Որո՞նք են Հայաստանում և Արևելյան գործընկերության երկրներում ամենասուր կոռուպցիոն երևույթները
22.07.2015
11:00
2015-ի հուլիսին Թրանսփարենսի ինթերնեշնլի հրապարակած զեկույցը՝ ԵՄ Արևելյան գործընկերության 5 երկրներում կոռուպցիոն վիճակի վերաբերյալ, ներկայացնում է մի քանի կարևորագույն խնդիր, որոնք առկա են բոլոր երկրներում:

Նման տարածաշրջանային ուսումնասիրություն առաջին անգամ է իրականացվում Թրանսփարենսի ինթեներշլի կողմից: Այն (բացառությամբ Բելառուսի) վերաբերում է Արևելյան գործընկերության 5 երկրների՝ Մոլդովային, Ուկրաինային, Վրաստանին, Հայաստանին ու Ադրբեջանին:

Այսօր «Մեդիա կենտրոնում» այս թեմայի շուրջ քննարկմանը մասնակցում էին «Թրանսփարենսի ինթերնեշնլ» հակակոռուպցիոն կենտրոնի գործադիր տնօրեն Վարուժան Հոկտանյանը ևՀայաստանի երիտասարդ իրավաբանների ասոցիացիայի վարչության անդամ Մարատ Ատովմյանը: 

«Կոռուպցիոն տեսնակյունից խնդիրները 5 երկրներում վերաբերում են գործադիր իշխանության նկատմամբ զսպման և հավասարակշռման անբավարար լինելուն,, քաղաքականացված և անարդյունավետ համակարգի առկայությունը և քաղաքացիական հասարակության նկատմամբ սահմանափակումներին: Քաղաքացիական հասարակության առումով հիմնական շեշտը դրված էր Ադրբեջանի վրա, քանի որ Հայաստանում և մյուս երկրներում իրավիճակը համեմատաբար ավելի լավ է»,- նշեց Հոկտանյանը` հավելելով, որ սա օրինավորության ազգային համակարգի ուսումնասիրություն է:

Նա նշեց, որ ըստ զեկույցի, որոշ առանձնահատկություններ կան յուրաքանչյուր երկրի համար:

 «Վրաստանի պարագայում նշվել է, որ խորհրդարանական վերահսկողության առումով այս երկրի օրենսդիր մարմինը թույլ է: Կոնկրետ` Վրաստանի խորհրդարանի պատգամավորների հարցերին Վրաստանի կառավարությունը, որպես կանոն, չի պատասխանել»,-ընդգծեց Հոկտանյանը:

 Քննարկման մասնակից Մարատ Ատովմյանն ասաց, որ 2014 թ-ին կոռուպցիայի չափման համաթվով 174 երկրների շարքում Հայաստանը զբաղեցրել է 94–րդ տեղը:

«Իսկ այս զեկույցում նշվում է, որ Հայաստանի համար հիմնական խնդիր է օլիգարխների առկայությունը, ստվերային տնտեսությունը, ինչպես նաև հովանավորչության հետ կապված խնդիրները,-ասաց Ատովմյանը,-Մասնավորապես, Հայաստանի բնակչության 82 տոկոսը հավատում է, որ հանրային հատվածում կոռուպցիան շատ լուրջ հիմնախնդիր է, և ընդամենը 21 տոկոսն է հավատում, որ կառավարությունը հակակոռուպցիոն լուրջ ջանքեր է գործադրում: Ինչպես նաև նշվում է, որ այդքան էլ հաշվետու և թափանցիկ  չէ ինչպես քաղաքական դաշտը, այնպես էլ բիզնես միջավայրը: Իսկ դատական իշխանության հետ կապված զեկույցում նշվում է, որ բնակչության 70 տոկոսը համարում է, որ այն անկախ չէ գործադիր իշխանությունից»,-նշեց Ատովմյանը:

Նա հավելեց, որ ըստ զեկույցի,  հարկային դաշտը բարենպաստ չէ քաղաքացիական հասարակության զարգացման համար: 

Անդրադառնալով Կառավարության կողմից այս տարի ստեղծված հակակոռուպվցիոն խորհրդին՝  նա նկատեց, որ դա այդքան էլ արդյունավետ միջոց չէ կոռուպցիայի դեմ պայքարում:

«Վաղուց ժամանակն է, որ Հայաստանում լուրջ և  անկախ հակակոռուպցիոն մարմին ստեղծվի: Եվ կոռուպցիայի դեմ պայքարը միայն կոռուպցիոն հանցագործությունների բացահայտումը չէ, այլ հակառուպցիոն դաստիարակությունը, կոռուպցիոն սխեմաների վերհանումն ու հետևողական աշխատանքը»,-հավելեց Ատովմյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ