Խղճի ազատության մասին նոր օրենք ընդունելը քաղաքական որոշում է
15.10.2014
11:00
«Իշխանության նկատմամբ բացասական վերաբերմունքը փոխանցվում է Հայ առաքելական եկեղեցուն», - վստահ է religions.am կայքի խմբագիր Ստեփան Դանիելյանը: Նրա խոսքով եկեղեցին սերտաճել է պետության հետ, իսկ 2007 թվականին, երբ Սահմանադրությամբ Հայ առաքելական եկեղեցուն փոխանցվեցին մեծ արտոնություններ, ընդհուպ` հանրակրթության ու գիտական ոլորտներում Առաքելական եկեղեցուն վերահսկողության իրավունք փոխանցելը:

Այսօր «Մեդիա կենտրոնում» տեղի ունեցած ասուլիսի մյուս մասնակից` կրթության հարցերով փորձագետ, մանկավարժ Արմինե Դավթյանի փոխանցմամբ` երբ Առաքելական եկեղեցուն Սահմանադրությամբ հնարավորություն տրվեց գործունեություն ծավալել հանրակրթության ոլորտում, կրթության աշխարհիկության սկզբունքը խախտվեց:

Ստեփան Դանիելյանի կարծիքով Հայաստանում կրոնական անհանդուրժողականությունն այնքան էլ սուր չէ. կա քաղաքական շահարկում, և «կրոնական անհանդուրժողականությունն արհեստական է` քաղաքական հայացքներով մոտիվացված»:

Դավթյանը նշեց, որ Հայաստանում տարբեր մարզերում կրոնական անհանդուրժողականությունն ունի տարբեր մակարդակներ` ամենահանդուրժողը Տավուշի մարզն է, իսկ Շիրակի ու Լոռու մարզերն ավելի անհանդուրժող են:

«Խղճի ազատության և կրոնական կազմակերպությունների մասին» ՀՀ նոր օրենքին սպասելիս 

«Խղճի ազատության և կրոնական կազմակերպությունների մասին» ներկայումս գործող օրենքն ընդունել է դեռ ՀՀ Գերագույն խորհուրդը 1991 թվականին, երբ դեռ ընդունված չէր Հայաստանի անկախ հանրապետության առաջին սահմանադրությունը: Օրենքի համար հիմք էր ծառայել Խղճի ազատության և կրոնական կազմակերպությունների ԽՍՀՄ օրենքը, ինչի հետևանքով այն մի շարք թերություններ պարունակելուց զատ նաև չի համապատասխանում ներկա իրավիճակին, երբ Հայաստանը վավերացրել է միջազգային մի շարք համաձայնագրեր, անադամկցել է Եվրախորհրդին, ստանձնել պարտավորություններ: Արդեն մի քանի տարի է ՀՀ կառավարությունը, մասնավորապես արդարադատության նախարարությունը օրենքի  նախագծեր է մշակում: Երկու անգամ մշակված օրինագծերին բացասական գնահատական են տվել ԵԱՀԿ-ն և Վենետիկի հանձնաժողովը: Դրանից հետո 2011-ին բոլորովին նոր օրինագիծ է մշակվել, բայց մինչ այսօր օրինագիծը վերջնական տեսքով շրջանառության մեջ չի դրվել: Այս փուլում կարծես որևէ աշխատանք չի տարվում օրինագիծը շահառուների և միջազգային պահանջներին ու չափանիշներին բավարարելու ուղղությամբ:

Ստեփան Դանիելյանի նշեց, որ նոր օրենքն ավելի շատ քաղաքական որոշում է, քանի որ խնդիրը պետական քաղաքականության մեջ է:

«Նոր օրենքը չի ընդունվում Էջմիածնի միաբանների լոբբինգի պատճառով, իսկ մյուս կողմից միջազգային չափանիշներ ու պահանջներ: Այս երկու ճնշումների հետևանքով օրենքը չի փոխվում», - ասաց Դանիելյանը:

Արմինե Դավթյանի խոսքով «Խղճի ազատության և կրոնական կազմակերպությունների մասին» ՀՀ օրենքի նոր նախագծի դեպքում կրոնական բոլոր կազմակերպությունները պետք է ենթարկվեն դրան, այդ թվում նաև Հայ առաքելական եկեղեցին, ինչն ամենայն հավանականությամբ այնքան էլ ձեռնտու չէ նրանց համար, ավելի լավ է ունենալ լղոզված օրենսդրություն:

Որպես կրոնական անհանդուրժողականությունից խուսափելու հնարավոր միջոց` Դավթյանը նշեց կրոնական հարցերը գիտական մակարդակում լուծելը, իսկ ըստ Դանիելյանի` «մեր պետությունը պետք է ունենա հստակ պատկերացումներ, թե ինչ երկիր է ուզում կառուցել ու դրանից ելնելով որոշի, թե տարբեր ոլորտներում, նաև այս ոլորտում ինչ հստակ քաղաքականություն պետք է վարի»:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ