Անձնական տվյալները կունենան պաշտպանվածության ավելի բարձր աստիճան
13.11.2014
12:30
«Անձնական տվյալների պաշտպանության մասին» ՀՀ օրենքի նոր նախագիծը կապահովի քաղաքացիների տվյալների պաշտպանության ավելի բարձր աստիճան:
ՆմանկարծիքհայտնեցՀՀ ԱՆ օրենսդրության վերլուծության և կատարելագործման վարչության Իրավական ակտերի մշակման բաժնի պետ Լիանա Ղալթաղչյանն այսօր «Մեդիա կենտրոնում» կազմակերպված քննարկման ժամանակ:

«Օրենքի նախագիծը չի կարգավորում օպերատիվ հեռախուզական գործունեությունը, դատավարությունների ընթացքում մշակվող անձնական տվյալները, պետական և ծառայողական գաղտնիք համարվող անձնական տվյալներ... և մի շարք իրավահարաբերություններ կարգավորվում են այնքանով, որքանով դրանց առանձնահատկությունները նախատեսված չեն այլ օրենքներով»,- քննարկման ժամանակ ասաց ՀՀ ԱՆ օրենսդրության վերլուծության և կատարելագործման վարչության Իրավական ակտերի մշակման բաժնի պետ Լիանա Ղալթաղչյանը:

Քաղաքացիների անձնական տվյալների պաշտպանությունն առավել արդյունավետ դարձնելու նպատակով՝ օրենքի նախագծով առաջարկվում է ստեղծել լիազոր մարմին: Այն իրավասություն կունենա վարչական դատավարության կարգով բողոքարկել այն պետական մարմինների որոշումներ, որոնք խախտում են անձնական տվյալների օրինականությունը:

Իրավունքների պաշտպանություն առանց սահմանների ՀԿ-ի նախագահ Հայկուհի Հարությունյանի դիտարկմամբ՝ «Անձնական տվյալների պաշտպանության մասին» ՀՀ օրենքի նախագիծը միասնական համակարգի տեսլական չունի՝ ի տարբերություն եվրոպական շատ երկրների, որոնք անձի վերաբերյալ տվյալներն ամբողջությամբ հավաքում են մեկ կենտրոնում և անհրաժեշտության դեպքում պետական մարմիններն օգտվում են այդ կենտրոնից:

Ըստ բանախոսի՝ միասնական համակարգի կարևորությունն  այն է, որ անձը կկարողանա ավելի պատշաճ ու համակարգված վերահսկողություն իրականացնել, թե որ պետական մարմինն իր մասին ինչ տվյալ է մշակել կամ մշակում:

Ասուլիսի ամբողջական տեսագրությունը դիտեք այստեղ:

Տեղեկատվական անվտանգության հարցերի փորձագետ Սամվել Մարտիրոսյանի կարծիքով՝ լիազոր մարմին ստեղծելու գաղափարը շատ լավ է, բայց եթե գործը միայն պետության վրա լինի, ապա կոռուպցիոն ռիսկերը բարձր են լինելու:

Օրենքի նախագծով նախատեսվում է տուգանք օրենքի կանոները խախտողների համար: Փորձագետ Անդրանիկ Մարկոսյանի կարծիքով՝ եվրոպական մի շարք երկրներում տարբերակում է դրվում, թե օրենքով արգելված արարքը չարամտորեն է կատարվել, թե ոչ, սակայն մեզ մոտ նման մոտեցում ամրագրված չէ: Լիանա Ղալթաղչյանի փոխանցմամբ նման տարբերակում դնելը ճիշտ չէր լինի:

Ինֆորմացիայի ազատության կենտրոնի իրավաբան Գևորգ Հայրապետյանը ևս մի քանի դիտարկումներ ուներ օրենքի նախագծի հետ կապված: Արդարադատության նախարարության ներկայացուցիչը հորդորեց առաջարկներ ուղարկել նախարարություն, դրանք կքննարկվեն և անհրաժեշտության դեպքում համապատասխան փոփոխություններ կարվեն նախագծում:

Տեսանյութ
Print Friendly and PDF
Այլ մամլո հաղորդագրություններ
Վատ խաղաղությու՞ն, թե՞ լավ պատերազմ
24.09.2020
12:00
Սեպտեմբերի 24-ին, ժամը 12:00-ին, Մեդիա կենտրոնի սրահում տեղի ունեցավ հանդիպում-զրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ: Թեման՝ «Վատ խաղաղությու՞ն, թե՞ լավ պատերազմ»:
Մանկատանը երեխաներին ծեծում են, նվաստացնում. ինչու՞ է դա հնարավոր
24.09.2020
11:00
Սեպտեմբերի 24-ին, ժամը 11:00-ին, Մեդիա կենտրոնում տեղի ունեցավ քննարկում «Մանկատանը երեխաներին ծեծում են, նվաստացնում. ինչու՞ է դա հնարավոր» թեմայով:
Կրթություն հանուն փոփոխությունների - լրագրողական մրցույթ
22.09.2020
17:00
Վերջնաժամկետը՝ սեպտեմբերի 30․ 2020 թ․
Մրցանակային ֆոնդը՝ 1500 եվրո


«Անկախություն. ձեռք բերելը բարդ էր, պահպանելն՝ ավելի»
21.09.2020
14:00
Սեպտեմբերի 21-ին, ժամը 14:00-ին, Մեդիա կենտրոնը Վանաձոր քաղաքի «Կիրովական» հյուրանոցում կազմակերպեց հանրային քննարկում «Անկախություն. ձեռք բերելը բարդ էր, պահպանելն՝ ավելի» թեմայով:

«Մեր սոցիալական իմունիտետը» ֆիլմի դիտում-քննարկում Գյումրիում
18.09.2020
14:00
Սեպտեմբերի 18-ին՝ ժամը 14:00-ին, «Մեդիա կենտրոն»-ը Շիրակի թեմի Սոցիալ-կրթական կենտրոնում կազմակերպեց «Մեր սոցիալական իմունիտետը» վերտառությամբ ֆիլմի դիտում-քննարկում։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...