Բանավեճ. ԵՏՄ-ին անդամակցելուց հետո Հայաստանում կլինի երկնիշ գնաճ
09.10.2014
17:00
ԵՏՄ-ին անդամակցությունը Հայաստանի համար որևէ արդյունք չի ապահովի: Մեկ տարվա գործընթացների արդյունքում Հայաստանը հայտնվել է տնտեսական և քաղաքական մեկուսացման մեջ:

Մեդիա կենտրոնի նախաձեռնած՝  «ԵՏՄ անդամակցությունը  կապահովի Հայաստանի անվտանգությունը, թե կտանգի տնտեսությունը» թեմայով բանավեճին մասնակցում էին.

Զոյա Թադևոսյանը-  ՀՊՏՀ Միջազգային տնտեսական հարաբերությունների ամբիոնի տնտեսագիտության դոկտոր, պրոֆեսոր

Ատոմ Մարգարյանը- ՀՊՏՀ տնտեսության կարգավորման և միջազգային  տնտեսական հարաբերությունների ֆակուլտետի դեկան

Վարդան Բոստանջյանը –Տնտեսագիտության դոկտոր, պրոֆեսոր

Ղարիբ Հարությունյանը- «Կոմպաս» գիտահետազոտական կենտրոնի նախագահ տնտեսագիտության թեկնածու

Հովհաննես Իգիթյանը- ԱԺ արտաքին հարբերությունների հանձնաժողովի նախկին նախագահ, միջազգային փորձագետ

Աշոտ Եղիազարյանը- տնտեսագետ, փորձագետ

Բանավեճը վարում  էր լրագրող Արևիկ Սահակյանը:

Շուրջ ինն ամիս տևած փակ բանակցություններից հետո  ի վերջո հրապարակվեցին ԵՏՄ  պայմանագիրն ու դրա հավելվածները:  Նախանշված ստորագրումից ընդամենը մի քանի օր առաջ հանրությունը հնարավորություն ունեցավ  տեղեկանալու, թե ինչպիսի պայմաններով է Հայաստանը պատրաստվում անդամակցել ԵՏՄ-ին, եւ արդեն հայտնի է նաեւ անցումային փուլի համար նախատեսված արտոնությունների չափն ու տևողությունը`կոնկրետ ապրանքատեսակների համար: Արդյո՞ք ներկայացված պայմանները հնարավորություն կտան ոչ միայն անցնցում կերպով  անցում կատարել նոր տնտեսական ռեժիմին, այլեւ իրական նախադրյալներ ստեղծել առաջիկա տարիներին ՀՀ տնտեսության զարգացման համար, թե  այդուամենայնիվ, Հայաստանի` առանց այդ էլ թույլ տնտեսությունը կհայտնվի նորանոր ցնումների վտանգի առջև` հաշվի առնելով ԵՏՄ անդամ երկրների, հատկապես Ռուսաստանի ներկա տնտեսական իրավիճակը, արեւմուտքի կողմից կիրառվող պատժամիջոցները:

Աշոտ Եղիազարյան «ԵՏՄ-ն ոչ թե տնտեսական, այլ միջպետական մակարդակով միավորում է, որն ըստ էության լուծում է Մոսկվայի խնդիրները:  Ռուսաստանը նպատակ ունի իր ազդեցության տակ գտնվող երկրներին, իսկ հետո նաև այն երկրներին, որոնք  դժգոհ են ներկա աշխարհակարգից, հավաքել իր շուրջը: Այսինքն ԵՏՄ-ն ոչ թե տնտեսական, այլ միջպետական միավորում է, որը պետք է ապահովի Ռուսաստանի ավելի հզոր դիրքերից հանդես գալը: Իսկ մեզ համար հեռանկարն անորոշ է:»

Զոյա Թադևոսյան «Հայստանը պետք է հասկանա, թե ԵՏՄ-ի մեջ մենք ինչ դերակատարություն ենք ունենալու: Ի վերջո յուրաքանչյուր ինտեգրացիոն գործընթացում և խմբավորման մեջ յուրաքանչյուր երկիր հետապնդում է իր շահը: Ես վստահ եմ, որ Հայաստանի Հանրապետությունը ԵՏՄ-ում, որևէ տնտեսական շահ բավարարել չի կարող, մեկ պարզ պատճառով, որովհետև մենք չունենք ընդհանուր սահման և այս հանգամանքն անտեսել չի կարելի: »

Վարդան Բոստանջյան «ԵՏՄ-ին անդամակցությունը քաղաքական հարց է, պետք է հասկանալ, որ մենք գտնվում ենք «մոնստրների» պայքարի արանքում:  Հայաստանը պետք է չվտանգվի: ՀՀ-ն պետք է կարողանա աշխարհաքաղաքական ներկա իրավիճակում այնպիսի քայլեր կատաել, որ «ոտքի տակ չընկնի»:

Ատոմ Մարգարյան  «11 տարի առաջ երբ Հայաստանն  անդամակցում էր Առևտրի համաշխարհային կազմակերպությանը, նույնատիպ մտահոգություններ կային, բայց ժամանակը ցույց տվեց, որ Հայաստանը բավականին բարդ իրավիճակներում զարգացման որոշակի խնդիրներ լուծել է:

Հայաստանը չի կարող ոչ միայն զարգանալ, այլև գոյատևել, լինելով փակ, մեկուսի, չեզոք, ունենալով ղարաբաղյան խնդիր, չմտնելով որևէ ինտեգրացիոն պրոեկտի մեջ:

Ծայրահեղ եմ համարում այն տեսակետը, որ Հայաստանը չի կարող ԵՏՄ ծրագրի անդամ լինել: Հայաստանը ծնվել է այդ շուկաներից և հիմա  ետ է գնում, դեպի այն շուկաները, որոնք իր համար բնականոն, համադրելի պայմաններ են առաջարկում: Այլ հարց է, որ ընդհանուր սահման գոյություն չունի, դա իհարկե խնդիր է: Կարծում եմ առաջարկված պայմանների մեջ  հաշվի է առնվել այդ հանգամանքը,  որովհետև տրված անցումային ժամկետը, մոտավեորապես համադրելի է առևտրի համաշխարհային կազմակերպությանն անդամակցելու համար տրված արտոնյալ  6 տարվա ժամկետին:  Հայաստանը հաջողությամբ անցավ այդ փուլը, թեև գյուղատնտեսության որոշակի  խնդիրներ ծագեցին: Ցանկացած մաքսային միություն ըստ էության կոլեկտիվ պրոտեկցիոնիզմի ձև է և դա ուղղված է երրորդ երկրների դեմ: Երբ նայում ենք Հայաստանում  ներմուծման միջին մաքսատուրքը 2.5 անգամ բարձր է մաքսային միության անդամ եռյակի միջին մաքսատուրքից, այս տեսանկյունից լինելու է գնային պրեսինգ Հայաստանի շուկայի վրա: Հատկապես զգայուն ապրանքների գների ՝ բենզին, դեղորայք, ցորեն, մսամթերք, որոշակի բարձրացում կլինի: Մասնագետների գնահտամամբ գնաճը կարող է լինել երկրնիշ թվերի սահմաններում, որը բնորոշ է, թե Ռուսաստանին, թե հատպակես Բելառուսին: Գնաճը՝  մոտավորապես 10-12 տոկոսի սահմաններում, կարող է կայունանալ,  դա բնական շոկային էֆեկտ է: Ինտեգրման ցնցումը բնական պրոցես է և կարող է տևել մեկ, երկու  տարի , բայց ժամանակի ընթացքում պետք է բալանսավորվեն շուկաները: Խոսքը վերաբերում է նաև բանկային տոկոսադրույքներին, բյուջեների դեֆիցիտներին: Այսինքն,  փորձը ցույց է տվել, որ մակրոտնտեսական բոլոր պարամետրերի գծով պետք է տեղի ունենա համահարթեցում:»

Ղարիբ Հարությունյան- «Տնտեսական ցանկացած ինտեգրացման հիմքում պետք է դրված լինի տնտեսական արդյունավետությունը: Իսկ ի՞նչ կարող է տալ այս ինտեգրացումը՝ աղքատության բարձր մակարդակ, արտագաղթի ահագնացող տեմպեր  ունեցող երկրին, ինչպիսին Հայաստանն է: Իհարկե չի բացառվում, որ այդ խնդիրները լուծելու որոշակի հնարավորություն տա:  Ինտեգրացումը կարճաժամկետ դրական ազդեցություն կարող  է ունենալ, սակայն  երկարաժամկետ տեսանկյունից մեր, ԵՏՄ-ին ինտեգրացումը  տնտեսության վրա բացասական ազդեցություն է  ունենալու և տանելու է դեպի տնտեսական անկում:

Հովհաննես Իգիթյան  Հայաստանը գնում  է  մի տեղ, որտեղ չգիտի ինչ է կատարվելու: Կան մի շարք խնդիրներ, որոնցից մեկն այն  է, որ  լուծված չէ Լեռնային Ղարաբաղի մաքսակետի հետ կապված խնդիրը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Սպիտակի երկրաշարժից 29 տարի անց. սեյսմիկ անվտանգության խնդիրներն ու մարտահրավերները Հայաստանում»
07.12.2017
11:00
1988թ․ դեկտեմբերի 7-ի Սպիտակի երկրաշարժի մարդկային ու նյութական կորուստներն աղետալի էին։ Տուժեց 21 քաղաք և շրջան, 342 գյուղ, ավերվեց հանրապետության բնակֆոնդի 17 տոկոսը։
«2015թ․ սահմանադրական փոփոխությունների արդյունքներն ու ազդեցությունը հասարակական-քաղաքական կյանքի վրա»
06.12.2017
12:00
Դեկտեմբերի 6-ին «Մեդիա կենտրոնում» տեղի ունեցավ քննարկում «2015թ․ սահմանադրական փոփոխությունների արդյունքներն ու ազդեցությունը հասարակական-քաղաքական կյանքի վրա» թեմայով:
2015թ․ դեկտեմբերի 6-ին Հայաստանում տեղի ունեցավ Սահմանադրության փոփոխությունների հանրաքվե։ Հանրաքվեի դրված Սահմանադրության նախագծով առաջարկվում էր անցում կատարել կիսանախագահական կառավարման համակարգից խորհրդարանական համակարգի:
«Բռնության ենթարկված կանանց շրջանում ՄԻԱՎ-ով վարակվելու հավանականությունը»
05.12.2017
12:00
Նոյեմբերի 25-ից դեկտեմբերի 1-ը աշխարհում անցկացվում է Ընդդեմ գենդերային բռնության 16 օրյակ, որի շրջանակում դեկտեմբերի 5-ին Մեդիա կենտրոնում անկացվեց մամլո ասուլիս «Բռնությանն արդարացում չկա» տարածաշրջանային ակցիայի վերաբերյալ:
Հաշմանդամություն ունեցող անձանց խնդիրները Հայաստանում. միջազգային պարտավորություններ, նախընտրական խոստումներ և իրականություն
04.12.2017
12:00
Դեկտեմբերի 3-ը Հաշմանդամություն ունեցող անձանց միջազգային օրն է, որի առնչությամբ դեկտեմբերի 4-ին Մեդիա կենտրոնում կազմակերպվեց քննարկում` «Հաշմանդամություն ունեցող անձանց խնդիրները Հայաստանում. միջազգային պարտավորություններ, նախընտրական խոստումներ և իրականություն» թեմայով:
«Հիասթափված եմ ՊՆ ղեկավարությունից». «ԱրԱր» հիմնադրամի նախագահ
01.12.2017
12:00
Ազգ-բանակ» հայեցակարգը կամ ծրագիրը դեռեւս բյուրեղացման կարիք ունի, այն միասնական փաստաթղթի տեսքով ներկայացված չէ, իսկ այդ տրամաբանության ներքո իրականացվող օրենսդրական փոփոխություններն ու զինված ուժերում կատարվող ռեֆորմները հաճախ ներկայացվում են վիճելի ձեւով ու ստեղծում ընդհանուր բացասական ֆոն:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ