Հայաստանը պատրաստվում է ատոմակայանի աշխատանքների ժամանակավոր դադարեցմանը
18.06.2015
12:30
Հայաստանում ՄԱԳԱՏԷ-ի մասնագետների առաջարկությունների հիման վրա պատրաստվելու է միջուկային էներգետիկայի մասին նոր օրենք: Թեև գործող օրենքում շատ լրամշակումներ են կատարվել, սակայն օրենսդրական բազան թարմացման կարիք ունի: Նոր օրենքը մշակվելու է հաջորդ տարի, որում հաշվի են առնվելու Ֆուկուշիմայի վթարի դասերը, միջուկային նյութերի և ֆիզիկական պաշտպանության միջոցները:

Նույն ժամանակահատվածում Մեծամորի ատոմակայանում անցկացվելու են հետազոտական աշխատանքներ վերջինիս շահագործման ժամկետը տաս տարով երկարաձգելու համար: Այդ մասին հունիսի 18-ին «Մեդիա կենտրոնում» կայացած «Մեծամորի ատոմակայանի շահագործման ժամկետի երկարաձգման խնդիրը. դրդապատճառներ և հնարավոր ռիսկեր» թեմայով ասուլիսի ժամանակ հայտարարեց Միջուկային անվտանգության կարգավորման պետական կոմիտեի նախագահ Աշոտ Մարտիրոսյանը:

Հայկական ատոմակայանը միակն է տարածաշրջանում, և այն գտնվում է Մեծամոր քաղաքի մոտակայքում՝ Երևանից մոտ 30 կմ դեպի հարավ: Այն շահագործման է հանձնվել 1980թ.-ին և դադարցվել է 1989թ.-ին՝ Սպիտակի 1988թ.-ի երկրաշարժի պատճառով: Այնուհետև վերագործարկվել է 1995թ.-ի նոյեմբերին՝ հանրապետությունում առկա էներգետիկ ճգնաժամի պատճառով: Ատոմակայանի երկու կայանները զինված են ռուսական ВВЭР-440 ռեակտորներով:

Գործող ատոմակայանը 440 մվտ հզորությամբ, ըստ մասնագետների, բարոյապես սպառված է, սակայն շատ կարևոր նշանակություն ունի Հայաստանի էներգահամակարգի հավասարակշռության և անվտանգության համար: Այն ապահովում է հանրապետությունում սպառվող էլեկտրաէներգիայի 40 տոկոսը: Հայաստանի Ազգային ժողովը վերջերս հաստատեց Ռուսաստանի հետ կնքված վարկային պայմանագիրը, համաձայն որի Մոսկվան տրամադրում է հայկական կողմին 270 մլն դոլար վարկ և 30 մլն դոլար դրամաշնորհ՝ ատոմակայանում արդիականացման աշխատանքներ իրականացնելու և վերջինիս շահագործման ժամկետը երկարաձգելու համար: Պայմանագիրը Հայաստանի և Ռուսաստանի կառավարությունների մակարդակում կնքվել է 2014 թ-ի դեկտեմբերին:

Աշոտ Մարտիրոսյանը ռիսկեր չի տեսնում Մեծամորի ատոմակայանի «կյանքը» երկարաձգելու հետ կապված: «Հանարավոր է լինեն ժամկետների որոշակի ճշգրտումներ՝ կապված ֆինանսավորման խնդիրների հետ: Բոլոր նախապատրաստական աշխատանքներն ընթանում են նախատեսված գրաֆիկով», - նշեց Մարտիրոսյանը՝ հավելելով, որ արդիականացմամբ պայմանավորված ատոմակայանի գործունեության ժամանակավոր դադարեցման պարագայում հանրապետությունը խնդիրներ չի ունենա էլեկտրամատակարարման հետ:

«Կարող եմ ասել, որ էներգետիկայի և բնական պաշարների նախարարությունը հաշվարկել է ատոմակայանի ժամանակավոր դադարեցման ժամկետները: Այդ ընթացքում պետք է կատարվեն ուսումնասրություններ, ինչպես նաև երկրորդ փուլի աշխատանքները՝ ուղղված կայանի անվտանգության մակարդակի բարձրացմանը և սարքավորումների փոփոխմանը», - հայտարարեց նա: Միջազգային փորձը ցույց է տալիս, նշում է բանախոսը, որ այդ շախատանքները տևում են մոտ վեց ամիս: «Բնականաբար այդ ընթացքում նախատեսված է օգտագործել էլեկտրաէներգիայի այլ աղբյուրներ», - հավելեց նա:  

Բանախոսն անդրադարձավ նաև հնարավոր ռիսկերին և վտանգներին, բայց չցանկացավ հստակ նշել դրանք, քանի դեռ չեն ավարտվել հետազոտությունները: «Միայն հետազոտությունների արդյունքում կարող ենք խոսել այն մասին, թե արդյոք ատոմակայանի շահագործման ժամկետը կարելի է երկարաձգել», - ասաց Միջուկային անվտանգության կարգավորման պետական կոմիտեի նախագահը:  

Այնուամենայնիվ նա բացեց փակագծերը՝ հավելելով, որ ռիսկերից մեկը կարող է լինել ռեակտորի մետաղի վիճակը: «Սա ուղղակի որպես օրինակ եմ նշում, քանի որ մինչ այս իրականացվել են պլանային վերանորոգման աշխատանքներ, և հուսով ենք, որ հետազոտությունների արդյունքում էլ որևէ լուրջ խնդիր չի առաջանա: Ատոմակայանի ռեակտորը չորս տարին մեկ վերանորոգվում է, և դեռ ռիսկեր չեն հայտնաբերվել», - նշեց նա:

Ամփոփելով ասուլիսը՝ բանախոսը հավելեց, որ պլանավորված հետազոտություններից և արդիականացման աշխատանքներից հետո Հայկական ատոմակայանը ևս տաս տարի շահագործման լիցնեզիա կստանա: 

Արշալույս Մղդեսյան, «Մեդիա կենտրոն» ծրագրի համակարգող-խմբագիր:

Հեղինակի հետ կապվելու համար գրեք arshaluismghdesyan@pjc.am  հասցեին:

 

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ