ԵՄ-ն դեռեւս Հայաստանի թիվ մեկ առեւտրային գործընկերն է. Տրայան Հրիսթեա
16.12.2014
12:00
Եվրոպական Միությունը, ըստ վիճակագրական տվլալների, Հայաստանի համար թիվ մեկ առևտրատնտեսական գործընկերն է և երկրում ամենախոշոր ներդրողը:
ԵՄ-ն շարունակելու է համագործակցությունը Երևանի հետ, սակայն համագործակցության ֆորմատը պարզ կդառնա առաջիկա համատեղ քննարկումների արդյունքում:

Այդ մասին  հայտարարեց Հայաստանում Եվրամիության պատվիրակության ղեկավար, դեսպան Տրայան Հրիսթեան,  Հանրային լրագրության ակումբի «Մեդիա կենտրոնի» և Պատերազմի և խաղաղության լուսաբանման ինստիտուտի հայաստանյան գրասենյակի նախաձեռնությամբ դեկտեմբերի 16-ին կայացած մամլո ասուլիսին, որը նվիրված էր ԵՄ-Հայաստան հարաբերություններին ու զարգացումներին

Հղում կատարելով վիճակագրական տվյալներին՝ Հրիսթեան վկայեց, որ Հայաստանի ընդհանուր առևտրաշրջանառության 27% բաժին է ընկնում ԵՄ:

ԵՄ-ն առաջին հորիզոնականն է զբաղեցնում նաև ներդրումների ծավալով:

Ըստ նույն վիճակագրական տվյալների՝ Հայաստանում ներդրումների 52% իրականցվել է Եվրամիության կողմից:

Դեսպանն ընդգծեց, որ ԵՄ-ն Հայաստանի արտաքին աջակցության խոշորագույն դոնորն է՝ ոչ միայն խոստացված, այլ փաստացի տրամադրված գումարներով՝ հավելելով, որ Եվրոպական միությունը շարունակելու է աջակցել Հայաստանի ժողովրդավարացմանը: 

«Մենք պայմանավորվել ենք, որ հայ գործընկերների դիմումի հիման վրա շարունակելու ենք աջակցություն ցուցաբերել Հայաստանին ժողովրդավարացման գործընթացում: Պատրաստակամ ենք շարունակել համագործակցությունն առևտրի ոլորտում, ինչպես նաև մյուս բնագավառներում`մասնավորապես մարդու իրավունքների պաշտպանության, ՓՄՁ ոլորտի, գյուղական համայնքների, ՀՀ մարզերի հավասարաչափ զարգացման, քաղաքացիական հասարակության կազմակերպությունների աջակցության ու մի շարք այլ ողղություններով»,- տեղեկացրեց Տրայան Հրիսթեան:

Հարցին, թե հնարավոր է սահմանափակվեն Հայաստան-ԵՄ հարաբերությունները առևտրի ոլորտում, քանի որ Հայաստանի մուտքը Եվրասիական տնտեսական միություն (ԵՏՄ) նշանակում է որոշակի լիազորությունների փոխանցում վերազգային կառույցին՝ Եվրասիական հանձնաժողովին, դեսպանը նշեց, որ համագործակցությունը հնարավոր է:

«Թեև Եվրասիական միությունում գործելու է հանձնաժողով և առևտրատնտեսական հարցերում անդամ պետությունները որոշակի լիզաորություններ փոխանցելու են այդ կառույցին, այնուամենայնիվ, համագործակցությունը այդ ոլորտում Հայաստանի և ԵՄ-ի միջև հնարավոր է: Բանն այն է, որ անդամ պետությունները ոչ բոլոր լիազորություններն են փոխանցելու Եվրասիական հանձնաժողովին: Այս հարցը մենք քննարկել ենք հայ գործընկերների հետ վերջին շաբաթվա բրյուսելյան հանդիպումների համատեքստում: Առաջիկա քննարկումների ժամանակ պարզ կդառնա, թե որ լիազորությունները Հայաստանը կփոխանցի այդ կառույցի, իսկ որը՝ ոչ: Հենց այդ չփոխանցած լիազորությունների շրջանակներում էլ հնարավոր է իրականցվի մեր համագործակցությունը: Սա որևէ կերպ չի հակասելու Հայաստանի կողմից ստանձնած պարտավորություններին», - մանրամասնեց ԵՄ դեսպանը: 

ԵՄ քաջալերում է նաև Հայաստանին շարունակել մասնակցել Արևելյան գործընկերության ձևաչափին: «2013 թ. Արևելյան գորընկերության Վիլնյուսի գագաթնաժողովից հետո (երբ Հայաստանը չնախաստորագրեց, իսկ Ուկրաինան հրաժարվեց ստորագրել ԵՄ-ի հետ Ասոցիացիայի պայմանագիրը – խմբ.) ոմանք հրաժեշտի երգ էին ձոնում ծրագրին, սակայն իրականում այն շատ ավելի կենսունակ է, շարունակում է գործել և աշխատել գործընկեր երկրների հետ «ավելին ավելիի դիմաց» սկզբունքի շրջանակներում: Դա ամենևին էլ վերջը չէր, այլ նոր սկիզբ էր: Եվրոպական միությունը պատրաստ է աշխատել Հայաստանի հետ հարաբերությունների նոր իրավական բազայի ձևավորման ուղղությամբ՝ լիովին հաշվի առնելով 2013 թ. սեպտեմբերի 3-ի որոշմամբ վերցված հանձնառությունները»,- նշեց Հրիսթեան:

Նա տեղեկացրեց, որ Հայաստան-ԵՄ հարաբերությունների նոր իրավական բազայի ձևավորման մասին քննարկումները Երևանի հետ սկսվեցին անցած շաբաթ Բրյուսելում հայ գործընկերների հետ հանդիպման ժամանակ:

«Մենք քաջալերելու ենք Հայաստանին շարունակել մասնակցել Արևելյան գործընկերության ձևաչափին ու բոլոր միջոցառումներին»,- հայտարատեց դիվանագետը, հավելելով, որ ապագայում ավելի պարզ կդառնա, թե ինչ պետք է սպասել 2015 թ. մայիսին կայանալիք Արևելյան գորընկերության Ռիգայի գագաթաժողովից:

«Հիմա մենք բանակցում ենք մեր հայ գործընկերների հետ` սահմանելու համագործակցության շրջանակը: Այս պահի դրությամբ հաստատ է, որ ԵՄ-ն պատրաստակամ է աշխատելու Հայաստանի հետ: Հուսով եմ, որ լայն և հիմնավոր համաձայնություն կկայանա երկողմ համագործակցության ուղղությունների վերաբերյալ», - հույս հայտնեց նա:

ԵՄ դեսպանը նաև նշեց, որ 3,5 տարի ԵՄ-ի հետ Ասսացիացիայի համաձայնագրի շուրջ բանակցելուց հետո Հայաստանի ԵՏՄ-ին անդամակցելու սեպտեմբերի 3-ի որոշումը անակնկալ էր և այն արտացոլվեց նաև վստահության մակարդակի վրա:

«Դա անակնկալ էր որոշակի շահգրգիռ կողմերի համար և այն արտացլվեց վստահության մակարդակի մեջ: Բայց Եվրոպական միությանը բնորոշող հատկանիշներից մեկն այն է, որ նա միշտ հարգում է իր գործընկերների որոշումները: Այս տեսանկյունից եվրոպական կառույցները և անդամ պետությունները ամբողջությամբ հաշվի են առնում այդ որոշումը: Մենք այս ուղղությամբ առաջ ենք շարժվում, որպեսզի ապագայի համաձայնագրում ապահովենք որոշակի շարունակականություն: Հենց դա էլ մենք համաձայնեցրել էինք Վիլնյուսում: Այժմ աշխատում ենք ոչ թե ինչ անելու, այլ ինչպես անելու ուղղությամբ», - եզրափակեց նա:   

Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ