«Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» ցուցահանդես
20.10.2014
14:30
Հոկտեմբերի 21-ին ՄԱԿ-ի հայաստանյան գրասենյակում կբացվի «Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» ցուցահանդեսը:
Երկշաբաթյա ցուցահանդեսին ներկայացվելու են նկարիչներ Տիգրան Սահակյանի, Արման Վահանյանի և Տիգրան Կիրակոսյանի աշխատանքները` օֆսեթ լիթոգրաֆիայի, ինչպես նաև մենատիպի և օֆորտի տեխնիկայով: Ներկայացվելիք աշխատանքները ստեղծվել են Էստոնիայի մայրաքաղաք Տալլին նկարիչների կատարած այցելության ժամանակ:

Այսօր «Մեդիա կենտրոնում» կայացած ասուլիսին Արման Վահանյանը նշեց, որ նման այցելություներն ու շփումները շատ կարևոր են աշխարհին այլ աչքերով նայելու համար:

«Երբ համեմատության հնարավորություն չես ունենում, լճանում ես», - վստահ է Արման Վահանյանը: Նկարիչը նշեց, որ անհրաժեշտ է պահպանել ու զարգացնել 60-ականների հայ արվեստի ավադույթները, իսկ ժամանակակից արվեստների միջազգային ասպարեզում Հայաստանի տեղը կայուն պահելու համար անհրաժեշտ է պետական մշակութային քաղաքականություն:

Նկարիչ Տիգրան Սահակյանի կարծիքով` նմանատիպ այցերն ու ցուցահանդեսները հնարավորություն են տալիս ծանոթանալու այլազգի նկարիչների արվեստի հետ. դրանք փորձի փոխանակման լավագույն միջոց են: «Էստոնիայում տպագրական գրաֆիկայի արմատներն ավելի խորն են, քան Հայաստանում, սակայն հայ գեղանկարիչները չեն զիջում էստոնացիներին», - ասաց Սահակյանը:

Ցուցահանդեսի կազմակերպիչ «Մշակույթների երկխոսություն» հիմնադրամի նախագահ Սոնա Հարությունյանն նշեց, որ արվեստագետների փոխանակման ու շփման առաջարկը եղել է էստոնական կողմից 2013թ.: «Այն արվեստանոցները, որ կան Տալլինում, այստեղ, ցավոք սրտի, առկա չեն, և մեր արվեստագետները հնարավորություն չունեն այդ տեխնիկաներով աշխատելու», - հավելեց Հարությունյանը:

Ըստ հիմնադրամի նախագահի` այս նախաձեռնությունն կրելու է շարունակական բնույթ, և հաջորդ տարի ամռանը Երևանում կբացվի էստոնացի գրաֆիկ արվեստագետների ցուցահանդեսը:

«Մշակույթների երկխոսություն» կազմակերպության նախաձեռնությամբ և հովանավորությամբ, ինչպես նաև «Էստոնիայի գրաֆիկների ասոցիացիայի» հետ համագործակցությամբ 2014թ.-ի մարտի 15-ից ապրիլի 15-ը Էստոնիայի մայրաքաղաք Տալլին էին գործուղվել նկարիչներ Տիգրան Սահակյանը, Արման Վահանյանը և Տիգրան Կիրակոսյանը, Էստոնիայի գրաֆիկների ասոցացիայում աշխատելու նպատակով: Երեք շաբաթների ընթացքում ստեղծված աշխատանքները` օֆսեթ լիթոգրաֆիայի, ինչպես նաև մենատիպի և օֆորտի տեխնիկայով, 2014թ.-ի ապրիլի 10-ին ցուցադրվեցին Էստոնիայի Ազգային գրադարանում` «Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» խորագիրը կրող ցուցահանդեսի շրջանակներում: Եվ այդպիսով իսկ Հայաստանի Հանրապետության անկախության ժամանակահատվածում առաջին անգամ Էստոնիայի Ազգային գրադարանում ներկայացվեց հայ ժամանակակից արվեստը: Արվեստագետներ Տիգրան Սահակյանի, Արման Վահանյանի և Տիգրան Կիրակոսյանի աշխատանքներն, վերջիններիս կատարման տեխնիկան հետաքրքրության արժանացան ինչպես Տալլինի, այնպես էլ Երևանի հանդիսատեսի և արվեստագետների կողմից: Ընդառաջ գնալով այդ հետաքրքրությանը և ամենից առաջ հայ հասարակության ցանկությանը՝ «Մշակույթների երկխոսություն» կազմակերպության նախաձեռնությամբ և հովանավորությամբ, ՄԱԿ-ի հայաստանյան գրասենյակի հետ սերտ համագործակցությամբ Երևանում կներկայացվի «Քայլող հետքեր. Տիգրան Սահակյանը, Արման Վահանյանը և Տիգրան Կիրակոսյանը Տալլինում» ցուցահանդեսը: Պաշտոնական բացումը տեղի կունենա 2014թ.-ի հոկտեմբերի 21-ին՝ ժամը 2-ին ՄԱԿ-ի հայաստանյան գրասենյակում:

Տեսանյութ
Print Friendly and PDF
Այլ մամլո հաղորդագրություններ
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ