Պետական գնումների ոլորտը ոչ թափանցիկ
04.11.2014
12:00
«Հայաստանի անդամակցությունը ԵՏՄ-ին՝ պետական գնումների առումով, լրջագույն խնդիրներ կառաջացնի: Մեր օրենսդրությունը օրենսդրական կատարելության առումով ավելի բարձր է, քան այն երկրներինը, որոնց հետ մենք պատրաստվում ենք համագործակցել»: Գնահատելով պետական գնումների համակարգը՝ ասաց «Թրանսփարենսի ինթերնեշընլ» հասարակական կազմակերպության փորձագետ Արտակ Մանուկյանը «Մեդիա կենտրոնում» հրավիրված ասուլիսի ընթացքում:

Փորձագետը ներկայացրեց նաև 2011- 2014 թվականների ընթացքում կատարված ուսումնասիրությունների արդյունքները, ըստ որի 2011-12 թվականներին թափանցիկության առումով կային խնդիրներ, 13 թվականին որոշ չափով վիճակը բարելավվել էր, իսկ 2014-ին արդեն հետընթաց է գրանցվել թե՛ հրապարակայնության և թափանցիկության և, թե՛ իրական մրցակցություն ապահովելու առումով:

2011 թվականից գործող «Գնումների մասին» օրենքով պետական մարմինները պարտավոր էին տեղեկատվություն հրապարակել գնումների պաշտոնական կայքում, տեղեկատվություն տեղադրել բողոքարկման վերաբերյալ հայտարարգրերի և լսումների անցկացման վերաբերյալ: Նույն պահանջն է ամրագրված նաև ԱՀԿ պետական գնումների մասին համաձայնագրում, որին Հայաստանը միացել է 2011-ին: Սակայն այդ պահանջները ոչ միայն լիարժեք չեն կատարվում, այլև դրանք իսպառ անտեսելու միտում է նկատվում:

Հայաստանում բավականին ռիսկային և տարածված է մեկ անձից գնումներ կատարելու ավանդույթը:

Արտակ Մանուկյանի փոխանցմամբ կատարված ուսումնասիրությունների արդյունքում պարզել են, որ եթե 2011-13 թթ-ը մեկ անձից գնումներ կատարելու ցուցանիշը միջինը 65 տոկոս էր, ապա 2014 թվականի առաջին վեց ամիսներին այդ ցուցանիշը հասել է 55 տոկոսի, «այդպիսի շուրջ 10 հազար պայմանագիր է կնքվել: Այս առումով շատ են չարաշահումները հատկապես մարզպետարաններում:»

2011 թվականին անդամակցելով ԱՀԿ-ի պետական գնումների համաձայնագրին, Հայաստանը նաև պարտավորություն է ստանձնել ոչ խտրական մեթոդով գնումներ կատարելու, այսինքն նախապատվություն չտալ ոչ տեղական և ոչ էլ դրսի արտադրողներին: Մինչդեռ, ըստ Արտակ Մանուկյանի, Ռուսաստանի օրենսդրությամբ գնային առաջարկների 15 տոկոսի չափով նախապատվությունը տրվում է հայրենական արտադրողներին: Հայաստանը ԱՊՀ անդամ երկրներում միակն է, որ միացել է ԱՀԿ համաձայնագրին և գնումների մասին օրենսդրությունը համապատասխանեցրել համաձայնագրի պահանջներին: «Փաստորեն իրավաբանական կազուս է առաջանում: Մի կողմից անդամակցել ենք ԱՀԿ համաձայնագրին և ստանձնել այլ պարտավորություններ, մյուս կողմից ստորագրել և պատրաստվում ենք անդամակցել Եվրասիական տնտեսական միությանը, որի անդամ երկրներում օրենսդրական այլ պահանջներ են գործում: Առայժմ հայտնի չէ, թե ինչպես է կառավարությունը լուծելու այս հակասությունը»,- ասաց Արտակ Մանուկյանը հավելելով, որ մաքսային գոտուն անդամակցությունը լրջագույն խնդիրներ կառաջացնի գնումների բնագավառում:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ