Կոռուպցիայի ընկալման առումով Հայաստանում դեռևս էական փոփոխություն չի արձանագրվել
15.10.2014
13:30
Կոռուպցիայի դեմ պայքարը միայն պետական մարմինների գործառույթ չէ, անհրաժեշտ է, որպեսզի կոռուպցիայի դեմ պայքարի պահանջարկ ստեղծվի նաև հանրության շրջանում: Կոռուպցիայի ընկալման առումով Հայաստանում դեռևս էական փոփոխություն չի արձանագրվել, թեև էլեկտրոնային կառավարման համակարգի ներդրմամբ չնչին առաջընթաց կա, սակայն դա դեռ բավարար արդյունք չէ:

Մեդիա կենտրոնի նախաձեռնությամբ հրավիրված ասուլիսին ՀՀ արդարադատության նախարարի տեղակալ Սուրեն Քրմոյանը և «Թրանսփարենսի Ինթերնեշնլ հակակոռուպցիոն կենտրոնի» գործադիր տնօրեն Վարուժան Հոկտանյանն անդրադարձան, ինչպես Հայաստանում առկա կոռուպցիոն երևույթներին և դրանց դեմ իրականացվող պայքարի արդյունավետությանը, այնպես էլ հակակոռուպցիոն ռազմավարական ծրագիրի նոր հայեցակարգին:

Հայաստանում արդեն կոռուպցիայի դեմ պայքարի երրորդ ռազմավարական ծարգիրն է իրականացվում: Առաջին հակակոռուպցիոն քաղաքականությունն իրականացվել է 2003-2007 թվականների համար մշակված ռազմավարական ծարգրով: Ծրագրի ավարտից հետո, ըստ հրապարակված տեղեկությունների, էական  փոփոխություններ չեն եղել, Հայաստանը շարունակել  է դասվել կոռուպցիայի բարձր մակարդակ ունեցող երկրների շարքին։

2009-2012 թվականների հակակոռուպցիոն քաղաքականության իրականացման արդյունքում՝ կոռուպցիայի ընդհանուր մակարդակի գնահատման ցուցանիշներով Հայաստանն առավել բարենպաստ դիրքերում էր ԱՊՀ երկրների շարքում, սակայն էապես զիջում էր Արևելյան Եվրոպայի և Մերձբալթյան երկրների կոռուպցիայի ընդհանուր մակարդակի համապատասխան ցուցանիշներին։

ՀՀ արդարադատության փոխնախարար Սուրեն Քրմոյանի փոխանցմամբ նոր ռազմավարական ծրագիրը մշակելիս հաշվի են առել նախկին փորձը, եղած բացթողումներն ու թերությունները: «Իհարկե մենք հաշվի ենք առել նախորդ ռազմավարության խնդիրները և այն ցուցանիշները, որոնք գրանցվել են նախորդ տարիներին»: Սուրեն Քրմոյանի խոսքով ցուցանիշների բարելավում է գրանցվել, ինչը վկայում է, որ ճիշտ ուղղությամբ են գնում, միևնույն ժամանակ փոխնախարարը նշեց, որ նախորդ ռազմավարությունը «բավականաչափ մեծ էր և հավակնոտ, ընդգրկում էր պետական կառավարման բոլոր ոլորտները, ինչի արդյունքում հնարավորություն չկար կենտրոնանալու թիրախային , ռիսկային ոլորտների վրա:» Վարուժան Հոկտանյանի գնահատմամբ կոռուպցիայի ընկալման համաթվի ցուցանիշներով Հայաստանում էական փոփոխություն չի արձանագրվել, իհարկե էլեկտրոնայաին կառավարման համակարգի ներդրման շնորհիվ, վիճակի փոքր ինչ լավացում եղել է, բայց կոռուպցիոն դրսևորումների կանխարգելման խնդիր է մասամբ լուծել:

Հայաստանում նախորդ երկու ռազմավարական ծրագրով շեշտը դրվել է կանխարգելման խնդրի վրա, որն ըստ Վարուժան Հոկտանյանի բավարար չէ: Անհրաժեշտ է, որպեսզի լուծվի կոռուպցիոն դրսևորումների պատժելիության խնդրին:  Բանախոսները համակարծիք էին, որ մեր երկրում բավականին մեծ է հանրության հանդուրժողականությունը կոռուպցիայի նկատմամբ: Ինչը մեծապես պայմանավորված է նրանով, որ լիարժեք չեն գործում կանխարգելման և պատժման մեխանիզմները: Սուրեն Քրմոյանի խոսքով նոր ծրագրով 4 հիմնական  թիրախային ոլորտներ է ընտրվել՝ կրթություն, առողջապահություն, հարկային մարմիններ և ոստիկանություն:  Այս ծրագրով ավելի մեծ է հնարավորությունը թիրախային պայքար ծավալելու կոռուպցիոն դրսևորումների դեմ:

Մշակված ռազմավարական  փաստաթուղթը միտված է բարձրացնելու հասարակության վստահությունը հանրային կառավարման համակարգի նկատմամբ, ձևավորելու բարեխիղճ և պատասխանատու հանրային ծառայություն, ինչպես նաև ապահովել կառավարման թափանցիկությունը և հանրային հաշվետվողականությունը: Փոխնախարարի կարծիքով այս ծրագրով ավելի մեծ կլինի  արդյունավետությունն ապահովելու հնարավորությունը:

Վարուժան Հոկտանյանի խոսքով ռազմավարական նախորդ ծրագրերի թերությունն այն էր, որ չստեղծվեց  այնպիսի  ինստիտուցիոնալ լիարժեք համակարգ, որը կարողանար փոխել իրավիճակը:  Եվ եթե նոր ծրագրով չլուծվի  այդ խնդիրը, ապա «Թրանսփարենսի Ինթերնեշնլ հակակոռուպցիոն կենտրոնի» գործադիր տնօրենը կասկած հայտնեց, որ նոր ռազմավարությունը արդյունավետ կիրագործվի:  

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ