կենտրոնը կազմակերպեց առցանց քննարկում «Տնտեսական կյանքը կարևոր է, մարդկանց կյանքերը՝ ավելի» թեմայով:
COVID-19. միայն, խնդրում եմ, առանց խուճապի
25.05.2020
15:00
Այսօր՝ մայիս 25-ին, Մեդիա կենտրոնը անցկացրեց առցանց հարցազրույց «Նորք» ինֆեկցիոն կլինիկական հիվանդանոցի վարակաբան, լյարդաբան Հասմիկ Ղազինյանի հետ:
«Զբոսաշրջությունը Հայաստանում COVID-19-ի պայմաններում»
21.05.2020
18:00
Մայիսի 21-ին, ժամը 18:00-ին, Մեդիա կենտրոնը կազմակերպեց առցանց քննարկում «Զբոսաշրջությունը Հայաստանում COVID-19-ի պայմաններում» թեմայով:

«Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից»
18.05.2020
14:00
Մայիսի 18-ին՝ ժամը 14:00-ին, «Մեդիա կենտրոն»-ը տեսակապի միջոցով կազմակերպեց քննարկում «Ո՞ր տարիքից և ինչպե՞ս երեխան կարող է պաշտպանվել սեռական ոտնձգություններից» թեմայով:
«Իմ տունն իմ ամրոցն է. որքանո՞վ ենք ապահով այդ ամրոցում»
15.05.2020
19:00
Մայիսի 15-ն Ընտանիքի օրն է:

Հանրային լրագրության ակումբը մայիսի 15-ին, ժամը 19:00-ին, հրավիրեց վեբինար «Իմ տունն իմ ամրոցն է. որքանո՞վ ենք ապահով այդ ամրոցում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ