Լրագրողների նկատմամբ բռնություններին պետք է հատուկ ուշադրություն դարձվի. իրավապաշտպաններ
06.07.2015
13:00
Լրագրողների նկատմամբ բռնություններին, ըստ իրավապաշտպանների, պետք է հատուկ ուշադրություն դարձվի:

Այսօր «Մեդիա կենտրոնում» տեղի ունեցած մամլո ասուլիսի ժամանակ փաստաբան Նիկոլայ Բաղդասարյանը և Հելսինկյան Քաղաքացիական Ասամբլեայի Վանաձորի գրասենյակի ղեկավար ԱրթուրՍաքունցը անդրադարձան հունիսի 23-ին էլեկտրաէներգիայի սակագնի թանկացման դեմ նստացույցի ժամանակ տեղի ունեցած իրադարձություններին:

Հիշեցնենք, որ շուրջ 15 օր քաղաքացիական հասարակությունը նստացույց իրականացրեց Բաղրամյան պողոտայում՝ պահանջելով իշխանություններից չեղյալ համարել էլեկտրաէներգիայի սակագինը 7 դրամով թանկացնելու որոշումը:

Հունիսի 23-ի վաղ առավոտյան՝ ժամը 05:30-ի սահմաններում Բաղրամյան պողոտայում Էլեկտրաէներգիայի սակագնի թանկացման դեմ պայքարող և նստացույց իրականացնող երիտասարդ ակտիվիստների նկատմամբ ոստիկանությունը կիրառել էր բռնի ուժ և ջրցան մեքենաներով ազատել Բաղրամյան պողոտան: Ոստիկանները բերման էին ենթարկել շուրջ 237 ակտիվիստի, նրանից շատերը ստացել էին մարմնական տարբեր աստիճանի վնասվածքներ: Մի քանի տասնյակ ցուցարարների տեղափոխել էին բուժհաստատություններ, մի քանիսն անգամ հայտնվել են վերակենդանացման բաժանմունքներում:

Բռնություններից անմասն չէին մնացել նաև դեպքի վայրում իրենց մասնագիտական գործունեությունն իրականացնող լրագրողներն ու օպերատորները: Լրագրողներից մի քանիսին բերման էին ենթարկել, վնասել էին նույնիսկ մի քանիսի տեսախցիկները:

Նշենք, նաև, որ հուլսի 3-ին Հատուկ քննչական ծառայությունում քրեական գործ է հարուցվել հունիսի 23-ին բռնություն գործադրելով զուգորդված պաշտոնեական լիազորություններն անցնելու, պաշտոնատար անձանց կողմից պաշտոնական դիրքն օգտագործելով` լրագրողի մասնագիտական օրինական գործունեությանը խոչընդոտելու, ուրիշի գույքը դիտավորությամբ ոչնչացնելու կամ վնասելու դեպքերի առթիվ:

«Մենք պետք է պահանջենք, որպեսզի մանրակրկիտ քննություն կատարվի այս փաստի առթիվ»,-ասում է Բաղդասարյանը:

Արթուր Սաքունցը նշում է, որ պետք է քրեական գործ հարուցվի ոչ միայն լրագրողների մասնագիտական գործունեությունը խոչընդոտելու հիմքով, այլև խաղաղ ցուցարարների նկատմամբ «լայնածավալ բռնությունների կիրառման հիմքով»:

Բարսեղյանը նշում է, որ լրագրողները չեն եղել ցույցի մասնակից, և ըստ Քրեական օրենսգրքի, հանցագործություն է համարվում միայն այն, որ խոչընդոտվել է լրագրողի օրինական գործունեությունը:

«Եվ այդ փաստի առկայությունը հաստատվում է մեր կողմից ներկայացված գրավոր ապացույցներով, վիդոնկարահանումներով, ձայնագրություններով և այդտեղ երևում է, որ ոստիկանները կատարում են գործողությունները, որոնք բնույթով համընկնում են Քրեական օրենսգքրի 164 հոդվածի երկրորդ մասին»,-ասում է Բաղդասարյանը:

Նա նշում է, որ բացի Քրեական օրսնգրքի 164-րդ հոդվածից, առկա են այլ հանցակազմեր:

«Մասնավորապես խոսքը գնում է ապօրինի մարդկանց ազատությունից զրկելուն, որովհետև Գալա հեռուստաընկերության լրագրող Փայլակ ֆահրադյանի՝ ինձ ներկայացրած դիմումում նշվում է, որ իրեն 40 րոպե պահել են ոստիկանական բաժնում՝ առանց որևէ  իրավական հիմքի: Եվ կա նաև հանցակազմ պաշտոնական դիրքի չարաշահման վերաբերյալ»,-ասում է Բաղդասարյանը:

Սաքունցը ընդգծում է, որ լրագրողների նկատմամբ բռնություններին պետք է առանձին ուշադրություն դաձվի, որովհետև նրանց առաքելությունը շատ կարևոր է:

«Այստեղ ոչ միայն տեղի է ունեցել մասնագիտական գործունեության խոչընդտում, այլև լրագրողի արտադրանքն է ոչնչացվել: Ոստիկանների կողմից հանցագործության հետքերն են ոչնչացվել, որովհետև լրագրողներն իրենց մասնագիտական գործունեության ընթացքում արձանագրել են խախտումներ և ոստիկանների կողմից տեխնիկայի ու չիպերի ոչնչացումը այդ նպատակն է ունեցել,  իրենց ոչ իրավաչափ գործողությունները քաղաքացիների նկատմամբ կոծկելու»,-ասում է Սաքունցը:

Ասուլիսի վերջում բանախոսները նշեցին, որ արդյունավետ պայքար կլինի, եթե լրագրողներն ու իրավաբանները միավորվեն ու նախաձեռնություն ստեղծեն այս գործընթացը համակարգելու և հետևողական աշխատանք տանելու համար:

«Երբ  չկա հակակշիռ, միշտ հայտնվում են մարդիկ, որոնք գլուխներ են ջարդում ու չեն պատժվում: Սա հետևանք է պատճառի: Այսօր եթե թողնենք ինքնահոսի, եթե ոչ մի լրագրող չպայքարի, հաջորդ անգամ նույնը կրկնվելու է ավելի մեծաթիվ անձանց նկատմամբ ու ավելի դաժան: Իսկ եթե այս գործով լրագրողների միավորում լինի, հաստատ որոշ մարդիկ պատասխանատվություն կկրեն»,-հավելեց Բաղդասարյանը:

Լիլիթ Առաքելյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելո ւհամար գրեք Lilitarakelyan@pjc.am  հասցեին:

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ