Քննարկում. ինչպե՞ս հանգուցալուծել Երևանում լարված իրավիճակը
26.06.2015
12:00
Էլեկտրաէներգիայի սակագների թանկացման դեմ Երևանի կենտրոնում բողոքի ակցիա իրականացնող քաղաքացիները պետք է գնան իշխանության հետ բանակցությունների: Խնդիրը պետք է լուծել խոսելով: Այդ մասին հայտարարեց ԱԺ պետաիրավական հարցերի մշտական հանձնաժողովի նախագահ, իշխող Հայաստանի հանրապետական կուսակցության խմբակցության պատգամավոր Հովհաննես Սահակյանը:

Ըստ պատգամավորի՝ անգամ, եթե ակտիվիստները չգնան բանակցությունների և շարունակեն խաղաղ ակցիաները օրենքի սահմաններում, ապա նրանց նկատմամբ ուժ չի կիրառվի: «Ուժ չի կիրառվի: Սակայն հավաքների մասին օրենսդրությունը նաև հստակ արձանագրում է, որտեղ անցկացնել ակցիաներ և ինչպես: Ինչպես նաև օրենքում նշված է ոստիկանության գործողությունների մասին: Ոստիկանության խնդիրն է ապահովել հասարակական կարգը, և որ ամենակարևորն է՝ հավաքված երիտասարդների անվտանգությունը: Հանրահավաքը այլևս ինքնաբուխ չէ և կարող են լինել սադրիչներ: Պետք է զգոն լինել», - նշեց նա՝ հավելելով, որ այս պահին չի կարող ասել, թե քաղաքական իշխանությունը ինչպիսի որոշում կկայացնի մայրաքաղաքում ստեղծված իրավիճակի վերաբերյալ:  

Երևանում արդեն 10 օր է՝ շարունակվում են էլեկտրաէներգիայի սակագների բարձրացման դեմ ուղղված բողոքի ակցիաները: Մինչ այդ` հունիսի 23-ին, ոստիկանությունն, ուժ կիրառելով, ցրեց Բաղրամյան պողոտայի վրա անցկացվող խաղաղ ցույցը: Սակայն նույն օրը երեկոյան բազմամարդ բողոքի ակցիաները վերսկսվեցին:

Հանրային ծառայությունները կարգավորող հանձնաժողովի հունիսի 17-ին որոշումով թույլրատրվեց էլեկտրաէներգիայի սակագների բարձրացումը 17 տոկոսով: Մասնավորապես, նախատեսվում է օգոստոսի մեկից նոր սակագներ սահմանել, որոնք կբարձրանան 6.93 դրամով՝ ցերեկային ժամերին մեկ կիլովատ ժամի համար մինչև 48.78 դրամ, իսկ գիշերային ժամերին՝ մինչև 38.78 դրամ: Սակագների բարձրացումը պայամանվորվում է «Հայաստանի էլեկտրական ցանցեր» (ՀԷՑ) ընկերության բարդ ֆինանսական վիճակով, որի պարտքը կազմում է 250 մլն դոլար:

Կառավարությունը նշում է, որ սակագների բարձրացումն արդարացված է, քանի որ հակառակ պարագայում էներգահամակարգում կարող են ծագել լուրջ խնդիրներ: Գործադիրը սոցիալապես անապահով ընտանիքներին սակագների բարձրացման բեռը մեղմելու համար կտրամադրի մոտ 2000 դրամի չափով աջակցություն:

«Մեդիա կենտրոնում» հունիսի 26-ին Հովհանես Սահակյանի և Ազգային ժողովի «Ժառանգություն» խմբակցության պատգամավոր Թևան Պողոսյանի մասնակցությամբ տեղի ունեցավ «Քաղաքական գործիչների գնահատականը Էլեկտրաէներգիայի սակագնի թանկացման դեմ պայքարի վերաբերյալ» թեմայով քննարկում: 

Թևան Պողոսյանն այն կարծիքին է, որ ստեղծված իրավիճակում միայն նախագահը կարող է քաղաքական «կարևոր որոշում» կայացնել և լուծել խնդրին: «Սակագների բարձրացման դեմ բողոքող քաղաքացիներին առաջարկվում է բանակցել: Սակայն այստեղ հարց է առաջանում, ինչի՞ շուրջ: Չէ, որ նրանք հստակ ներկայացրել են պահանջը, այն է՝ չեղարկել Հանրային ծառայությունների կարգավորող հանձնաժողովի սակագների բարձրացման որոշումը: Այդ խնդրին լուծում է պետք տալ: Եվ այդ որոշումը կարող է կայացնել Սերժ Սարգսյանը, քանի որ պահանջը ներկայացվել է իրեն», - ասաց պատգամավորը:

Կառավարության որոշումը՝ սուբսիդավորել անապահով ընտանիքներին, ըստ Պողոսյանի, հարցի կիսատ լուծում է, ինչի պատճառով այն չընդունեցին ցուցարարները: «Սա ոչ ներկայացված պահանջների, ոչ է Էլեկտրական ցանցերում առաջացած համկարգային խնդիրների լուծում է», - հավելեց Պողոսյանը:

«Ինձ համար անհասկանալի է, որ երբ երիտասարդությունը պահանջ է ներկայացնում երկրի նախագահին, սակայն հետո ստանալով նախագահի հրավերը բանակցել՝ չի գնում այդ քայլին», - հակադարձեց Սահակյանը՝ հավելելով, որ երբ որևէ սուր խնդիր վեր է բարձրաձայնում, այնուհետև սկսվում են բանակցություններ՝ խնդրի լուծումը գտնելու համար: «Միգուցե հարցադրման պատասխանն իրենց գոհացնի, կամ ոչ, սա այլ հարց է, բայց միմյանց լսել պետք է», - ասաց նա:

Թևան Պողոսյանի կարծիքով, եթե երիտասարդները, ինչ-ինչ հանգամանքներից ելնելով չեն ցանկանում գնալ բանակցությունների, միգուցե նախագահը ինքը գա և Բաղրամյան պողոտայում հանդիպի ցուցարարների հետ: «Կարող են նաև գալ կարգավորող հանձնաժողովի անդամները և տեղում աշխատել մարդկանց հետ: Երբ ասում ենք բանակցություններ, ապա պետք է դրա մեջ գին և արժեք դնել», - պարզաբանեց պատգամավորը:

Քննարկման ավարտին բանախոսները կարևորեցին ապագայում սադրանքներից զերծ մնալու և իրավիճակը չսրելու հանգամանքը՝ առաջարկելով իրավիճակի հանգուցալուծման սեփական տարբերակները: Դրանք են՝ դատական կարգով վիճարկել Հանրային ծառայությունները կարգավորող հանձնաժողովի որոշումը, ինչն արդեն անհնար է, քանի որ դա պետք է արվեր որոշման կայցումից հետո 10-օրյա ժամկետում, գտնել անհրաժեշտ ֆինանսական միջոցներ՝ մարդկանց ուսերին չդնելու համար սակագների թանկացման բեռը, ինչպես նաև ՀԷՑ-ում անցկացնել աուդիտ, վեր հանել էներգահամակարգի հիմնական խնդիրները և լուծել դրանք:    

ԱրշալույսՄղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ