«Ասուլիսը ճիչ է, թե ինչ է կատարվում Հայաստանի դատական համակարգում»
21.10.2014
12:00
«Հիմնավորվել է, որ Հարություն Սարգսյանը Կարեն Եսայանի սպանության հետ կապ ունենալ չէր կարող: Գոյություն չունի որևէ այլ հիմնավոր ապացույց:» Մեդիա կենտրոնի սրահում այսօր հրավիրված ասուլիսի ընթացքում ասաց Հարություն Սարգսյանի շահերի պաշտպան Լուսինե Սահակյանը: Ասուլիսին մասնակցում էր նաև «Հայաստանի Հելսինկյան կոմիտեի» ղեկավար իրավապաշտպան Ավետիք Իշխանյանը:

 Երկու տարի առաջ Գյումրիի նախկին քաղաքապետ Վարդան Ղուկասյանի դստեր փեսացու՝ Կարեն Եսայանի սպանության համար ամբաստանվող Հարություն Սարգսյանի շահերի պաշտպանը նախ ներկայացրեց քրեական այս գործի յուրահատկությունները, մասնավորապես թե օրենքի և իրավունքի ինչպիսի խախտումներով է նախաքննության մարմինը իր պաշտպանյալի դեմ ապացույցներ հավաքել, թե ինչպես մարդկանց ահաբեկելով, խոշտանգելով պարտադրել է ցուցմունք տալ:

Ըստ մեղադրանքի՝ Հարություն Սարգսյանը Կարեն Եսայանին սպանել է խանդի հողի վրա, մինչդեռ Լուսինե Սահակյանը պնդում է, որ Վարդան Ղուկասյանի դուստրն ու Հարություն Սարգսյանն ընդհանրապես իրար չեն էլ ճանաչել: Առաջին ատյանի դատարանը 15 տարվա ազատազրկման է ադատապարտել Սարգսյանին: Վերաքննիչ դատարանը չի բավարարել բողոքը և թողել անփոփոխ առաջին ատյանի դատարանի կայացրած վճիռը:

Փաստաբանի կարծիքով «ինչ որ անձիք ակնհայտ շահագրգռվածություն են ունեցել կոծկելու իրական մեղավորին: Ոստիկանությունն ամեն ինչ անում էր, որպեսզի այս գործով մեղադրվի հենց Հարություն Սարգսյանը: Դաժան ծեծի  է  ենթարկվել  Հարություն Սարգսյանը բարձրաստիճան պաշտոնյաների կողմից, միակ նպատակն է եղել ստիպել նրան  ընդունել մեղքը , որ ինքն է կատարել սպանությունը»: Լուսինե Սահակյանը հայտնեց նաև, որ հոգեբանական և ֆիզիկական ճնշումների են ենթարկվել նաև Հարություն Սարգսյանի հարազատները, ընկերները: «Նախաքննության մարմինը փորձում էր հանցակից դարձնել Սարգսյանի ընկերներին, անգամ 80 անց տատիկին»:

Ավետիք Իշխանյանի գնահատմամբ քրեական այս գործի քննության ընթացքում խախտվել են Մարդու իրավունքների եվրոպական կոնվենցիայի արդար դատաքնննության իրավունքն, ինչպես նաև կոնվենցիայի երրորդ հոդվածով սահմանված իրավունքը, որով արգելվում է անձին ենթարկել խոշտանգումների:  Լուսինե Սահակյանի փոխանցմամբ Առաջին ատյանի դատարանի դատավորն անգամ առանց ամբաստանյալի և նրա շահերի պաշտպանների  ներկայության հրապարակել է դատավճիռը, ինչն օրենքի կոպիտ խախտում է:

Հարություն Սարգսյանի շահերի պաշտպանն իհարկե ավելի քան մեկ ամիս առաջ դիմել է Վճռաբեկ դատարան` բեկանելու առաջին ատյանի եւ Վերաքննիչ  դատարանների վճիռները: Պատասխան դեռևս չեն ստացել, թեև անցել է օրենքով սահմանված ժամկետը:

Ի՞նչ ակնկալիքներ ունեն, հնարավոր համարում ե՞ն, որ վճռաբեկ դատարանը կբեկանի նախորդ վճիռները, հարցին Լուսինե Սահակյանը պատասխանեց «Վաղուց չեմ հավատում, որ Հայաստանում հնարավոր է արդարադատություն իրականացնել, սակայն երբեմն ձևի համար փորձ անում են, և սա այն  գործն է, որ կարող են և ունեն արդարադատություն իրականացնելու բոլոր հիմքերն ու ապացույցները, պետք է միայն, որպեսզի Վճռաբեկ դատարանը գործը վարույթ վերցնի և իրականացնի արդար դատաքննություն»:

Ավետիք Իշխանյանի մեկնաբանությամբ էլ Հայաստանում «շատ հաճախ անարդար դատաքննություն է իրականացվում,  և դատավճիռներ  են կայացվում  պրոֆեսիոնալիզմի բացակայության պատճառով»: «Իրականում, եթե լուրջ քննություն տեղի ունենար, հնարավոր է, որ շատ բան պարզվեր: Այս ասուլիսը ճիչ է, թե ինչ է կատարվում Հայաստանի իրավապահ և դատական համակարգերում, ինչպես են մարդկանց ճակատագրերի հետ խաղում»,- հայտարարեց «Հայաստանի Հելսինկյան  կոմիտեի» ղեկավար իրավապաշտպան Ավետիք Իշխանյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ