Հայաստանից ավիաուղիների հեռանալը ունի տնտեսական և քաղաքական պատճառներ
09.07.2015
12:00
Միջազգային ավիաուղիների կողմից չվերթները դեպի Հայաստան դադարեցնելը ունի քաղաքական և տնտեսական դրդապատճառներ:

Այսօր «Մեդիա կենտրոնում» տեղի ունեցած քննարկմանը այս խնդրին անդրադարձան ՀՀ Կառավարությանն առընթեր քաղաքացիական ավիացիայի գլխավոր վարչության նախկին պետ Շահեն Պետրոսյանը և քաղաքագետ Արմեն Գրիգորյանը:

Վերջին շրջանում մի շարք ավիաուղիներ` «Լոթ», «Չեխական ավիաուղիներ», «Էթիհադ», հայտարարեցին դեպի Հայաստան իրենց չվերթները դադարեցնելու մասին:

Շահեն Պետրոսյանի կարծիքով խնդիրը նրանում է, որ  Հայաստանի ամբողջ ավիացիոն շուկան տրվել է Ռուսաստանին:

«Բաց երկնքի քաղաքականությունը, որն արդեն երկու տարի է, ինչ հայտարարվել է, բլեֆ է: Մեր օդային տարածքը միշտ բաց է եղել բոլոր ավիաընկերությունների համար: Երբ սկսվեց հայկական ավիաուղիների՝ «Արմավիայի» սնանկացման գործընթացը, դրանից հետո նոր ավիաընկերություն ստեղծվեց՝ «էյր Արմենիան» ու որոշվեց, որ երկինքը պետք է ազատականացնել՝ հաշվի չառնելով սեփական փոխադրողի շահերը: Եվ «էյր Արմենիան» անմիջապես սնանկացավ, քանի որ չդիմացավ այդ դեմպինգային քաղաքականությանը, որ տանում էին ռուսական ընկերությունները, ու  հիմա «Էյր Արմենիան» մեծ պարտքերի տակ է»,-ասում է Պետրոսյանը:

Նա նշում է, որ բաց երկնքի քաղաքականությանը անցելու համար երկար տարիներ է անհրաժշետ, որպեսզի  շուկան ազատականացվի:

«Այս ոլորտը օտարներին տրամադրելով անվտանգության խնդիր ենք ունենում: Եթե հանկարծ մենք էլ ընկնենք պատժամիջոցների տակ, ինչպես Ռուսաստանը, մենք այլևս չենք կարող թռչել, մեր սեփական ավիացիան չունենք»,-հավելում է Պետրոսյանը:

Արմեն Գրիգորյանը ասում է, որ խնդիրը շարունակում է մնալ քաղաքական  դաշտում:

«Բաց երկնքի քաղաքականությամբ փորձում էինք ոլորտը բարելավել, բայց արդյունքը բացասական ստացվեց: Բարելավում կարող էր լինել, եթե իջեցնեն հարկերը, Հայաստանը շարունակում է ունենալ ամենաբարձր հարկերից մեկը: Պետության կողմից սահմանված հարկերը ամենաբարձրն են Արևելյան Եվրոպայի երկրների հետ համեմատ»,-նշեց Գրիգորյանը:

Նա ներկայացրեց 2011-ին ԱՄՆ ՄԶԳ-ի կողմից իրականացրած հետազոտության արդյունքները, ըստ որի օդանավակայանի կողմից սահմանված հարկերը ուղևորների համար միջին չափի են, մինչդեռ պետության կողմից ուղևորների համար սահմանված հարկերը ամենաբարձրերի շարքում են:

«Օրինակ` երբ օդանավը իջնում է Զվարթնոց օդանավակայան, 2 ժամ կայանելու համար վճարում է 28 հազար 490 եվրո: Համեմատության համար նշեմ, որ Ռիգայում մոտ 15 960 եվրո է կայանման գումարը: Գնային տարբերությունը շատ մեծ է և դա էլ հիմնական պատճառն է, որ տոմսերը շատ թանկ են: Օրինակ՝ 10 հազար դրամ օդի հարկը Գյումրու օդանավակայանում հանել են, բայց այնտեղից ընդամենը թռիչքների 5 տոկոսն է, 95 տոկոսը կատարվում է Զվարթնոցից: Եթե իրականում ցակություն կա ոլորտը բարելավելու, ազատականացնելու, ապա նույն 10 հազար դրամի հարկը  կարող էին հանել»,-նշում է Գրիգորյանը:

Նա համեմատում է իրավիճակը Վրաստանի հետ և նշում, որ 2005-ից, երբ Վրաստանում հայտարարվեց «բաց երկնքի» քաղաքականություն, իրենց մոտ ուղևորների թիվը կրկնապատկվեց:

«Բացի այդ Վրաստանում այդ  էժան ավիաընկերությունների (low cost) մուտքը շատ մեծ փոփոխություններ բերեց և Վրաստանում հիմա շատացել են եվրոպացի տուրիստները: Եթե մենք կարողանանք այս ոլորտը բարելավել, հարկերը հանելով ու տոմսերի գները էժանացնելով  հնարավորություն տանք էժան ավիաընկերությունները մտնեն շուկա, ապա տուրիստների ու տուրիզմի զարգացման միջոցով կստանանք այդ եկամուտները»,-հավելեց Գրիգորյանը:

Անդրադառնալով ազգային ավիաուղիներ ստեղծելու խնդրին՝ բանախոսները նշեցին, որ սա քաղաքական կամքի հարց է:

«Մենք 90- ականներին շատ ավելի ծանր վիճակում էինք. պատերազմ, շրջափակում, բայց ստեղծեցինք մեր 3 ավիաուղիները և երեքն էլ աշխատում էին: Հիմա շատ ավելի բարենպաստ պայմաններում ենք, ու դա դժվար չէ նորից ստեղծելը, պարզապես քաղաքական կամքի հարց է»,-նշեց Պետրոսյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք Lilitarakelyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին
23.04.2018
12:00
Ապրիլի 23-ին Մեդիա կենտրոնում տեղի ունեցավ ասուլիս-քննարկում «Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին» թեմայով:
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ